Ishon!Sen ishon, hammasi yaxshi bo'ladi,
Qaytadi yurakka oromu quvonch.
Ishongil, ko'zlaring yana kuladi,
G'am chekma, bu yo'lda muhimi – ishonch!
Yomon xayollarni nariga quvib,
Yaxshi o'ylar surgin, ishon orzuga.
Qora o'tmishlarni ko'z yosh-la yuvib,
Xayollar ilkidan olgin ozuqa.
Har nening vaqti bor, kelur o'sha on,
Bashariyat senga bo'shatajak taxt.
Ishlaring zo'r bo'lar, sen faqat ishon,
Seni tetik holda qarshi olsin baxt.
Sog'inch tugaydigan nuqtada visol
Qo'l tutib, jimgina o'ziga chorlar.
Bir boqqil – tarixda son mingta misol,
G'olib bo'lgan faqat ishonchi borlar!
#Xayrulla Hamidov
@alamiy_uz