Yurisprudensiya

Asosiy maqsad davlat xizmatlarini diversifikatsiya qilish va shu orqali byudjetga qo‘shimcha daromad kiritish bo‘lishi mumkin. Chiroyli raqamlarga talab yuqori bo‘lgani uchun, hukumat bu imkoniyatni rasmiylashtirib, uni qonuniy xizmat sifatida taklif qilmoqda. Xuddi avtomobil raqamlaridagi kabi, kimdir o‘ziga yoqadigan raqamlar uchun ko‘proq to‘lashga tayyor bo‘lsa, davlat bundan daromad olishi tabiiy.

Kanalga a'zo bo'lish uchun
👉 Yurisprudensiya

Kimdir aytishi kerak!!

Uyma-uy yurish orqali hech narsa erishib bo'lmaydi, shuncha kuch va resurslar bir tiyinga qimmat ishlarga sarflanmoqda, afsus!!

Millionlab anketalar MFY xonalarida chang bosib yotibti, yoki yolg'onmi?

"Qanday muammoingiz bor?" Degan savollardan xalqning ko'ngli aynimoqda))

Biz hech kimni aldamaymiz, biz o'zimizni aldaymiz, eng qizig'i hamma bir-biriga yolg'on gapiryotganini ich-ichidan bilib turadi...

Pas tepani, tepa esa yanada teparoqni, tepa esa pasni. Bu jarayon davom etaveradi, etaverdi...

Kanalga a'zo bo'lish uchun
👉Yurisprudensiya

⚡️Mast holatda transport vositasini boshqarganlar ozodlikdan mahrum qilinishi mumkin

Mast holatda transport vositasini boshqarganlik uchun javobgarlik kuchaytirildi. Qonunga koʻra, endi mast odam rulga oʻtirsa, haydovchilik huquqidan biratoʻla uch yilga mahrum etiladi. Amalda bir yarim yildan 3 yilgacha edi. Jarima esa 15 mln soʻm boʻldi. BHMning 40 baravari.

Bu hali hammasi emas. Endi mast holatda mashina haydab, maʼmuriy javobgarlikka tortilgach, yana mastlikda rulga oʻtirsa, jinoiy javobgarlikka tortiladi. Bunda uch yilgacha haydovchilik huquqidan mahrum etilishi, ikki yildan uch yilgacha axloq tuzatish ishlariga yoki ozodlikdan mahrum qilinishi mumkin.

Kanalga a'zo bo'lish uchun
👉 Yurisprudensiya

Bozor iqtisodiyoti faqat to‘lovlarga taalluqlimi? Ish haqi qachon oshadi?

Kommunal to‘lovlar yiliga 30-40 foizga oshayotgan bo‘lsa-yu, oyliklar shunga yarasha ko‘tarilmasa, odamlar qanday yashaydi? Oddiy hisob-kitob qilib ko‘rsak, bir necha yil ichida kommunal to‘lovlar ikki baravar oshdi, lekin daromadlar shunga mos ravishda ortmadi. Bu degani, aholining xarid qobiliyati pasayib, tirikchilik yanada og‘irlashmoqda.

Energiya resurslari narxi oshayotgan bo‘lsa, tabiiyki, tariflarni oshirish zarurati tug‘iladi. Lekin bu jarayon aholining daromadlari bilan mutanosib bo‘lishi kerak. Aks holda, xalqni "ish haqi bo‘lsa, to‘lov bor, bo‘lmasa, muammo o‘zingizniki" tamoyili bilan yashashga majburlashmoqda. Shunchaki, "bozor iqtisodiyoti" degan so‘z bilan hammani chalg‘itib bo‘lmaydi.

Eng yomoni, kommunal to‘lovlar oshganiga sabab sifatida doim energetika tizimidagi modernizatsiya yoki xalqaro bozorlarni ro‘kach qilishadi. Ammo nega ish haqi va pensiyalarni ko‘tarishda bunday mantiq ishlamaydi? Xalqaro bozorlarni o‘rganib, yashash darajasi va ish haqi o‘rtasidagi muvozanatni ta’minlash haqida ham o‘ylash kerak-ku!

Oddiy xalq esa bir xil maosh bilan qimmatlasha borayotgan gaz, elektr va suv uchun qanday to‘lashni bilmaydi. Shunday davom etsa, ko‘pchilik kommunal xizmatlardan voz kechib, eski usulga – pechkada qozon qaynatish, chiroq o‘rniga sham yoqishga qaytadi. Bu esa nafaqat aholining turmush darajasiga, balki umumiy iqtisodiy faollikka ham jiddiy ta’sir qiladi.

Xulosa shuki, kommunal to‘lovlar oshayotgan ekan, ish haqi va pensiyalar ham shunga mos tarzda oshishi kerak.

Kanalga a'zo bo'lish uchun
👉 Yurisprudensiya

Bir davlatda yashab, bu davlatning tilini bilmaganlar yo bosqinchi yoki ahmoqdir. (Karl Marx).

Kanalga a'zo bo'lish uchun
👉 Yurisprudensiya

Ko‘pchilik faqat rahbarlarga yoqish yoki lavozimini saqlab qolish maqsadida shanba kuni ham ishlashga majbur bo‘lmoqda

Rivojlangan davlatlarda allaqachon to‘rt kunlik ish haftasiga o‘tish masalasi muhokama qilinyapti, biz esa besh kunlik normal ish rejimiga ham to‘liq o‘ta olmadik. Rasmiy ravishda shanba dam olish kuni deb belgilangan bo‘lsa ham, ko‘plab tashkilotlarda bu faqat qog‘ozda qolmoqda. Rahbarlar xodimlarini shanba kuni ham ishlashga majburlaydi, go‘yoki bu mehnatsevarlik yoki fidoyilikning belgisi kabi ko‘rsatiladi.

Aslida bu noto‘g‘ri yondashuv. Ishchi kuchi samaradorligi ish soatlarining uzunligi bilan emas, balki ish sharoiti, mehnatga bo‘lgan munosabat va motivatsiya bilan bog‘liq. Rivojlangan davlatlar aynan shuning uchun ish vaqtini qisqartirib, lekin natijadorlikni oshirishga harakat qilyapti.

Hech kim ishlamaydigan kuni ofisga kelish va keraksizcha o‘tirish esa na xodimlarga, na tizimga foyda keltiradi. Eng yomoni, bu me’yoriy holatga aylanib borayotgani. Xodimlar o‘z haq-huquqlarini talab qilmasa, rahbarlar ham o‘zbekona "odatiy amaliyot"ni davom ettirishdan to‘xtamaydi.

Shanba dam olish kuni bo‘lishi kerak va bu faqat qog‘ozda emas, amalda ham bajarilishi shart. Rahbarlar xodimlarning shaxsiy vaqtiga aralashmay, haqiqiy natija beradigan, inson manfaatini hisobga oladigan ish tartibini shakllantirishi kerak. Aks holda, zamonaviy boshqaruvdan yiroqlashib, eski tizim bilan ish yuritishda davom etamiz.

Kanalga a'zo bo'lish uchun
👉 Yurisprudensiya

Kambag'allikdan chiqarishning yagona yo'li – munosib ish o'rinlari yaratishdir!

Kambag‘allikni kamaytirish haqida gap ketganda, ko‘pchilik darhol "ro‘yxat tuzish", "oilalarni tanlab olish", "bir martalik yordam berish" kabi usullarga yopishib oladi. Bir oilaga tikuv mashinasi, boshqasiga parranda boqish uchun mablag‘ ajratish bilan muammo hal bo‘ladigandek tuyuladi. Aslida esa bu vaqtinchalik choralar, real yechim esa – yaxshi haq to‘lanadigan ish o‘rinlari yaratish.

Kambag‘allikni kamaytirish uchun minglab oilalarni ro‘yxatga olish shart emas. Har kuni yangi "ishchi guruh" tuzish, uyma-uy yurib oilalarni tekshirish ham shunchaki qog‘ozbozlik. Oddiy yechim bor: iqtisodiyotda barqaror va munosib ish o‘rinlarini ochish kerak, tamom! Odamlar o‘z mehnati bilan pul topishi, oilasini boqishi va kelajagini rejalashtirishi mumkin bo‘lsa, kambag‘allik ham o‘z-o‘zidan kamayadi.

Ish o‘rinlarini yaratish esa o‘z navbatida tadbirkorlikka real sharoit yaratish bilan bog‘liq. Kredit olish uchun ming xil hujjat yig‘ish, soliqlardan qiynalish, tekshiruvlardan bezish – mana shular oddiy odamning o‘z biznesini boshlashiga to‘sqinlik qiladi. Buning o‘rniga, davlat real sektorni qo‘llashi, ishlab chiqarishni rag‘batlantirishi, xususiy tashabbuslarga yo‘l ochishi kerak.

Kambag‘allikdan chiqarish haqida uzoq gapirish, hisobotlar qilish yoki statistikani bo‘yab-ko‘kartirish shart emas. Real ishlovchi iqtisodiyot bo‘lsa, odamlar o‘zini o‘zi boqadi.

Kanalga a'zo bo'lish uchun
👉 Yurisprudensiya

⚡️Oʻzini oʻzi band qilgan yoshlar loyihalari uchun 100 million soʻmgacha 7 yil muddatga imtiyozli mikroqarz ajratadi.

Shuningdek, yakka tartibdagi tadbirkor boʻlgan, kamida 20 nafar yoshni ishga olib, kichik korxona ochgan va oʻquv markazi tashkil qilgan yosh tadbirkorlarga 7 yil muddatga 5 milliard soʻmgacha imtiyozli kredit beriladi.

Kanalga a'zo bo'lish uchun
👉 Yurisprudensiya