Yurist| Hamid AKMALOV

Hurmatli do'stlar!

Orangizda Sirdaryo viloyati Mirzaobod tumanida yashovchilar bo'lsa xabarlashib yuboring, iltimos.
😎@Hamid_Akmalovich

⚖@Yurist_Akmalov✅

❤️‍🔥"Bola puli" uchun arizalar quyidagi hollarda rad etiladi👎

➡️ Oilaning har bir a’zosiga belgilangan daromad mezoni (669,0 ming so‘m) dan yuqori daromadi mavjud bo‘lganda;
➡️ Ishlab chiqarilgan muddati 12 yildan (oila a’zosi nogiron bo‘lsa 7 yil) oshmagan, texnik holati soz bo‘lgan yengil avtotransport bo‘lganda:
➡️ Ishlab chiqarilgan muddati 15 yildan oshmagan, yuk tashuvchi avtotransport vositasi, avtobus, mikroavtobus, ekskavator, traktor, kombayn, yuk tashuvchi avtotransport vositalarining tirkamalari, avtokran va boshqa qurilish texnikasi bo‘lganda;
➡️ Tijorat banklaridagi depozit hisob raqamida ariza bergan oyda MHTEM 5 baravari va undan ortiq mablag‘lari mavjud bo‘lganda;
➡️ Ariza beruvchi va oila a’zolarining tijorat banklaridagi depozit hisob raqamlarida ariza bergan oyda mehnatga haq to‘lanadigan yillik miqdorining 5 baravari va undan ortiq mablag‘lari mavjud bo‘lganda;
➡️2 va undan ortiq uy-joy mulki yoki bir va undan ortiq noturar joy binolari mavjud bo‘lganda;
➡️Mudofaa vazirligi, Ichki ishlar vazirligi, Prezident davlat xavfsizlik xizmati, Favqulodda vaziyatlar vazirligi, Milliy gvardiya, Davlat xavfsizlik xizmati, Davlat bojxona qo‘mitasi xizmatchilari va xodimlari, ularning oila a’zolari yoki pensiyasidagi shaxslar tomonidan ariza taqdim etilganda;
➡️ Vazirlar Mahkamasining 2019-yil 9-yanvardagi 11-son qarori bilan tasdiqlangan Sudyalar va ularning oila a’zolari pensiya ta’minoti shartlari, me’yorlari hamda tartibi to‘g‘risidagi nizomga asosan pensiyalar bilan ta’minlanganda;
➡️ Daromadning rasmiy manbalariga ega bo‘lmagan va oxirgi 6 oy mobaynida ish izlab mehnat organlariga hisobga turmagan, “ishsiz” sifatida ro‘yxatga kiritilmagan yoki haddan tashqari qisqa vaqt ishlab chiqarish faoliyati bilan shug‘ullanganlik mehnat layoqatli a’zosi mavjud bo‘lganda;
➡️ Oilada oxirgi 12 oy davomida ish qidirayotgan a’zosi mehnat organlarining ishga joylashtirish taklifiga ikki yoki undan ortiq marotaba rad etganda;
➡️ 2024-yil 16-iyuldan boshlab Soliq qo‘mitasining axborot tizimida ish haqi to‘g‘risida ma’lumotlar mavjud, biroq uning mehnat yoki fuqarolik-huquqiy shartnomalari “Yagona milliy mehnat tizimi” axborot dasturiy-apparat kompleksda mavjud bo‘lmagan hollarda.

⚖@Yurist_Akmalov✅

🗣Transport vositalarini piyodalar yo‘laklaridan yurgizganlik uchun javobgarlik belgilandi❗️

🛡Qonun (O‘RQ-1055-son, 10.04.2025-y.) bilan ayrim qonun hujjatlariga o‘zgartirish va qo‘shimchalar kiritildi

✅Qonunga muvofiq, Ma’muriy javobgarlik to‘g‘risidagi kodeksga haydovchilarning transport vositalarini trotuarlardan, piyodalar va velosiped yo‘lkalaridan hamda ularga tutash hududlarda barpo etilgan yashil maydonlardan yurgizganligi, yo‘l harakati ishtirokchilarining harakatiga to‘sqinlik qiluvchi noqonuniy to‘siqlar va boshqa qurilmalar o‘rnatilganligi, shuningdek yo‘nalishli transport vositalari uchun alohida ajratilgan tasmasi bor yo‘ldan transport vositalari harakatlanganligi bilan bog‘liq huquqbuzarliklar uchun ma’muriy javobgarlik belgilanishini nazarda tutuvchi o‘zgartirish va qo‘shimchalar kiritilmoqda.

🔰Kiritilgan qo‘shimchaga ko‘ra, yo‘nalishli transport vositalari uchun alohida ajratilgan tasmasi bor yo‘ldan transport vositalarining harakatlanishi (bundan ruxsat etilgan hollar mustasno):

✈️ BHMning 1 baravari miqdorida jarima solishga;

✈️xuddi shunday huquqbuzarlikni ma’muriy jazo qo‘llanilganidan keyin 1 yil davomida takror sodir etish:

✈️ BHMning 3 baravari miqdorida jarima solishga sabab bo‘lishi belgilandi.

⚖@Yurist_Akmalov✅

🗣Harbiy xizmatchilarga turar-joyni ijaraga olganlik uchun to‘lanadigan kompensatsiya miqdori oshirildi❗️

"Harbiy xizmatchilarni ijtimoiy himoya qilish kuchaytirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida"gi Hukumat qarori (214-son, 09.04.2025-y.) qabul qilindi.

✅Qarorga ko‘ra, harbiy xizmatchilarga turar-joyni ijaraga olganlik (ijarada turganlik) uchun to‘lab beriladigan oylik pul kompensatsiyasi miqdori 20 foizga oshirildi. Bunda pul kompensatsiyasi miqdorlariga quyidagicha o‘zgartirish kiritildi:

✅Toshkent shahrida — BHMning 4,8 baravarigacha;

✅Nukus shahrida va viloyatlar markazlarida — BHMning 3,6 baravarigacha;

✅respublikaning boshqa shaharlari, tumanlar markazlari va aholi punktlarida — BHMning 2 baravarigacha.

Shuningdek, 2025-yil 1-iyundan qonunchilik hujjatlariga muvofiq tasdiqlanadigan ipoteka kreditlarini ajratish ko‘rsatkichlari asosida uy-joy bilan ta’minlanadigan, kalendar hisobida 10 yildan ortiq harbiy xizmatni o‘tagan harbiy xizmatchilarga turar joy sotib olish (qurish) uchun ipoteka krediti olinishida ajratiladigan dastlabki badal miqdori uy-joyning hisoblangan qiymati 35 foizi miqdorida belgilandi.

Oldin mazkur miqdor barcha uchun 25 foizni tashkil etgan.

Halok bo‘lgan harbiy xizmatchilarning oila a’zolari va nogironligi bo‘lgan harbiy xizmatchilarni birinchi navbatda turar joy bilan ta’minlash, agar ular uzoq muddatli imtiyozli ipoteka krediti asosida turar joy bilan ta’minlangan bo‘lsa, qaytarilmagan kredit miqdori va kredit bo‘yicha hisoblangan foizlar Davlat budjeti hisobidan to‘liq qoplab beriladi.

⚖@Yurist_Akmalov✅

🗣18 mln so‘mlik ssuda (foizsiz qarz) kimlarga beriladi?

Kambag‘al oila a’zolariga o‘z faoliyatini boshlashi uchun zarur bo‘lgan asbob-uskunalarni xarid qilishga ssuda ajratiladi.

Mazkur foizsiz qarzni olish uchun arizalar skoring tizimida quyidagi shartlar bo‘yicha tekshiriladi:

✅Muqaddam subsidiya olmaganligi bo‘yicha.
✅Kambag‘al oilalar reyestriga kiritilganligi bo‘yicha.
✅O‘zini-o‘zi band qilish yoki tadbirkor sifatida ro‘yxatdan o‘tganligi bo‘yicha.

Mazkur talablarga to‘g‘ri kelgan arizalar "mahalla yettiligi"ga tavsiya berish uchun elektron (avtomatik) yuboriladi.

⚖@Yurist_Akmalov✅

✅BUGUN 9-APREL:

🇺🇿Buyuk sarkarda Amir Temur tavalludining 689 yilligi;

🇺🇿Qoraqalpog'iston Respublikasi Konstitutsiyasi qabul qilingan kun. 1993-yil 9-aprel kuni Jo'qorg'i Kengesning XII chaqiriq XII sessiyasida Qoraqalpog'iston Respublikasi Konstitutsiyasini qabul qilish haqidagi Qonun imzolangan.

🇺🇿Qoraqalpog'iston Respublikasi gerbi qabul qilingan kun. 1993-yil 9-aprelda Respublika Jo'qorg'i Kengesining XII sessiyasida davlat gerbi to'g'risidagi qonuni qabul qilingan.

⚖@Yurist_Akmalov✅

🗣Qaysi qoidabuzarliklar uchun jarima ballari hisoblanadi❓

1. 125-moddasi uchinchi qismi — haydovchilarning tormoz tizimida, rul boshqaruvida yoki ulovchi qurilmada nosozligi bo‘lgan yoxud tegishli ruxsatnomasiz qayta jihozlangan transport vositalarini boshqarishi;

2. 125-moddasi beshinchi qismi — Foydalanish belgilangan tartibda man etilgan transport vositalarini, xuddi shuningdek davlat raqam belgisi o‘zboshimchalik bilan yechib olingan transport vositalarini boshqarish;

3. 126-moddasi — Ko‘zgusimon va (yoki) tusi o‘zgartirilgan (qoraytirilgan) oynali, shuningdek tevarak-atrofni ko‘rishni cheklaydigan qoplamali transport vositalaridan foydalanish;

4. 127-moddasi birinchi qismi — Tovush signalini sababsiz berish, transport vositalariga uni ishlab chiqargan korxona nazarda tutmagan tovush chiqaruvchi va yorituvchi qurilmalarni o‘rnatish, xuddi shuningdek ularni o‘zgartirib o‘rnatish;

5. 128-moddasi — Haydovchilarning transport vositalarini piyodalar yo‘lkalaridan yurgizishi, yo‘l belgilari va yo‘l harakatining boshqa qoidalari talablariga rioya etmasligi;

6. 128-3-moddasi —  Transport vositalari haydovchilarining belgilangan harakat tezligini oshirib yuborishi;

7. 128-4-moddasi ikkinchi qismi — Transport vositalari haydovchilarining svetoforning taqiqlovchi signaliga yoki yo‘l harakatini tartibga soluvchining taqiqlovchi ishorasiga bo‘ysunmasdan o‘tishi;

8. 128-5-moddasi — Transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi;

9. 128-6-moddasi — Transport vositalari haydovchilarining to‘xtash yoki to‘xtab turish qoidalarini buzishi;

10. 128-8-moddasi — Transport vositasida odam tashish qoidalarini buzish;

11. 128-9-moddasi — Transport vositalarida quvib o‘tish qoidalarini buzish;

12. 129-moddasi — Transport vositalari haydovchilarining yo‘l harakati xavfsizligiga tahdid soluvchi guruh bo‘lib harakat qilishda qatnashishi;

13. 130-moddasi — Transport vositalari haydovchilarining temir yo‘lning o‘tish joylaridan o‘tish qoidalarini buzishi;

14. 137-moddasi birinchi qismi— Yo‘l-transport hodisasi qatnashchilarining belgilangan qoidalarni buzgan holda hodisa yuz bergan joydan ketib qolishi.

⚖@Yurist_Akmalov✅