Yoshlar kundaligi | Rasmiy

#Биласизми

🌟 АПРЕЛДА ТУҒИЛГАН МАШҲУРЛАР

💠 1 апрель

➖ Николай Гоголь (1809-1852) – рус ёзувчиси, "Ўлик жонлар", "Ревизор" асарлари муаллифи;
➖ Отто фон Бисмарк (1815-1898) – "Темир канцлер" номини олган германиялик сиёсатчи, давлат арбоби.

💠 2 апрель ➖ Ҳанс Кристиан Андерсен (1805-1875) – машҳур эртаклар ёзувчиси, драматург.

💠 3 апрель ➖ Малика Аҳмедова (1950) – раққоса, Ўзбекистон халқ артисти.

💠 5 апрель ➖ Ҳабиб Саъдулла (1942-2006) – Ўзбекистон халқ шоири.

💠 7 апрель ➖ Чан Конг-санг (1954) – Жеки Чан тахаллуси билан танилган гонконглик актёр, кинорежиссёр.

💠 8 апрель ➖ Тўхтасин Жалилов (1896-1966) – бастакор, Ўзбекистон халқ артисти.

💠 9 апрель ➖ Амир Темур (1336-1405) — буюк саркарда, кучли, марказлашган давлат асосчиси.

💠 10 апрель ➖ Абдулла Қодирий (1894-1938) – ўзбек романчилигининг асосчиси, публицист, ҳажв устаси, тилшунос ва таржимон.

💠 12 апрель

➖ Шерали Жўраев (1947-2023) – Ўзбекистон халқ артисти;
➖ Мурод Муҳаммад Дўст (1949) – таниқли ўзбек ёзувчиси, "Лолазор" романи муаллифи.

💠 13 апрель ➖ Тўлқин Тожиев (1936) – дубляж устаси, Ўзбекистон халқ артисти.

💠 15 апрель

➖ Леонардо да Винчи (1452-1519) – итальян рассоми ва олими;
➖ Шайх Муҳаммад Содиқ Муҳаммад Юсуф (1952-2015) – атоқли олим, "Тафсири Ҳилол", "Бахтиёр оила", "Ижтимоий одоблар" каби юзга яқин асарлар муаллифи;
➖ Садриддин Айний (1878-1954) – ёзувчи, олим, жамоат арбоби;
➖ Алла Пугачёва (1949) – Россия халқ артисти.

💠 16 апрель

➖ Чарли Чаплин (1889-1977) – инглиз комик актёри, режиссёр, бастакор;
➖ Фаррух Зокиров (1946) – Ўзбекистон халқ артисти;
➖ Шоислом Шомуҳамедов (1921-2007) – шарқшунос олим, таржимон.

💠 17 апрель ➖ Али Қушчи (1430-1474) – XV асрда илмий фаолият юритган математик ва астроном, Мирзо Улуғбекнинг шогирди.

💠 19 апрель ➖ Шуҳрат (1918-1993) – Ўзбекистон халқ ёзувчиси.

💠 20 апрель ➖ Маъмуржон Узоқов (1904-1963) – Ўзбекистон халқ ҳофизи.

💠 21 апрель ➖ Паоло Коэло (1947) – "Алкимёгар" романи муаллифи.

💠 22 апрель

➖ Ойдин Ҳожиева (1942-2023) – Ўзбекистон халқ шоири;
➖Ҳосила Раҳимова (1975) – Ўзбекистонда хизмат кўрсатган артист.

💠 23 апрель ➖ Уилям Шекспир (1564-1616) – инглиз драматурги ва шоири.

💠 24 апрель ➖ Таваккал Қодиров (1926-1996) – Ўзбекистон халқ артисти.

💠 26 апрель

➖ Ботир Зокиров (1936-1985) – Ўзбекистон халқ артисти;
➖ Муҳаммад Юсуф - (1954-2001) – Ўзбекистон халқ шоири;
➖ Жамол Камол (1938-2022) – Ўзбекистон халқ шоири.

💠 28 апрель ➖ Зулайҳо Бойхонова (1963) – Ўзбекистон халқ артисти.

💠 30 апрель ➖ Антонио Гутерриш (1949) – БМТ Бош котиби (2017 йилдан).

Yoshlar kundaligi

#Даҳонинг_болалиги

🇺🇿🇰🇿 Бугун Президентимиз Шавкат Мирзиёев Қозоғистон етакчиси Қасим-Жомарт Тоқаевнинг таклифига биноан амалий ташриф билан Олмаота шаҳрида бўлади. Шу муносабат қардош халқнинг буюк фарзандларидан бири ҳақида маълумот бермоқчимиз.

📖 ҚОЗОҚ АДАБИЁТИ ВА ТАРИХИ ҚЎРИҚЧИСИ

☀️ 1897 йил 28 сентябрь. Семипалатинск (ҳозирги Абай) вилояти. Серсув Иртиш дарёси соҳилидаги хонадонда ўғил туғилди. У кейинчалик жаҳонга машҳур адиб, ўз халқининг ғурури, туркий адабиёт дурдоналарини асраб қолган фидойи академикка айланди.

📜 Болалиги сўзга чечан жираулар даврасида ўтди. Овулдаги тўй-маъракаларда дўмбира жўрлигида айтилган достонлар адабиётга меҳр уйғотди. У асл тарихни аввал оқсоқоллардан, овул мактабининг холис устозларидан ўрганди. Кейинчалик, сохта тарихни ўқиганда бунга чидаб туролмади ва қалами билан жаҳолатга қарши маърифат билан кураш бошлади. Бу унга қимматга тушган эди...

📚 3 ёшида отасидан, 5 ёшида онасидан айрилиб, амакисининг қўлида қолди. Болаликдан меҳнатга чидамли бўлиб ўсди. Китоб ўқишни яхши кўрарди. Айниқса, Абай насиҳатлари, “Манас” достони, Жомий, Навоий, Махтумқули, Бердақ ғазаллари, халқ қўшиқларини жуда яхши кўрган. Хотираси кучли бўлиб, икки-уч соат ҳам баҳри байт беллашувида тўхтамай шеър айтоларди.

🎭 Аввалига мадрасани, кейин мактаб ва ўқитувчилар семинариясини битирди. 20 ёшга тўлмай “Енглик-Кебек” саҳна асари билан қозоқ драматургиясига асос солди. Чор Россиясининг қулаши билан минтақада истиқлолчилик ҳаракатлари бошланиб кетди. Жадидчиликнинг муқобили бўлган Алаш ҳаракатининг “Жанар” ёшлар ташкилотига қўшилди ва унинг етакчисига айланди. 21 ёшида “Абай” журналини чоп эттирди. Аммо 1919 йилда совет ҳокимиятининг ўрнатилиши унинг ҳаётини остин-устун қилиб юборди.

⚡️У энди фаолиятини журналистика ва драматургияга бурди. Мамлакат ижтимоий-сиёсий ҳаётида фаол иштирок этди. Миллатпарварлиги эса шўроларнинг ғашига тегарди. Ниҳоят, унга қарши ҳужум бошланди. Уни умрбод қамоқ ёки муқаррар отув кутарди...

📌 Чорасиз қолган йигит аввал Тошкентда, кейин Москвада ўқиди. У пайтлар минтақада очарчилик ҳукм сурарди. Бир бурда нон топиш ҳаёт-мамот масаласига айланганди. Бундай шароитда ўқиш ҳақида ўйлаш кўпчиликнинг кўнглига сиғмасди. Аммо у барча қийинчиликка рози бўлиб олий маълумот олди, олим бўлди.

🤝 Ниҳоят, у сиёсатга аралашмасликка қарор қилди. Умрини адабиёт ва илмга бағишлади. Абдулла Қодирийни ўзига устоз деб биларди, Чингиз Айтматов эса энг севикли шогирди бўлди. У қозоқ адабиёти ҳам жаҳонда ўз ўрнига эгалигини исботлаб берди.

📔 Иккинчи жаҳон уруши авжига чиқаётган йилларда Марказий Осиёда иккита катта роман яралди. Бири Ойбекнинг “Навоий”си бўлса, бири унинг қаламига мансуб “Абай” эпопеяси эди. Бу романга “Қозоқ халқининг бадиий қомуси” дея таъриф берилди, 150 тилга ўгирилди.

💠 Олим сифатида Абайнинг 100 йиллигини ўтказиш, “Қозоғистон тарихи”ни ёзиш, “Манас” достонини сақлаб қолиш ва тарғиб этишда фидойилик кўрсатди.

✅ Ёзувчи, тарихчи, тилшунос, фольклор бўйича мутахассис, адабиётшунос, файласуф – унда буларнинг бари бенуқсон даражада мужассам эди.

Академик ёзувчи, туркий халқларнинг самимий дўсти бўла олган бағрикенг инсон

Мухтор оға эди. Мухтор Авезов эди

✍️ Отабек Бакиров
🎨 Фарруҳ Авелов

Yoshlar kundaligi