Музафара Абдиева

Bugun Samarqand viloyati, Pastdarg‘om tumanining eng chekka hududidagi Zafarobod qishlog‘ida joylashgan 120-maktabga bordik.

Darslar yakunlanganiga qaramay sinfxonalarda o‘quvchilar ingliz tili va tarix fanlari to‘garaklari mashg‘ulotlarida qatnashayotganlariga guvoh bo‘ldik.

Bilimga chanqoq o‘quvchilar orasidan Fariza va Kifoyat ismli qizlar eʼtiborimni tortdi. Ular hozirda maktabning 10-sinfida tahsil olishmoqda, ingliz tilini chuqur o‘rganishni astoydil niyat qilishgan. Qizlarning kelajakdagi orzusi — o‘qituvchi bo‘lish.

Umuman olganda, Pastdarg‘om tumani hokimi bilan 4 ta - “Elbek”, “Shombuloq”, “Paxtachi”, “Joul qosim” MFYlaridagi bugungi ahvol, aholini kambag‘allikdan chiqarish uchun ko‘rilayotgan choralar bilan tanishdik.

Mazkur mahallalardagi 48 nafar bolakay bog‘chaga jalb qilinsa, onalari ishga chiqishlarini bildirishdi.

Hududda tez kunlarda oilaviy bog‘cha tashkil qilishni belgilab oldik. 53 ta oila farzandlarini to‘garaklarga jalb qilish, ularga kasb-hunar o‘rgatish ishlari bo‘yicha alohida rejalar tuzdik.

Qishloqning katta-yu kichigi kitobxon ekanligi meni yanada quvontirdi. Ushbu mahallalarda yordamga muhtoj oila qolmasligi uchun tuman rahbarlari bilan yaqin hamkorlikda ish olib boramiz.

O’QUVCHINI YODLASHGA EMAS, FIKRLASHGA O’RGATAYLIK

✅Tumanimizda taʼlim sohasini rivojlantirish va bu borada yetarlicha shart-sharoitlar yaratish bo‘yicha bir qator ishlar amalga oshirilmoqda.

🏙Jumladan, tuman hokimi maktabgacha va maktab taʼlimi bo‘limida bo'lib, 19 ta umumtaʼlim maktablariga homiylar ko‘magida kompyuterli elektron interfaol doskalar topshirdi.

✅Taʼkidlash lozimki, bu qurilma o‘quvchilarning bilimini oshirishda juda qo‘l keladi. Ayniqsa, undan dars jarayonlarida kimyoviy reaktiv hodisalar yaratishda ham foydalanish mumkin.

✅Shu kabi, ZOOM platformasi orqali tumandagi barcha maktabgacha taʼlim tashkilotlari va umumtaʼlim maktablarining direktorlari, tegishli masʼullari hamda ustoz-o’qituvchilar hamrohligida onlayn muloqot o‘tkazdi.

🔎Muloqotda ijro intizomi, davomat, o‘qituvchilar toifasi,  milliy hamda xalqaro sertifikatlar, kundalik.com yuritilish holati, o‘quvchilar o‘rtasida jinoyatchilikni oldini olish masalalari muhokama qilindi. Shuningdek, muloqot davomida tajribali ustozlar tomonidan o’quvchilarni yodlashdan ko’ra fikrlashga yo’naltirilgan ta’limga e’tibor qaratish taklifi ilgari surildi.

✅Bundan tashqari, o’z vazifasiga sovuqqonlik bilan qaragan, taʼlim sifatiga eʼtiborsiz bo‘lgan ayrim masʼullarga nisbatan intizomiy choralar ko‘rilishi yuzasidan takliflar bildirildi.

✅Shuningdek, o‘z kasbiga fidoyi bo‘lgan, o‘z ustida tinimsiz izlanish olib borayotgan, bilimi hamda tashabbuskorligi bilan butun jamoasini barcha ko‘rsatkichlarda oldingi marralarni egallashlariga rahbarlik qilayotgan maktab direktorlariga hamda attestatsiyadan yuqori ball to‘plagan bir qator o‘qituvchilar eʼtirof etildi.

🏙Shundan so'ng, 81-maktabda sektor masʼullari va mahalla faollari ishtirokida uchrashuv o‘tkazildi.

✅Unda, tumanimizda yangi tashkil etilgan tizimga muvofiq ravishda sektor aʼzolari, ko'ngilli fuqarolar, homiylar ko'magi bilan ushbu maktabni obodonlashtirish hamda ta'mirlashga kelishib olindi va bu boradagi dastlabki ishlar boshlab yuborildi.