🏛ADTI.UZ | Rasmiy kanali

“ULFATLAR” JAMOASI KEYINGI BOSQICHGA YO‘L OLADI

Xabaringiz bor, o‘tgan 2024-yildan asos solingan "QVZ Vodiy ligasi"ning saralash va final bosqichi o'tkazilgan.

Bugun mazkur liganing 2-mavsumiga start berildi. 1-mavsum davomida iste’dodini namoyish eta olgan Andijon davlat tibbiyot institutining "Ulfatlar" jamoasi ushbu mavsumda ham o'zining qiziqarli chiqishlari bilan barcha tomoshabinlar hamda hakamlar olqishiga sazovor bo'ldi. Mavsumda 13 ta jamoa ishtirok etdi va unda ular orasidan 7 ta jamoa keyingi bosqichga yo‘l oldi. Quvonarlisi, “Ulfatlar” jamoasi yuqori ball bilan keyingi bosqichda ishtirok etadigan bo‘ldi.

“KAMBAG‘ALLIKDAN FAROVONLIK SARI”

Prezidentimiz raisligida “Mahallalarda aholi bandligini taʼminlash, daromadini oshirish va kambag‘allikdan chiqarish bo‘yicha” o‘tkazilgan videoselektor yig‘ilishida belgilab bergan vazifalaridan kelib chiqib, viloyat hokimi Sh.Abdurahmonovning topshirig‘iga asosan qizil toifadagi mahallalar aholisiga ko‘maklashish, bandligini ta’minlash, muammolarini o‘rganish va ularni bartaraf etish yuzasidan izchil ishlar amalga oshirilmoqda. Xususan, Andijon davlat tibbiyot institutiga Andijon shahridagi “Binokor” mahalla fuqarolar yig‘inida joylashgan 12 ta aholi yashaydigan ko‘p qavatli uylarda istiqomat qiluvchi fuqarolar biriktirilgan bo‘lib, mas'ullar tomonidan ularning yashash sharoitlari va muammolari doimiy tarzda o'rganib kelinmoqda.

Jumladan, bugun 4-fevral kuni ham Andijon davlat tibbiyot instituti mas’ullari ishtirokida mahalla aholisi bilan sayyor qabul o‘tkazildi.

Suhbatlar davomida bir nafar fuqaroning hamshira bo‘lib ishlashi oylik maoshi yetarli bo'lmaganligini sababli kunlik ishlash istagidaligini bildirdi. Unga kunlik ish topish va ishsizlar reestridan chiqarish bo‘yicha imkoniyatlar ko‘rib chiqildi.

Yana bir ishsizlar reestrida turuvchi fuqaroning farzandini kimyo, biologiya fanlaridan qo‘shimcha o‘quv kurslarida o‘qishi uchun institutning Akademik litseyiga yo‘naltirildi.

INSTITUT JAMOASI O‘RTASIDA “MA’NAVIYAT SOATI” O‘TKAZILDI

Xabaringiz bor, Andijon davlat tibbiyot instituti ishchi xodimlari, professor-o‘qituvchilarI hamda talabalarI o‘rtasida kiyinish madaniyatini yanada ommalashtirish maqsadida qator tadbirlar va uchrashuvlar, “Ma’naviyat soat”lari bosqichma-bosqich amalga oshirilmoqda.

Bugun, 4-fevral kuni professor-o‘qituvchilar ishtirokida mazkur mavzuga bag‘ishlangan yig‘ilish o‘tkazildi. Unda Yoshlar masalalari va ma’naviy-ma’rifiy ishlar bo‘yicha birinchi prorektor S.Salohiddinov hamda Xotin-qizlar masalalari bo‘yicha rektor maslahatchisi G.Xolmatova ishtirok etdi.

Yig‘ilishda institut xodimlari, professor-o‘qituvchilar hamda talabalar kiyinish madaniyatiga amal qilishlari, dars hamda amaliyot jarayonlarida tibbiyot kiyimida bo‘lishlari, darslarda faol ishtirok etishlari haqida ma’lumot berildi. Bu borada ustozlar talabalarga o‘rnak bo‘lishlari ta’kidlandi.

Shuningdek, yig‘ilish davomida darslarda axborot-texnologiyalaridan unumli foydalanish, badiiy-ilmiy adabiyotlar mutolaa qilish, bo‘sh vaqtlarni mazmunli tashkil etish borasida ham fikrlar almashildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

📢DIQQAT, MILLIY QADRIYATLAR OYLIGI DOIRASIDAGI TADBIRLARGA START BERILDI!

🇺🇿Andijon davlat tibbiyot institutida milliy qadriyatlar oyligi doirasida “Milliy qadriyatlar va ularning millat maʼnaviyatidagi oʻrni” shiori ostida tadbirlar oʻtkaziladi.

📚Yoshlarni milliy qadriyatlarni qadrlash, Vatanparvarlik ruhida tarbiyalash, yoshlarni milliy meros bilan yaqindan tanishtirish maqsadida tashkil etilayotgan ushbu tadbir institutning asosiy o‘quv binosida o‘tkaziladi. Unda institutning barcha talabalari ishtirok etishlari mumkin.

📆⏰Mazkur tadbir joriy yilning 7-fevral kuni soat 12:00 da boshlanadi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

“ALLOMALAR BIZ UCHUN IBRAT, O‘GITLARI GO‘ZAL HIKMAT!” MAVZUSIDA MA’NAVIY-MA’RIFIY TADBIR

Andijon davlat tibbiyot instituti O‘zbek tili va adabiyoti, tillar kafedrasida mutafakkir Mir Alisher Navoiyning 584 yilligi hamda shoh va shoir Zahiriddin Muhammad Boburning 542 yilligi munosabati bilan “Allomalar biz uchun ibrat, o‘gitlari go‘zal hikmat!” mavzusida ma’naviy-ma’rifiy tadbir tashkil etildi.

Unda Respublika Ma’naviyat-ma’rifat markazi huzuridagi viloyat bo‘limi targ‘ibotchilari, Zulfiya nomidagi Davlat mukofoti sovrindori H.Jonibekova, O‘zbek tili va adabiyoti, tillar kafedrasida xodimlari va Davolash fakultetining 1-bosqich talabalari ishtirok etdi.

Tadbir davomida talabalarga mutaxassislar tomonidan ulug‘ allomalarimizning hayoti va faoliyati haqida ma’lumotlar berildi. Talabalar tomonidan g‘azal va ruboiylar yod aytildi, shoirlarning ijodi talqinida sahna ko‘rinishlari namoyish etildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#Bobur #542yilligi #14fevral

ZAHIRIDDIN MUHAMMAD BOBUR HAYOTI VA FAOLIYATIGA OID KO‘RGAZMA TASHKIL ETILDI

Ma’lumki, shoir va sarkarda Zahiriddin Muhammad Bobur tavalludining 542 yilligi munosabati bilan viloyatimizda fevral oyi Bobur oyligi, deb e’lon qilingan. Shu bois Andijon davlat tibbiyot institutida ham mazkur oylik doirasida qator ma’naviy-ma’rifiy tadbirlar, loyihalar, mushoiralar, chellenjlar o‘tkazilmoqda. Xususan, institutning asosiy binosida ko‘rgazma ham tashkil etildi.

Unda Zahiriddin Muhammad Boburning hayoti va faoliyatiga oid ma’lumotlar, portretlar, kitoblar ko‘rgazmasi mavjud. Mazkur ko‘rgazma institut xodimlari, professor-o‘qituvchilari va talabalarida katta qiziqish uyg‘otmoqda. Boburning “Boburnoma” asari, g‘azal va ruboiylar to‘plamlari, uning hayotiga oid “Buyuk davlat arbobi, ulug‘ sarkarda va qomusiy olim”, “Bobur – “Yo‘lbars”, Ziyodaxon Teshaboyevaning “Boburnoma”dagi frazeologik birliklarning o‘zbekcha-ruscha-inglizcha lug‘ati”, Pirimqul Qodirovning “Yulduzli tunlar” hamda “Avlodlar dovoni” kabi bir qator ilmiy va badiiy adabiyotlar ko‘rgazma ishtirokchilari tomonidan zavq bilan o‘qilmoqda.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter