Юрист Хизмати | Расмий канал

Инклюзив таълим учун қанча устама тўланади?

@Yurist_Xizmati 4964-савол:

Assalom aleykum umumtaʼlim maktabda inklyuziv taʼlimda maxsus pedagog boʻlib faoliyat yuritayabman 4 oy boʻldi 2ta sinfda 2 nafar oʻquvchim bor.V.Mning 638 qarorda ustama haqida berilgan oʻsha qarorda necha foiz ustama toʻlanadi shu matnga tushunmayabman menga ustama haq toʻlanmayabdi nima chora qoʻllasam boʻladi

ЮРИСТ ЖАВОБИ:

Вазирлар Маҳкамасининг 2021-йил 12-октабрдаги 638-сон қарорига 1-иловада тасдиқланган Умумий ўрта таълим ташкилотларида инклюзив таълимни ташкил этиш тартиби тўғрисидаги Низом 53-бандига кўра, инклюзив таълим синфлари ўқитувчиларига меҳнатнинг алоҳида шароитлари учун ҳар ойда тўланадиган устама ҳақи синфда алоҳида таълим эҳтиёжлари бўлган:
👉 бир нафар бола учун - лавозим маошининг 10 фоизи;
👉 икки нафар бола учун - лавозим маошининг 20 фоизи;
👉 уч нафар бола учун - лавозим маошининг 30 фоизи миқдорида,
👉 икки ва ундан ортиқ инклюзив таълим синфларида тўрт нафар ва ундан ортиқ бола учун - таълим-тарбия ишларини олиб борган ўқитувчилар ва махсус педагогларга лавозим маошининг 40 фоизи миқдорида белгиланади.

✅ Юқоридаги қоидага кўра сиздаги ҳолатда 2 нафар бола бўлгани учун улар икки синфда ўқиган тақдирда ҳам лавозим маошингизнинг 20 фоизи миқдорида қўшимча устама белгиланади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

❓Pensioner O‘zbekistondan chiqib ketganda pensiya qanday to‘lanadi?

📄“Davlat pensiyalarini tayinlash va to‘lash tartibi to‘g‘risidagi nizom”ga muvofiq, bugungi kunda:

➡️pensioner O‘zbekiston Respublikasidan tashqariga chiqib 3 oydan ortiq vaqt mobaynida O‘zbekistonga qaytib kelmaganida pensiyani to‘lash vaqtincha to‘xtatib turiladi.

Bunda vaqtincha to‘xtatilgan pensiyani to‘lash pensioner O‘zbekistonga qaytib kelgandan so‘ng qayta tiklanadi.

🔖 Eslatib o‘tamiz, fuqaro O‘zbekistonga qaytib kelgandan so‘ng olinmay qolgan oylardagi pensiyasini 24 oyligini olish huquqiga ega.

✅Bunda pensiya puli pensiyani olish maqsadida murojaat etilganidan oldingi 24 oydan oshmagan davr uchun to‘lanadi.

📩 Yuristga savol yuborish

☎️ Yurist bilan qo‘ng‘iroq orqali bog‘lanish

Rasmiy kanalimiz:
👉 @Yurist_Xizmati

Ўқитувчи бир вақтнинг ўзида миллий ва халқаро сертификат учун устама олиши мумкинми?

@Yurist_Xizmati 4963-савол:

Matematika fanidan bir vaqtning o‘zida Milliy va Xalqaro sertifikatlarga maktabda ustama to‘lanadimi?

ЮРИСТ ЖАВОБИ:

Ўзбекистон Республикаси Президентининг 11.05.2022 йилдаги ПФ-134-сон Фармони 9-банди учинчи хатбошисига кўра:
👉 халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида устама тўланиши белгиланган.

Бунда Ўзбекистон Республикаси Олий таълим, фан ва инновациялар вазирлигининг 2024-йил 4-апрелдаги 4-қ/қ-сон ва Мактабгача ва мактаб таʼлими вазирлигининг 2024-йил 2-апрелдаги 3-мҳ-сон қарори (рўйхат рақами 3515) қоидаларига мувофиқ педагог ходим ўзи дарс берадиган фани бўйича халқаро ёки миллий сертификатга эга бўлганда устама тўланиши белгиланган.

❗️Яъни устама олиш учун ё халқаро ёки миллий сертификат бўлиши назарда тутилади. Агар педагог ходим бир вақтнинг ўзида ҳам миллий, ҳам халқаро сертификатга эга бўлса ҳам унга битта сертификат учун устама тўланади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Уйда ҳеч ким яшамаса ҳам чиқинди учун пул тўланадими?

@Yurist_Xizmati 4962-савол:

Менга ухшаган фукоролар ишлаш ёки укиш максадида бошка жойда юрса хам уйида мусор чикармаса хам пул йигиб кетаверадими? Конунчилигимизда шу холатга нисбатан енгиллик курсатилмаганми?

ЮРИСТ ЖАВОБИ:

Вазирлар Маҳкамасининг 2019-йил 6-февралдаги 95-сон қарорига "Қаттиқ ва суюқ маиший чиқиндиларни тўплаш ва олиб чиқиб кетиш бўйича хизматлар кўрсатиш ҚОИДАЛАРИ"нинг 37-бандига мувофиқ Абонентлар бўйича ўзгаришлар тўғрисидаги маълумотларга киритилмаган ва улар ҳақида хизмат кўрсатувчи ташкилотга тақдим этилмаган янги абонентлар ёки бирга доимий яшаш ёки вақтинча турган жойи бўйича рўйхатга олинган, шу жумладан, Ўзбекистон Республикаси ҳудудида бўлмаган шахслар аниқланганда, Ҳисобга олишнинг ягона электрон тизимида абонентлар ва бирга доимий яшаш ёки вақтинча турган жойи бўйича рўйхатга олинган шахслар сонига тузатишлар киритилади.

Туман (шаҳар) ҳокимликлари ва фуқароларнинг ўзини ўзи бошқариш органлари билан биргаликда абонентларнинг ҳаққоний ҳисоби юритилишини, шунингдек, Ҳисобга олишнинг ягона электрон тизимига улар тўғрисидаги маълумотларнинг ўз вақтида киритилишини ташкил этади.

✅ Шундай экан чет элда бўлган вақтингизда базага ўзгартириш кириттириб, ўзингизни рўйхатдан ўчиртирсанги бўлади. Бу бўйича маҳалла фуқаролар йиғинига мурожаат қилишингиз мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

⚡️Ногиронлиги бўлган болалар учун кундузги парвариш хизмати йўлга қўйилади

“Ногиронлиги бўлган болаларга ижтимоий хизмат ва ёрдам кўрсатиш тизимини янада такомиллаштириш бўйича қўшимча чора-тадбирлар тўғрисида”ги Президент қарори (ПҚ-41-сон, 03.02.2025 й.) қабул қилинди.

Қарорга кўра, 2025 йил 1 мартдан тажриба-синов тариқасида босқичма-босқич Қорақалпоғистон Республикаси, Андижон, Қашқадарё, Самарқанд, Сурхондарё ва Тошкент вилоятлари ҳамда Тошкент шаҳрида, 2025 йил 1 октябргача республиканинг қолган ҳудудларида 3 ёшдан 18 ёшгача ногиронлиги бўлган болалар учун давлат-хусусий шериклик асосида кундузги парвариш хизмати йўлга қўйилади.

Бунда ногиронлиги бўлган болалар кундузги парвариш хизматига уларнинг ота-оналари билан “Инсон” ижтимоий хизматлар марказлари ўртасида тузилган ижтимоий шартнома асосида ҳамда Психологик-тиббий-педагогик комиссия томонидан белгиланган тартибда берилган хулосага мувофиқ қабул қилинади.

2025 йил 1 мартдан кундузги парвариш хизматига оид фаолиятни амалга оширувчи тадбиркорларни қўллаб-қувватлаш тартиби жорий этилади.

📩 Юристга савол юбориш

Расмий каналимиз:
👉 @Yurist_Xizmati 👈

⚡️O'zbekistonda kambag'allik chegarasi yangilandi — 669 ming so‘m

O'zbekistonda 2025 yil uchun hisoblangan minimal iste'mol xarajatlari qiymati bir oyda kishi boshiga 669 ming so'mni tashkil etdi (+3 foiz). Bungacha 648 ming so'm edi.

Ma'lumot uchun, jahon tajribasida minimal iste'mol xarajatlari ko'rsatkichidan kambag'allik chegarasi sifatida foydalaniladi.

📩 Yuristga savol yuborish

☎️ Yurist bilan qo‘ng‘iroq orqali bog‘lanish

Rasmiy kanalimiz:
👉 @Yurist_Xizmati

Ногирон бўлиб қолганлар давлат томонидан моддий ёрдам олиши мумкинми?

@Yurist_Xizmati 4961-савол:

Men 25 yillik ish stajiga egaman 2023-yil insult boʻlib 2 guruh nogironiman. Davlat tomonidan davolanishim uchun  qanday moddiy yordam olishim mumkin. Men ikkinchi guruh nogironiman hozirgi kunda ishga qaytdim oilam yoʻq ajrashganman ota -onam bilan yashayman.

ЮРИСТ ЖАВОБИ:

Ўзбекистон Республикаси Президентининг 2024 йил 14-ноябрдаги ПФ-185-сон Фармонига асосан, 2025-йил 1-мартдан бошлаб камбағал оилалар реестрига киритилган ва расмий банд бўлган ёлғиз она (ота)га ижтимоий шартнома асосида бир нафар фарзанди учун бола(лар) уч ёшга тўлгунига қадар мактабгача таълим хизматидан фойдаланиш учун Ижтимоий ҳимоя давлат жамғармаси маблағлари ҳисобидан базавий ҳисоблаш миқдорининг бир ярим бараваригача миқдорида моддий ёрдам берилади.

☝️Эътибор беринг! ижтимоий ҳимояга муҳтож айрим тоифадаги шахслар Ўзбекистон Республикаси Вазирлар Маҳкамасининг 23.03.2023-йилдаги 119-сон қарорига мувофиқ, қуйидагилар ижтимоий ҳимояга муҳтож айрим тоифадаги шахслар ҳисобланади:

а) ногиронлиги бўлган 18 ёшгача болалар;
б) ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакил;
в) Қонунда белгиланган шартлар ва меъёрларга мувофиқ давлат пенсиясини тайинлаш учун зарур иш стажига эга бўлмаган I ва II гуруҳ ногиронлиги бўлган шахслар;
г) Қонунда белгиланган шартлар ва меъёрларга мувофиқ давлат пенсиясини олиш ҳуқуқига эга бўлмаган вафот этган шахснинг қарамоғидаги оиланинг меҳнатга лаёқациз аъзолари;
д) Қонунда белгиланган шартлар ва меъёрларга мувофиқ давлат пенсиясини тайинлаш учун зарур иш стажига эга бўлмаган кекса ёшдаги шахслар ҳамда болаликдан ногиронлиги бўлган фарзанди бор (бўлган) оналар.

✅ Шундай экан, сиз ҳам ушбу моддий ёрдамни олишингиз мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

❓Avgustdan bog'chada dars beradigan xorijiy til o'qituvchilarida ham B2 sertifikat talab qilinadimi?

Vazirlar Mahkamasining 312-sonli qarori 9-bandiga ko'ra, 2025-2026-o'quv yilidan umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o'qituvchilari kamida B2 darajadagi milliy yoki unga tenglashtirilgan xalqaro sertifikatga ega bo'lishlari lozimligi belgilangan.

Ya'ni bu yerda maktabgacha ta'lim tashkilotlari deb sanab o'tilmagan. Shu sabab ushbu qonun maktabgacha ta'lim muassasalari (bog'chalar) da faoliyat yuritayotgan xorijiy tillar o'qituvchilariga tegishli bo'lmaydi!

📩 Yuristga savol yuborish

☎️ Yurist bilan qo‘ng‘iroq orqali bog‘lanish

Rasmiy kanalimiz:
👉 @Yurist_Xizmati

⚡️Энди Ўзбекистонликлар хорижий интернет-дўконлардан маҳсулот харид қилганда божхона йиғими тўлаши керак бўлади

2025-йил 4-майдан бошлаб халқаро куръерлик жўнатмалари, яъни, Wildberries, Temu, Ozon, AliExpress, Globbing, Amazon ва бошқалардан буюртмалар қилинганда 1 кг учун БҲМнинг 2 фоизи — 7500 сўм миқдорида йиғим тўланади.

Илгари бир ойда 1000 доллардан кам бўлган буюртмалар учун божхона тўловлари ундирилмаган.

📩 Юристга савол юбориш

Расмий каналимиз:
👉 @Yurist_Xizmati 👈

Ўриндош ўқитувчиларга лавозим маошларига нисбатан неча фоиз ҳақ тўланади?

@Yurist_Xizmati 4960-савол:

Assalomu alaykum! Savolim shundan iboratki maktabda  oʻrindosh boʻlib ishlayman,menga 80%mi yoki 100% toʻlaydimi iltimos tegishli qonunlar bilan tushuntiring

ЮРИСТ ЖАВОБИ:

Меҳнат кодексининг 432-моддасига мувофиқ шахснинг асосий иш жойида иш вақтидан бўш бўлган ҳолатда бошқа жойда ишлаши ўриндошлик ҳисобланади.

Бунда ходим асосий ишини бажаришидан ташқари асосий ишидан бўш вақтидагина ўриндошликда ишлашингиз мумкин.

☝️Мана шу қоидага кўра сизнинг ҳолатингизда ҳам ходим асосий иш жойидан ташқари бошқа ташкилотда ёки шу ташкилотнинг ўзида ишлаши ўриндошлик саналади.

Ушбу кодекс 438-моддасига кўра ўриндошлик асосида ишловчи шахсларнинг меҳнатига ҳақ тўлаш ишлаб берилган вақтга мутаносиб равишда, ишлаб чиқариш натижасига ёхуд меҳнат шартномасида белгиланган бошқа шартларга қараб амалга оширилади.

Бунда ўриндошларга дарс соатлари тарификация асосида берилган бўлса, унда Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомга мувофиқ базавий тариф ставкаси асосида ҳақ тўланади. Бошқача айтганда 100 фоиз.

❗️Агар ўриндошга тарификация асосида эмас, соатбай асосда дарслар бириктирилса, унда юқоридаги низом ва қув машғулотларини ўтказганлик учун меҳнатга соатбай ҳақ тўлаш миқдорларини тасдиқлаш тўғрисида қарорга (рўйхат рақами 3157) мувофиқ умумтаълим мактабларининг бошланғич ва юқори синфлари ўқитувчилари, ўқитувчи-логопеди, логопедия шохобчаси мудири Меҳнатга соатбай ҳақ тўлаш миқдори базавий лавозим маошларига нисбатан 1.20 фоизда ҳақ тўланади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Уйни ҳадя қилишда хотиннинг розилиги керакми?

@Yurist_Xizmati 4959-савол:

Укам номидаги ховли уйни опами номига уткизмокчи опам турмишидан ажраб келоди уйнихадя кимокчи уйниуками номига 2017йил уткизилган Эди 2019йил укам уйланган айолини имзоси шартмасми кегин укам расияда онлайн имзолаб уткисса буладими келинимизи олишимиздан аввал олинган уй келинимизи хакки боми йукми келинимиз келгандан бери хеч Канака курилиш бумаган

ЮРИСТ ЖАВОБИ:

Оила кодексининг 23-моддасига кўра эр ва хотиннинг никоҳ давомида орттирган мол-мулклари, шунингдек никоҳ қайд этилгунга қадар, бўлажак эр-хотиннинг умумий маблағлари ҳисобига олинган мол-мулклари, агар қонун ёки никоҳ шартномасида бошқача ҳол кўрсатилмаган бўлса, уларнинг биргаликдаги умумий мулки ҳисобланади.

Қоиданинг мазмунига биноан эр ва хотиннинг никоҳ давомида орттирган мулклари уларнинг умумий мулки ҳисобланади. Бироқ ушбу кодекс 25-моддасига мувофиқ эр ва хотиннинг никоҳга қадар ўзига тегишли бўлган мол-мулки, шунингдек улардан ҳар бирининг никоҳ давомида ҳадя, мерос тариқасида ёки бошқа бепул битимлар асосида олган мол-мулки улардан ҳар бирининг ўз мулки ҳисобланади.

Шунга кўра укангизга ҳадя асосида ўтказилган уй-жой унинг шахсий мулки ҳисобланади.

❌ Шундай экан, уни опасига ҳадя қилишда хотининг розилиги олинмайди.

❗️Бундай вазиятда ҳадя шартномаси Фуқаролик кодексининг 504-моддасига кўра нотариал тасдиқланиши шарт.

🙅‍♂ Шундай экан укангиз онлайн шаклда ушбу шартномани тасдиқлай олмайди. Лекин укангиз Россия Федерациясидаги бирор нотариусга бориб, уйни ҳадя қилиш ҳуқуқини шу ерда бирор қариндошига ишончнома орқали ўтказиши мумкин. Яъни кимгадир ишончнома юбориши керак.

✅Шу ишончномани олган шахс укангиз номида уйни опангизга ҳадя қилиши мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈