Вафо Мўмин

Ушбу фикримизга қўшимча ўлароқ.

Бир судья ишини ўзгартириб, ўқитувчилик касбига ўтиб кетибди. Танишлари у нега бундай қилганини сўрашганида, у шундай жавоб қилибди:

Менга келган судланувчиларга разм солсам, уларнинг аксарияти ё ўқимаган ёки тўғри қарашга эга бўлмаган одамлар эканлигига гувоҳ бўлдим ва мен ўзимга: "Барглар билан шуғулланиш ўрнига, илдизни тўғрилашимиз керак", деган хулосага келдим. Саводсизлик қанча кам бўлса, жиноят шунча кам бўлади. Жамиятнинг ривожи учун сифатли таълимнинг ўрни бебаҳодир.

Жиноятчиликнинг олдини олишни ҳар бир шахснинг гўдаклигидан бошлаш керак. Таълимга катта эътибор қаратишимиз керак. Энг зўр ҳуқуқбузарликлар профилактикаси асли шу!

@VafoMumin - холис фикр минбари

✅ Telegram | 🌐 Instagram | 📹 Youtube

Ўзбекистонда китоб ўқиган маҳкумларнинг жазо муддати қисқариши мумкин

"Миллий тикланиш" ДП маҳкумларни тарбиялаш ва ахлоқ тузатиш самарадорлигини оширишга қаратилган қонун лойиҳасини муҳокама қилди.

Лойиҳага кўра, ўзини ўзи тарбиялаш ва тузалишга ҳаракат қилган маҳкумларнинг жазо муддати қисқартирилиши мумкин.

Китоб ўқиганлар учун имтиёз
▪️ 1 та китоб ўқиб, имтиҳондан ўтган маҳкумнинг жазо муддати 3 кунга қисқариши мумкин.
▪️ Йилига энг кўпи 10 та китоб ўқиш мумкин.

Яхши ташаббус. Аксарият жиноятлар илмсизлик оқибатида содир этилади. Китоб ўқиган одамнинг жиноят қилиш эҳтимоли паст бўлади. Жазоларнинг асосий мақсади эса тарбиялаш. Шундоқ экан ушбу ташаббусни қўллаб-қувватлаймиз.

Бироқ, баъзи жиноят турларига буни татбиқ этмаслик керак. Масалан, ғайриинсоний ва терроризмга оид жиноятларга.

@VafoMumin - холис фикр минбари

✅ Telegram | 🌐 Instagram | 📹 Youtube

#хайрия

Яхши инсонлар!

Айни пайтда бир ҳамюртимизнинг оналари оғир касалликни бошдан ўтказмоқдалар. Бу дардни ҳеч кимнинг бошига солмасин. Дардга чалинганларга эса шифо берсин!

Ташхис: саратоннинг 3-босқичи (оғир даража).

Операция учун зарур сумма: 30 минг $ (ҳозирда яхшиларнинг кўмагингиз билан 3 минг $ га яқинроқ пул йиғилди).

Арзимаган пул билан сиз камбағал бўлиб қолмайсиз, лекин бир инсон соғайиб кетиши мумкин. Бирлашайлик, азизлар! Қатра-қатра йиғилиб дарё бўлур!

Пул ўтказиш учун реквизитлар:
HUMO: 9860 0824 8876 1220 (Bozorova Mukhtabarjon)

Алоқа учун:
Муҳайёхон Аҳмаджонова (қизи): +998 900035053

@VafoMumin - холис фикр минбари

✅ Telegram | 🌐 Instagram | 📹 Youtube

Сўз эркинлиги бўлмаган давлат ривожланмайди. Бу абсолют қоида бўлмаса ҳам, аксарият ҳолларда шунақа.

Ҳақиқатни билдирганларнинг тазйиққа олиниши, танқидни давлатчиликка хавф деб билиш бора-бора халқнинг безишига ва давлатнинг пароканда бўлишига олиб келади.

Диктатура ҳар доим ўз сиёсий хатоликлари сабаб юзага келган жараёнларни "ташқи куч"ларга боғлайди ва шу орқали ўз халқини қўрқувда ушлаб туришга ҳаракат қилади. Ваҳоланки, давлат учун энг катта хавф "ташқи куч"лар эмас, қонун устуворлигини таъминлай олмаган мансабдорлар бўлади.

Қонун устуворлигини таъминлаш учун сўз эркинлиги бўлиши керак. Токи одамлар фикр билдиришдан қўрқиб яшар экан, қонун устуворлиги ҳам чўпчак бўлиб қолаверади.

Сўз эркинлигисиз ҳам ривожланган Хитой ва Сингапурни мисол қилиш жуда хато. Чунки диктатурада барча қудрат бир шахс қўлида бўлади. Ўша шахс яхши бўлса — хўп-хўп, ёмон бўлса — урди худо! Демократияда эса яхши бўладими ёки ёмон уни тийиб турадиган институтлар бўлади ва хато қарор қабул қилишнинг эҳтимоли камаяди.

Хулоса шуки, агар давлат узоқ муддатли тараққиёт йўлини хоҳлар экан, сўз эркинлигини чекламаслиги керак. Фаол ва зиёлилар тазйиққа олинган давлатларнинг яшаб қолиш умри эса бир одам умрига баробар (ўртача 70-80 йил). Совет давлати бунга яққол мисол!

@VafoMumin - холис фикр минбари

✅ Telegram | 🌐 Instagram | 📹 Youtube

Любая бизнес – хараша!

Уйда бекор ўтирма,
Бозорга чиқ, зумраша.
Кайфиятни чўктирма,
Любая бизнес – хараша!

Катталарга “соққа” бер,
Хизматига яраша.
Кейин эса кўксинг кер,
Любая бизнес – хараша!

Айни газ йўқ маҳали,
Пул туради тараша.
Дарахтларни кес, қани,
Любая бизнес – хараша!

Тендирларни ютиб ол,
“Доля” бер бошинг оша.
Чала-чулпа уйни сол,
Любая бизнес – хараша!

Ҳар соҳани эгалла,
Якка ҳокимдек яша.
Омадингни эгарла,
Любая бизнес – хараша!

Ёки жуда бўлмаса,
Олиб келиб сот наша.
Сенинг боланг ўлмаса,
Любая бизнес – хараша!

Битта “СПА” салон оч,
Уч-тўртта топ фоҳиша.
Милицияга пулни соч,
Любая бизнес – хараша!

Агар сўкса одамлар,
Қилиб турма андиша.
Босгин илғор қадамлар,
Любая бизнес – хараша!

Бу халқ асли қўйдек гап,
Қилиб қўяр хархаша.
Сўнгра унутар, албат,
Любая бизнес – хараша!

Сиёсатчи сўйлайди,
Аҳволинг ўша-ўша.
Асли ўйин ўйнайди,
Любая бизнес – хараша!

Ҳамма жойда завод қур?
Дўппинг тушган ергача.
Оқсуякдек даврон сур,
Любая бизнес - хараша.

Рейтинг тушмасин бирдан,
Имкон бериб шест секунд.
Қасос ол ҳар муҳбирдан,
Любая бизнес - хараша.

Ўлса, оддий халқ ўлсин,
Ҳар ерга қургин гўша.
Aбадий шиор бўлсин:
Любая бизнес - хараша.

Ҳаводан ҳам пул, ҳатто,
Қил бу осмон остида.
Ҳеч ким демас: "Бу хато"
Любая бизнес - хараша.

Агар очилса кетинг,
Четга қоч денгиз оша.
Бу ҳам битта маркетинг,
Любая бизнес – хараша!

Ўзингча, эй сен жўра,
Шеър битдинг шоша-пиша.
Пахта қўй ундан кўра,
Любая бизнес – хараша!

© Вафо Мўмин

@VafoMumin - холис фикр минбари

✅ Telegram | 🌐 Instagram | 📹 Youtube

Жаҳонгир Ортиқхўжаев ҳокимлиги пайтида баъзи нохуш таассуротларни шакллантирган эди. Бироқ, сўнгги бир йилликда бу инсонни шахс ва тадбиркор сифатида қайтадан кашф қилдим. Шу инсон чиққан суҳбатларни қолдирмасдан кўряпман ҳамда ўзим учун анча нарса оляпман.

Ҳозир ҳам мана шундай манфаатли суҳбатлардан бирини эътиборингизга ҳавола этаман. Вақт бўлганда кўрсангиз, кетган вақтингизга ачинмайсиз!

Ҳавола: https://www.youtube.com/watch?v=9N3GvCTJCKQ&t=1690s

@VafoMumin - холис фикр минбари

✅ Telegram | 🌐 Instagram | 📹 Youtube