#nazm

BIR DUNYO YARATDIK...

Dunyolar bazmidan bezib qochdim men,
Ruhimni ruhingga sezib ochdim men,
Poyingga umrimni sevib sochdim men,
Sezmayapsanmi?..

Bir dunyo yaratdik -- ismi muhabbat,
O'ng yoni ibodat, so'l yoni suhbat,
Oh, qanday saodat, qanday saodat!
Kezmayapsanmi?..

"Qismatim -- sen!" deb ont ichdim askardek,
Ismingni ismimga qo'shdim javhardek,
Yo'lingda turibman olov - axgardek,
Kelmayapsanmi?..

Bir umr zor edim -- topdim men oxir,
Hijronning daftarin yopdim men oxir,
Baxtning manglayidan o'pdim men oxir,
O'lmayapmanmi?!

Xayrli tun, azizlar! 🌃

Eng tezkor xabarlar 👇 👇 👇
https://t.me/aktual_uztv