Adliya yangiliklari/Новости юстиции

#adliya_xabari 📣

Davlat xizmatlari markazlari fuqarolarning rejalashtirgan ishlarini yakunlab olishlari va xalqqa qulaylik yaratish maqsadida bugun soat 15:00 ga qadar ish faoliyatini davom ettirishini ma’lum qilamiz.

📌 Kanalga ulanish

Adliya vaziri o’rinbosari Jizzax viloyati adliya boshqarmasida xodimlar bilan uchrashdi.

Adliya vaziri o’rinbosari X.Meliyev Jizzax viloyati adliya boshqarmasining yangidan rekonstruktsiya qilingan binosi, xodimlarga yaratilgan sharoitlarni ko'zdan kechirdi.

Boshqarmada tashkil etilgan situаtsion markazda bo'lib, tuman adliya bo'limi xodimlari bilan bog'lanildi, kasb etikasi va ish faoliyatidagi asosiy masalalar haqida ma'lumot berildi.

Xodimlar bilan suhbat tashkil etilib, funksional vazifalar bo'yicha amalga oshirilayotgan ishlari yuzasidan fikr-mulohazalar tinglandi. Ish sifati va samaradorligini oshirish bo'yicha aniq tavsiyalar berildi.

Suhbat davomida Zarbdor tumanining “Taraqqiyot” mahallasida tashkil etilgan “Huquqiy mahalla” loyihasi doirasida hududdagi jami 728 ta xonadonlar qamrab olingani, birinchi bosqichda muammolar oʻrganilgani, keyingi jarayonlarda ularni hal etish, birlamchi huquqiy koʻmak koʻrsatish, metodik yordam berish, manzilli va predmetli targʻibot tadbirlarini oʻtkazish borasida uyushqoqlik bilan amaliy ishlar olib borilgani, endilikda mazkur tajriba butun respublika bo'ylab amalga oshirilishi ta’kidlandi.

📌 Kanalga ulanish

#Adliya_xabari

Qoraqalpogʻiston Respublikasi Ellikqalʼa tumani adliya boʻlimi davlat xizmatlari markazi yangi binosining ochilish marosimi boʻlib oʻtdi.

Ochilish marosimida Qoraqalpogʻiston Respublikasi adliya vaziri E.Tursunov va tuman hokimi B.Niyazimbetovlar nutq soʻzlab, yaratilayotgan imkoniyat va sharoitlar fuqarolarimizning huquqlarini taʼminlashga, ularga tez, oson va qulay davlat xizmatlarini koʻrsatishga, vaqtlarini tejashga xizmat qilishi taʼkidlab oʻtildi.

Markaz aholining barcha qatlamlariga, jumladan, yosh bolali ayollar, nogironligi boʻlgan shaxslar, yoshlar va nuroniylarga xizmat koʻrsatishga moʻljallangan. Bino zamonaviy shaharsozlik meʼyorlari asosida qurilgan boʻlib, aholi uchun keng sharoitlar yaratishga alohida eʼtibor qaratilgan.

📌 Kanalga ulanish

#Adliya_xabari

Adliya vaziri oʻrinbosari Sharof Rashidov tumanida sayyor qabul oʻtkazdi

Adliya vaziri oʻrinbosari X.Meliyev tomonidan Sharof Rashidov tumanining “Qo’shko’prik” mahallasida sayyor qabul tashkil etilib, aholi muammolari oʻrganildi.

Xususan, 28 ta murojaat qabul qilindi. Ularning aksariyatini kadastr, kredit, tibbiyot, subsidiya, pensiya masalalari bilan bogʻlik boʻlgan muammolar tashkil etdi. Soha bilan bogʻlik boʻlgan 2 ta murojaat joyida ijobiy hal etildi, oʻrganish talab etiladigan muammolar ish yurituvga qabul qilindi hamda ayrimlari tegishli tashkilotlarga yoʻnaltirildi.

Shuningdek, fuqarolarga sayyor davlat xizmatlaridan foydalanish imkoniyati yaratildi.

Shu bilan birga adliya vaziri oʻrinbosari “mahalla yettiligi” vakillari bilan uchrashib, ularning faoliyatida yuzaga kelayotgan muammolar va ularni bartaraf etish yuzasidan takliflari bilan oʻrtoqlashdi.

Muloqot davomida mahallada jinoyatchilik va huquqbuzarliklarni oldini olish, aholi bandligini taʼminlash, ijtimoiy himoyaga muhtoj aholini qoʻllab-quvvatlash orqali ularga huquqiy yordam koʻrsatish, ajrimlar va oilaviy zoʻravonliklarni oldini olish boʻyicha tavsiyalar berilib, bu borada “mahalla yettiligi” aʼzolarining ham fikr-mulohazalari tinglandi.

Shu kunning oʻzida X.Meliyev tuman adliya boʻlimi faoliyati bilan ham yaqindan tanishib, xodimlar bilan muloqot oʻtkazdi va belgilangan vazifalarni amalga oshirish borasida tavsiyalar berdi.

📌 Kanalga ulanish

#Adliya_sarhisob

🖥 Joriy yilda “Adliya yangiliklari” kanali kuzatuvchilarining soni 3,6 ming nafarga oshdi. Bizni tanlaganingiz uchun minnatdorlik bildiramiz!

Kanaldagi ma'lumotlar 2024-yil davomida 12,8 milliondan ortiq (2023-yilda 7,2 millionga yaqin) marta o‘qilib, 290 ga yaqin iqtibos qilingan.

Kanal faoliyatiga oid statistika bilan yuqoridagi rasmda batafsil tanishishingiz mumkin.

✔️ 2025-yilda ham biz bilan bo‘ling va adliya tizimi bilan bog‘liq axborotni ishonchli manbadan oling!

📌 Kanalga ulanish