O‘zbekiston texnik jihatdan tartibga solish agentligida Yevropa Ittifoqi (YEI) tomonidan moliyalashtiriladigan va Xalqaro savdo markazi (ITC) tomonidan amalga oshiriladigan "O‘zbekistonning JSTga a’zo bo‘lishiga ko‘maklashish" loyihasi doirasida "ISO metodologiyasiga muvofiq O‘zbekiston milliy standartlashtirish strategiyasini ishlab chiqish" mavzusidagi o‘quv seminari boshlandi.

Joriy yilning 20–24-yanvar kunlari o‘tkazilishi rejalashtirilgan mazkur o‘quv seminarida Agentlik va uning tizim tashkilotlari xodimlariga xalqaro ekspert Gevorg Nazaryan (Armaniston) tomonidan bilim va ko‘nikmalar berilyapti. Bundan tashqari, ishtirokchilarni qiziqtirgan savollarga atroflicha javob qaytarilib, ularning mavjud muammo va takliflari o‘rganilmoqda.