Sheraliyev's | بlog

– Menga faqat qimmat sovgʻalar yoqadi!

Masalan: vafo, ishonch, tushunish, mehr, eʼtibor, rostgoʻylik...🫀

✍"Bir kunda bir soat doʻst uchun yasha"

Xudo umr bersa, yashayversa toʻq,
Ayting kimning yuz yil yashagisi yoʻq.
Lek koʻngil tubida yuz ochar bir choʻgʻ,
Bir kunda bir soat doʻst uchun yasha.

Qafasga sigʻmaydi orzular qushi,
Joningni chimchilar roʻzgʻor tashvishi.
Ayt poyon topgaymi bu dunyo ishi,
Bir kunda bir soat doʻst uchun yasha.

Dasturxon toʻldirma, topganingni qoʻy,
Mayli qadah tutma, diydoriga toʻy,
Ostonangda kulib, koʻrsatganda boʻy,
Bir kunda bir soat doʻst uchun yasha.

Otangni ardoqla, onangni asra,
Joningning chirogʻi - bolangni asra.
Betobsan, ichga yut, nolangni asra.
Bir kunda bir soat doʻst uchun yasha.

Kimdir gul uchun, kimdir pul uchun yashar,
Quyosh koʻkda kuyib, nur uchun yashar.
Mahmud diydor topgan dur uchun yashar,
Bir kunda bir soat doʻst uchun yasha!

© Mahmud Toir

– Duo taqdirni oʻzgartiradi...!

Erkakning suyuqligi bo‘lgan sperma tarkibida 200 millionta spermatozoid (mitti hujayralar) mavjud. Agar mantiqiy fikrlaydigan bo‘lsak, shu mitti hujayralarning hammasi onaning bachadonidagi tuxum hujayra bilan qo‘shilsa, 200 millionta homila paydo bo‘lgan bo‘lar edi. Shuncha mitti hujayra erdan ayol jinsiga o‘tib, bachadon sari harakatlanadi. Shulardan faqatgina 50 tasi tirik qoladi. Qolganlari esa, charchoq, taslim bo‘lish va boshqa sabablar tufayli yarim yo‘lda halok bo‘ladi. Tirik qolgan 50 ta hujayradan faqatgina bittasi marraga yetib borib, ayolning tuxum hujayrasi bilan qo‘shiladi. Ana o‘sha g‘alaba qozongan mittigina hujayra — men, siz va har birimiz.

O‘sha yerda harakat qilayotganingizda ko‘zingiz, qo‘lingiz, oyoqlaringiz, boshingiz yo‘q edi. Shunday bo‘lsada, siz g‘alaba qozongansiz.

O‘sha yerda harakat qilayotganingizda diplomingiz, aqlingiz yo‘q edi. Shunday bo‘lsada siz g‘alaba qozongansiz.
O‘sha yerda harakat qilayotganingizda ilmingiz yo‘q edi. Birorta inson sizga ko‘mak bermadi. Shunday bo‘lsada siz g‘alaba qozondingiz. Nima uchun?

Chunki Buyuk Yaratuvchi millionlab mitti hujayralar ichidan sizni tanlab oldi.

Ko‘plab homilalar ona qornidayoq vafot etadilar, lekin siz u yerda tirik qoldingiz.

Ko‘plab homilalar tug‘ilish jarayonida vafot etadilar, lekin siz sog‘ salomat dunyoga keldingiz.

Dunyoga kelgan ko‘plab chaqaloqlar 5 yoshga yetib-yetmay vafot etadilar, lekin siz sog‘ salomat yashab ulg‘ayyapsiz.

5 yoshdan o‘tgan bolalar ham ochlik yoki biror kasallik sabab vafot etadilar. Ammo siz ochlik va turli kasalliklardan omonda qolib yashayapsiz.

Boshingizga biror tashvish tushsa, o‘ksinasiz, g‘am chekasiz tushkunlikka tushasiz. Nega o‘zingizni ziyonga uchragan deb hisoblayapsiz?
Yoki o‘zingizga bo‘lgan ishonchni yo‘qotdingizmi?
Yoki umidni qo‘ldan boy berdingizmi?

Axir bugun sizning sodiq do‘stlaringiz, diplomlaringiz, hamma narsangiz borku. Oyoq-qo‘llaringiz, sezgi a’zolaringiz ishlayaptiku, ilm olgansizku, reja tuzish uchun sizda aql borku, siz bachadon ichida yotganingizda, hech qanday imkon yo‘qligida, sizga yordam bergan Zot — Alloh shu holingizda tashlab qo‘yarmidi!

© Abror Tursun Karimxon oʻgʻli