AgroTech KLASTER

Уважаемые партнёры и соотечественники!

Поздравляем вас с наступающим 2025 годом! Пусть этот год принесёт вам здоровье, счастье, благополучие и новые успехи.

AgroTech Klaster гордится быть вашим надёжным партнёром и в новом году готов продолжать поддерживать развитие сельского хозяйства.

С Новым годом и новыми достижениями!
С уважением,
коллектив AgroTech Klaster.

💬 Telegram 🌐 Instagram

Hurmatli hamkorlar va qadrli yurtdoshlar!

Sizni kirib kelayotgan 2025-yil bilan samimiy tabriklaymiz! Yangi yil barchangizga sog‘lik-salomatlik, baxt-saodat va ulkan muvaffaqiyatlar olib kelsin.

Biz, AgroTech Klaster, sizning ishonchingizni yuksak qadrlaymiz va qishloq xo‘jaligini rivojlantirish yo‘lida o‘z hissamizni qo‘shishda doimo tayyormiz!

Yangi yil muborak bo‘lsin!
Hurmat bilan,
AgroTech Klaster jamoasi.

💬 Telegram 🌐 Instagram

Inno Innovatsion o‘quv va ishlab chiqarish texnoparkida ochiq muloqot

2024-yil 20-dekabr kuni “Toshkent traktor zavodi” MCHJ Bosh direktori Azizbek Muxitdinov muhandislik yo‘nalishida tahsil olayotgan va faoliyat yuritayotgan yoshlar bilan ochiq muloqot o‘tkazdi.

Ushbu tadbirda 200 ga yaqin Turin politexnika universiteti, Islom Karimov nomidagi Toshkent Davlat Texnika Universiteti hamda Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar instituti talabalari ishtirok etdi.

📌 Uchrashuv doirasida muhokama qilingan mavzular:
• O’zbekiston qishloq xo‘jaligi mashinasozligi tarixi, bugungi kuni va kelajak istiqbollari;
• Muhandislarning sanoat va zamonaviy texnologiyalarni o’zlashtirishdagi o’rni;
• Yangi innovatsion yechimlar va ularni ishlab chiqarishda qo‘llash imkoniyatlari;
• Yosh mutaxassislar uchun mavjud ish o‘rinlari va professional rivojlanish imkoniyatlari.

📌 Muloqotning asosiy maqsadi:
Yoshlarni ilm-fan va texnikaviy rivojlanishga jalb etish, ularning kasbiy o‘sishini rag‘batlantirish hamda zamonaviy texnologiyalarni ishlab chiqarish jarayonlariga muvaffaqiyatli integratsiya qilish yo‘llarini muhokama qilish.

▶️ Tadbirning ahamiyati:
Mazkur ochiq muloqot zamonaviy qishloq xo‘jaligi texnologiyalari va sanoat rivoji sohasida yosh mutaxassislarning rolini oshirish, ularni yangi g‘oyalar va tashabbuslarga ilhomlantirishga qaratilgan bo‘lib, bilim va tajriba almashish uchun muhim imkoniyat yaratdi.

Tadbir davomida yoshlar o‘z qiziqishlari bilan o‘rtoqlashib, savollariga to‘g‘ridan-to‘g‘ri javob olish imkoniga ega bo‘ldilar.

💬 Telegram 🌐 Instagram

Tian Cheng Modern Agricultural Equipment Technology Xitoy kompaniyasi bilan AgroTech Klaster korxonasi rahbarlari muzokaralar olib bordi

Joriy yilning 14-dekabr kuni “Tian Cheng Modern Agricultural Equipment Technology” xorijiy kompaniyasi (keyingi o‘rinlarda – “Tian Cheng”) rahbari janob Kan bilan muzokaralar o‘tkazildi.

“Tian Cheng” XK 2019-yilda tashkil etilgan bo‘lib, Sirdaryo viloyatidagi “Pengshen” sanoat zonasida joylashgan.

Kompaniya pnevmatik va mexanik seyalkalar, chuqur yumshatgichlar, turli xil purkagichlar, suvni tejaydigan texnologiyalar hamda tomchilatib sug‘orish uskunalari uchun ehtiyot qismlar yetkazib beradi.

Xitoy tomoni maxsus seyalkalar ishlab chiqarishni yo‘lga qo‘yish bo‘yicha o‘zaro hamkorlik taklifini taqdim etishga kelishib oldi.

💬 Telegram 🌐 Instagram

AgroTech Klaster zavodida Misr elchisi bilan uchrashuv bo‘lib o‘tdi

Bugun AgroTech Klaster zavodiga Misr Arab Respublikasining mamlakatimizdagi Favqulodda va muxtor elchisi Tamer Fathi Abdussalom Hammad tashrif buyurdi.

Safar davomida ikki tomonlama hamkorlikni rivojlantirish, xususan, qishloq xo‘jaligi texnikasi ishlab chiqarish sohasida o‘zaro manfaatli loyihalarni amalga oshirish istiqbollari muhokama qilindi.

Uchrashuvda tomonlar Misr Arab Respublikasida zamonaviy qishloq xo‘jaligi texnikalarini ishlab chiqarishni yo‘lga qo‘yish va bu texnikalarni Afrika davlatiga eksport qilish bo‘yicha rejalarni belgilab oldilar.

Loyihaning asosiy maqsadi – sifatli va innovatsion texnologiyalarni taqdim etish orqali mintaqadagi qishloq xo‘jaligi sohasini rivojlantirish va ikki tomonlama iqtisodiy hamkorlikni mustahkamlashdir.

💬 Telegram 🌐 Instagram

Respublika tarmoqlararo sanoat yarmarkasida AgroTech Klaster zavodi ham o‘zining innovatsion yutuqlari bilan ishtirok etdi

Joriy yilning 10-13 dekabr kunlari Respublika tarmoqlararo sanoat yarmarkasi ishlab chiqaruvchilar va tadbirkorlar uchun so‘nggi texnologik yutuqlarni namoyish etish va kooperatsiya aloqalarini kengaytirishda samarali maydon bo‘lib xizmat qilmoqda.

Ushbu yarmarkada qishloq xo‘jaligi texnikasi sohasida yetakchi bo‘lgan AgroTech Klaster zavodi ham faol ishtirok etib, o‘zining innovatsion ishlanmalari va mahalliylashtirishga oid loyihalarini taqdim etdi.

Toshkent shahridagi “O‘zekspomarkaz” Milliy ko‘rgazmalar majmuasida joylashgan 1-pavilonda AgroTech Klaster tomonidan yuqori unumdorlikka ega zamonaviy texnikalar namoyish etildi. Xususan, DF 903, DF 904, Lovol 504 kabi traktorlar va lazerli yer tekislagichlar (3,5 va 5 metrli) mehmonlarning diqqat markazida bo‘ldi.

Yarmarka hududida namoyish etilgan boshqa jihozlar orasida Lovol 1004, John Deere 6140B, TTZ 812 traktorlari hamda yuqori unumdorlikka ega John Deere 9970paxta terish mashinasi alohida o‘rin egalladi. Ushbu texnikalar nafaqat ilg‘or texnologiyalarga asoslangan, balki mahalliy sharoitlarda samarali foydalanish uchun maxsus moslashtirilgan.

Mazkur yarmarka AgroTech Klaster uchun texnologiyalarni mahalliylashtirishni kengaytirish, yangi sheriklar bilan aloqalarni mustahkamlash va milliy qishloq xo‘jaligi sohasida innovatsion yechimlarni joriy etishda muhim qadam bo‘lib xizmat qilmoqda.

💬 Telegram 🌐 Instagram

“Xalqaro Hamkorlik Uchrashuvi”

Joriy yilning 26-28 noyabr kunlari “AgroTech Klaster” bosh direktori Azizbek Muxitdinov qishloq xo‘jaligi texnikalari eksportini yanada rivojlantirish maqsadida Ozarbayjon davlatiga tashrifi davomida “Azer N Agro” LLC kompaniyasiga xizmat safari uyushtirdi.

Tashrif davomida “AgroTech Klaster” vakillari “Azer N Agro” korxonasining servis xizmat ko‘rsatish hamda dilerlik savdo markazlari faoliyati bilan yaqindan tanishdilar. Shuningdek, servis xizmat ko‘rsatish uchun mo‘ljallangan ehtiyot qismlar omborlari ham ko‘zdan kechirildi.

Uchrashuv chog‘ida qishloq xo‘jaligi sohasida innovatsion texnologiyalarni rivojlantirish, tajriba almashish va mintaqaviy bozorda o‘zaro manfaatli hamkorlikni kengaytirish masalalariga alohida e’tibor qaratildi.

Shuningdek, eksport qilingan traktorlar uchun servis xizmatini ta’minlash maqsadida hamkor tomonga TAT DF-904 modeliga ehtiyot qismlar yetkazib berish, 2024 yil dekabr oyida TTZ-812 va TTZ-903 modelli traktorlarni eksport qilish bo‘yicha kelishuvga erishildi. Kelgusida, 2025 yilga mo‘ljallangan paxta terish mashinalari, traktorlar va osma texnikalarni eksport qilish masalalari ham muhokama qilindi.

Ta’kidlash joizki, shu kunga qadar Ozarbayjon Respublikasiga umumiy qiymati 900 ming AQSh dollardan ortiq bo‘lgan qishloq xo‘jaligi texnikalari eksport qilingan bo‘lsa, kelgusi yil bu ko‘rsatkichni 2 million dollarga yetkazish rejalashtirilgan.

💬 Telegram 🌐 Instagram

#8dekabr

🇺🇿 Hurmatli hamkorlar va yurtdoshlar!

Sizni O‘zbekiston Respublikasi Konstitutsiyasi qabul qilinganining 32 yilligi bilan chin yurakdan muborakbod etamiz!

Konstitutsiyamiz – yurtimiz taraqqiyoti, erkinlik va adolat poydevori bo‘lib, uning qadrini yuksak baholash barchamizning burchimizdir.

Ushbu qutlug‘ kunda Vatanimizga tinchlik, farovonlik va buyuk marralarni zabt etishni tilab qolamiz.

Hurmat bilan,
“AgroTech klaster” MCHJ

💬 Telegram 🌐 Instagram