ӘДИЛЛИК АДВОКАТЫ

❓Кимлер мәмлекет есабынан бийпул юридикалық жәрдем алыўы мүмкин...

⚡️Ҳәр бир пуқара профессионал юридикалық жәрдем алыўға ҳақылы. Өзбекстан Республикасының 2023-жыл 18-сентябрьдеги "Мәмлекет есабынан юридикалық жәрдем көрсетиў ҳаққында"ғы Нызамына муўапық, пуқараларға мәмлекет есабынан бийпул юридикалық хызмет көрсетиў ушын адвокатлар тартылады.

🔘Пуқаралар мәмлекет есабынан юридикалық жәрдем алыўы ушын:

▪️ тиккелей әдиллик уйымларына аўызеки мүрәжат етиўи;
▪️ жазба түрде әдиллик уйымларына мүрәжат етиўи;
▪️ e-advokat.uz сайты арқалы электрон мүрәжат етиўи мүмкин.

Мүрәжатта қайсы түрдеги жумыс бойынша юридикалық жәрдем сорап атырғаны ҳаққындағы мәлимлеме (жумыстың мазмуны) ҳәм шахстың паспортқа байланыслы мағлыўматлары (берилген сәнеси, номери, ПНФЛ) көрсетилиўи керек.

✅Төмендегилер мәмлекет есабынан бийпул юридикалық жәрдем алыўы мүмкин:

🔘 кем тәмийинленген шахслар, егер олар:
▪️ пуқаралық ислери бойинша даўагер ямаса жуўапкерлер;
▪️ ҳәкимшилик ислер бойинша арза бериўшилер;
▪️ҳәкимшилик қамақ түриндеги ҳәкимшилик жаза нәзерде тутылған ҳәкимшилик ҳуқықбузарлықты ислеген шахслар;
▪️жинаят ислери бойинша гүманланыўшылар, айыпланыўшылар, судланыўшылар, сондай-ақ, судланғанлар болса;
▪️ руўхый жағдайы бузылған физикалық шахслар, оларға психиатрия жәрдем көрсетилип атырғанда;
▪️өз ҳуқықлары бузылған, ҳаял-қызлар ҳәм ер адамлардың тең ҳуқықлылығы бузылыўы мүнәсибети менен судқа мүрәжат еткен пуқаралар;
▪️Жинаят-процессуал кодексине муўапық жынаят иси бойынша адвокат қатнасыўы шәрт болғанда, гүманланыўшы, айыпланыўшы ямаса судланыўшы.

📨 Адвокатқа сораў бериў

❇️Каналға қосылыў 👇👇👇
https://t.me/adillikadvokati

❗️Байрам ҳәм дем алыс күнлери ислеген хызметкерге айлық 2 есе төленеди

Мийнет кодексиниң 263-статьясына көре, дем алыс күнлериндеги яки исленбейтуғын байрам күнлериндеги жумыс ушын хызметкерге ҳақы еки есе төленеди.

Егер хызметкер қәлесе дем алыс яки байрам күнинде ислеген күн ушын баслық оған басқа жумыс күнинде дем алыс берип, 1 есе муғдарында ис ҳақы төлеўи мүмкин.

📨 Адвокатқа сораў бериў

❇️Каналға қосылыў 👇👇👇
https://t.me/adillikadvokati

⚡️Баслық қандай жағдайларда хызметкерди жумыстан босатыўға ҳақылы?

❗️Мийнет кодексиниң 161-статьясына муўапық, баслық (жумыс бериўши) төмендеги жағдайларда хызметкерди жумыстан босатыўға ҳақылы:

🔸 кәрхана жабылғанда (сапластырылғанда);

🔸 штатлар қысқарғанда;

🔸 хызметкердиң маманлығы ийелеп турған лаўазымына муўапық болмаса (мысалы, аттестациядан өткерилгенде билими ҳәм тәжирийбеси жетерли емес деп табылғанда);

🔸 хызметкер өзиниң миннетлемелерин турақлы түрде бузғанда (яғный хызметкер бир жылдың ишинде кеминде еки мәрте тәртип-интизамды бузғанда);

🔸 хызметкер өзиниң миннетлемелерин бир мәрте қопал түрде бузғанда (бундай жағдайлар кәрхананың ишки ҳүжжетлеринде ямаса мийнет шәртнамасында белгиленеди);

🔸 усы Кодексте ҳәм басқа нызамларда белгиленген басқа себеплер (тийкарлар) келип шыққанда.

☝️Штат қысқарғанда ямаса хызметкердиң маманлығы ийелеп турған лаўазымына муўапық болмағанда жумыс бериўши хызметкерге оның қәнигелиги ҳәм маманлығына муўапық келетуғын басқа бос лаўазымды усыныс етиўи шәрт.

📨 Адвокатқа сораў бериў

❇️Каналға қосылыў 👇👇👇
https://t.me/adillikadvokati

⚡️Әзиз ўатанласлар!

✅ «Жыл мектеби–2024» таңлаўы жәрияланғанынан бери көпшилик мектеплер жәмәәтлери белсенди қатнасып жоқары нәтийжени көрсетип келмекте.

🏆Көпшиликтиң сораўларына көре, таңлаўдың 29-январь саат 19:00 жағдайына ең жоқары нәтийжени көрсетип киятырған 20 мектеп дизимин нәзериңизге усынамыз.

1.  19-санлы мектеп (Нөкис қ.) – 9702;
2.  35-санлы мектеп (Хожели) – 9594;
3.  27-санлы мектеп (Нөкис қ.) – 6344;
4.  2-санлы мектеп (Қанлыкөл) – 5913;
5.  21-санлы мектеп (Қараөзек) – 4077;
6.  4-санлы мектеп (Мойнақ) – 2690;
7.  14-санлы мектеп (Шымбай) – 2617;
8.  12-санлы мектеп (Нөкис қ.) – 2322;
9.  2-санлы мектеп (Қараөзек) – 2216;
10.  36 ИДУМ (Шымбай) – 2126;
11.  31-санлы мектеп (Нөкис қ.) – 1718;
12.  37-санлы мектеп (Нөкис қ.) – 1663;
13.  23-санлы мектеп (Нөкис қ.) – 1600;
14.  1-санлы мектеп (Нөкис қ.) – 1486;
15.  26-санлы мектеп (Нөкис қ.) – 1380;
16.  3-санлы мектеп (Нөкис қ.) – 1316;
17.  19-санлы мектеп (Кегейли) – 1308;
18.  11-санлы мектеп (Қанлыкөл) – 1115;
19.  38-санлы мектеп (Шымбай) – 1040;
20.  24-санлы мектеп (Нөкис қ.) – 939.

☝️Ескертип өтемиз, таңлаўда ең көп даўыс топлаған 3 мектеп жәмәәтине қымбат баҳалы саўғалар (Компьютер, проектор ҳ.т.б.) бериледи. Таңлаў  2025-жыл 10-февралға шекем даўам етеди.

✅ Мектепке даўыс бериў