Transport nazorati inspeksiyasi

Tadbirkorlar manfaati qonun himoyasida

⚡️Transport nazorati inspeksiyasi boshlig‘i Jamshid Karimov Toshkent viloyati hududida yo‘lovchi tashish faoliyati bilan shug‘ullanuvchi korxona rahbarlari bilan uchrashdi. O‘zbekiston Respublikasi Prezidentining Toshkent viloyatidagi Xalq qabulxonasida tashkil etilgan tadbirda Toshkent viloyat transport boshqarmasi, Transport nazorati inspeksiyasi Avtomobil va suv transportida nazorat Toshkent viloyati hududiy bo`limi rahbariyati va xodimlari ishtirok etishdi.

🔹Tadbirda qonuniy asosda faoliyat yuritayotgan tadbirkotlik subyektlari vakillarini har tomonlama qo‘llab-quvvatlash, ular faoliyatida duch kelayotgan muammolar va ularning yechimi yuzasidan fikr almashildi.

🚨Yo‘lovchi tashuvlarini litsenziya va boshqa ruxsat beruvchi hujjatlar asosida amalga oshirilishini ta`minlash maqsadida muntazam ravishda profilaktika va reyd tadbirlarini tashkil etish, noqonuniy faoliyat yuritayotgan haydovchilarga nisbatan ta`sirchan choralar qo`llash lozimligi ta`kidlandi.

📌Tashuvchilar orasida sog`lom raqobatni oshirish, jamoatchilik nazoratini kuchaytirish maqsadida transport sohasida uzoq yillar davomida mehnat qilib kelayotgan, sohaning faol vakillari orasidan Jamoatchilik kengashini tuzish g`oyasi ilgari surildi. Bildirilgan taklif ko`pchilik tomondan ma`qullandi va Jamoatchilik kengashini tuzish va uni faoliyatini yo`lga qo`yish bo`yicha kelishib olindi.

#yangiliklar
🌐 Uztn.uz|✈️Тelegram|📎Facebook| 🎞YouTubе

Йўл-қурилиш ишларини назорат қилиш бўйича аниқланган камчиликлар ва кўрилган чоралар

Транспорт назорати инспекцияси Йўл-қурилиш ишларини назорат қилиш йўналиши бўйича 2024-йил давомида жами 1785 та йўл қурилиш объектларида 2 625 та (шундан: қурилиш – 223 та, реконструкция – 364 та, таъмирлаш – 1 600 та, қазиш объектлари - 438 та) назорат ишлари ўтказилди. 

2625 та назорат тадбирларидан 647 таси тадбиркорлик субъектлари, 1 978 та давлат муассасаси иштирокидаги объектларда амалга оширилди.

Назорат қилиш ишлари натижасида жами 7 009 та (шу жумладан: қурилиш – 774 та,  реконструкция – 1 182 та, таъмирлаш – 4 476 та, қазиш – 577 та) қоидабузарликлар аниқланди.

Аниқланган қоидабузарликларни бартараф этиш бўйича жами 2 418 та (шу жумладан: буюртмачиларга – 457 та, пудратчиларга – 1 667 та, қазиш ишларига – 294 та) бажарилиши мажбурий бўлган кўрсатмалар берилди.

Қонунчилик ҳужжатлари ва техник жиҳатдан тартибга солиш соҳасидаги норматив ҳужжатлар бузилишларига йўл қўйган ташкилотларга бажарилиши мажбурий бўлган 351 та (шу жумладан: буюртмачиларга – 159 та, лойиҳачиларга - 31 та, пудратчиларга - 45 та, қазиш ишлари бўйича – 116 та) тақдимнома киритилди. Бугунги кунда бартараф этиш муддати келган 342 та тақдимномадан 325 тасининг ижроси таъминланган, қолган 17 та тақдимноманинг ижросини таъминлаш бўйича ваколат доирасида чоралар кўрилмоқда.

Олиб борилган тизимли ишлар натижасида 242 та объектда аниқланган  17 695 млн. сўмлик сифатсиз бажарилган ишларнинг ҳажмини тўловдан чиқариш бўйича буюртмачиларга талабномалар киритилди, яъни шунча маблағ асосида бажарилган сифатсиз ишларни пудрат ташкилотлари ўз ҳисобларидан амалга оширишди.

Бугунги кунда ижро этиш муддати келган 236 та объектдаги 17 564 млн. сўмлик сифатсиз бажарилган ишлар бартараф этилди, бажариш муддати келмаган 6 та объектдаги 131 млн. сўмлик сифатсиз бажарилган ишларнинг ижроси ҳудудий бўлимлар инспекторларининг назоратига олинган.

 Бажарилиши мажбурий бўлган кўрсатмалардаги қоидабузарликларни бартараф этмаган ҳамда йўл қурилиши объектларида норматив ҳужжатлар талаблари бузилишига йўл қўйган мансабдор шахсларга нисбатан Маъмурий жавобгарлик тўғрисидаги Кодекснинг 99 ва 147 моддалари асосида жами 450 та (шу жумладан: буюртмачиларга – 84 та, лойиҳачига – 1 та, пудратчиларга – 268 та, қазиш ишлари бўйича – 97 та) маъмурий баённома расмийлаштирилиб, суд органларига юборилди.

Юқоридаги инфографикада назорат тадбирларида аниқланган камчиликларни бартараф этиш учун кўрилган чоралар 2023-2024 йиллар таҳлилида тақдим этилган.

#yangiliklar
🌐 Uztn.uz|✈️Тelegram|📎Facebook| 🎞YouTubе