ADPI yoshlari | Rasmiy kanali

Andijon davlat pedagogika instituti volleybol jamoasi O‘zbekiston Kubogida faxrli 2-o‘rinni egalladi

2024-yil 23-dekabr kuni Toshkent shahrida joylashgan O‘zbekiston Respublikasi Ichki ishlar vazirligi Madaniyat saroyida O‘zbekiston volleybol federatsiyasi tomonidan tashkil etilgan O‘zbekiston Kubogining yopilish marosimi bo‘lib o‘tdi. Tadbirda O‘zbekiston Respublikasi Ichki ishlar vaziri o’rinbosari va O‘zbekiston volleybol federatsiyasi raisi o’rinbosari B.Abdullayev ishtirok etdi hamda musobaqaning g‘olib va sovrindor jamoalarini tabrikladi.

Andijon davlat pedagogika instituti volleybol jamoasi mazkur nufuzli musobaqada munosib ishtirok etib, faxrli 2-o‘rinni qo‘lga kiritdi. Ushbu yutuq nafaqat jamoa, balki butun Andijon viloyati sporti uchun katta g‘alaba bo‘ldi. Marosim davomida g‘olib va sovrindorlarga esdalik sovg‘alari, medallar hamda kuboklar topshirildi.

Shuningdek, volleybol sportini rivojlantirishga qoʻshayotgan munosib xizmatlari uchun Andijon davlat pedagogika instituti rektori, Rasulov Baxtiyor Mahmudjonovich Ichki ishlar vazirligining esdalik sovgʻasi va tashakkurnoma bilan taqdirlandi.

Tadbirning madaniy qismida el ardog‘idagi san’atkorlar tomonidan ijro etilgan kuy-qo‘shiqlar, Ichki ishlar vazirligi harbiy orkestrining chiqishlari barchada katta taassurot qoldirdi.

Mazkur muvaffaqiyat Andijon davlat pedagogika instituti jamoasi uchun katta turtki bo‘lib, yosh sportchilarning kelajakdagi yutuqlari uchun mustahkam poydevor yaratadi. Ushbu muvaffaqiyat munosabati bilan jamoani tabriklaymiz va ularga yangi marralar zabt etishda omad tilaymiz!

Axborot xizmati
Andijon davlat pedagogika instituti

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

Namangan va Andijon jamoalari o‘rtasidagi vodiy derbisi: O‘zbekiston kubogi finali

Bugun, 22-dekabr kuni Toshkent shahridagi JAR sport majmuasida voleybol bo‘yicha O‘zbekiston kubogining final o‘yini boshlandi. Mazkur uchrashuvda Namangan davlat universiteti (NamDU) hamda Andijon davlat pedagogika instituti (ADPI) jamoalari o‘zaro kuch sinashmoqda.

Final o‘yini Andijon davlat pedagogika instituti uchun alohida ahamiyat kasb etadi. Institut rektori B.Rasulov boshchiligidagi professor-o‘qituvchilar, fan klubi a’zolari va boshqa faol jamoa vakillari o‘z jamoalarini qo‘llab-quvvatlash uchun Toshkentga yetib kelishdi. Ular maydonning o‘zida jamoa ruhini ko‘tarish uchun faol ishtirok etmoqda.

Mazkur final voleybol muxlislari uchun haqiqiy sport bayrami bo‘lib, vodiy derbisining qizg‘in va hayajonli ruhda o‘tishi kutilmoqda. O‘zbekiston kubogi finali mamlakat voleyboli uchun katta ahamiyatga ega bo‘lib, bu musobaqada g‘oliblikka erishish har ikki jamoa uchun yuksak sharafdir.

Andijon davlat pedagogika instituti jamoasiga omad va zafarlar tilaymiz!

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube