Juda katta kuch, sabr va tajribaga ega 24 yoshim bilan xayrlashyapman. O'tgan yili o'zim uchun qo'ygan bir qancha talablarimning deyarli barchasini bajardim. O'zimga aytgan tavsiyalarim bo'yicha yashashga harakat qildim. Imkon qadar sog'ligimga e'tiborli bo'ldim, unga zarar keltiradigan jamiyki holatlardan, hatto kimsalardan uzoqlashdim. Ishonch borasida yanayam extiyotkor bo'ldim. Bugun kimga yaqin bo'lsam, ishoning men uchun eng qadrlisiz. O'zimning yangi qobiliyatlarimni kashf qildim. Har kuni yangi sinov orqali charxlandim. Yig'ladim, kuldim. Xulosalarimni yangiladim. O'ylarimni pozitivlashtirdim. Lekin, soatlab kitob o'qiydigan, yomg'irga oshiq, uzoq sayohatlarni orziqib kutadigan qizni bu yil ham ortga qaytarolmadim. (Uning qaytishini deyarli 3 yildan beri kutyapman). Qanday kunlar bo'lgan bo'lsa ham, baribir ushbu yosh eng yaxshi qarorlarim, eng yaxshi xotiralarim va eng yaxshi tarjibalarimga ega yosh sifatida hayotimda o'chmas iz qoldirdi. Yaxshi o'zgarishlar uchun senga tashakkur, qadrli 24 yoshim!