Tafakkur egalari

ИНСОН ЖИСМИДАГИ БЎҒИМЛАР ТЎҒРИСИДА

Расулуллоҳ саллаллоҳу алайҳи васаллам:
"Одам болаларидан барча киши уч юз олтмиш бўғим билан яратилган...", деб айтдилар.
Имом Аҳмад ривояти.
Инсон жисмидаги бўғимлар Расулуллоҳ саллаллоҳу алайҳи васаллам ўн тўрт аср олдин белгилаб, хабар берганларидек уч юз олтмиштадир. Ахир Расулуллоҳ саллаллоҳу алайҳи васалламга Аллоҳдан бошқа ким ҳам хабар бера олар эди. Ушбу илмий ҳақиқатга йигирманчи асрнинг охирларида етишилдику?!
– Умуртқада 147 та бўғим.
– Кўкракда 24 бўғим.
– Юқори томонда, яъни елка, тирсак, билак ва қўл суякларида 43 × 2 = 86 та бўғим.
– Пастки томонда, яъни сон, тизза, тўпиқ ва оёқ суякларида 44 × 2 = 88 та бўғим.
– Тосда 13 та бўғим.
– Жағда 2 та бўғим.
Жами: 147+24+86+88+13+2=360

Абу Зарр розияллоҳу анҳудан ривоят қилинади:
“Расулуллоҳ соллаллоҳу алайҳи васаллам:
«Сизлардаги ҳар бир бўғим учун ҳар куни тонг отганда садақа бордир. Ҳар бир тасбеҳингиз (яъни, «Субҳоналлоҳ», дейишингиз) садақадир. Ҳар бир ҳамдингиз (яъни, «Алҳамдулиллаҳ», дейишингиз) ҳам садақадир. Ҳар бир таҳлилингиз (яъни, «Ла илаҳа иллаллоҳ», дейишингиз) ҳам садақадир. Ҳар бир такбирингиз (яъни, «Аллоҳу акбар», дейишингиз) ҳам садақадир. Яхшиликка буюришингиз ҳамда ёмонликдан қайтаришингиз ҳам садақадир. Чошгоҳ (зуҳо) пайтидаги икки ракат ўқиган намозингиз буларнинг ўрнига ўзи кифоя қилади», дедилар»
Имом Муслим ривоятлари.

Тафаккур қилинг!

@Tafakkur3

Хитойда бир киши шундай оч ва чарчаган едики, чидай олмай нок ўғирлаб еди одамлар ўғрини ушлаб, жазолаш учун император ҳузурига олиб келишди.

Ўғри императорни кўриб, унга деди: Ҳурматли Император, мен оч эдим, чидай олмадим, ўғирлаб едим. Мени кечиришингизни илтимос қиламан. Агар мени кечирсангиз, сиз учун бебаҳо совға бор дейди
Император истеҳзоли кулди: Сенга ўхшаган одамда мендек император учун қийматли бўлган нима бўлиши мумкин?
Ўғри кафтидаги нок уруғини узатади ва: Агар сиз бу уруғни эксангиз, олтин мева берадиган дарахт бир кунда ўсиб чиқишини кўрасиз дейди
Император кулиб: Ундай бўлса, олтин меваларни кўрсам, кечираман деди.
Ўғри: Император ҳазратлари, мен бу уруғни эка олмайман, чунки мен ўғриман. Бу уруғни фақат умрида ўғирлик қилмаган, бошқаларга нисбатан адолатсизлик қилмаган, ёлғон гапирмаган одам эксагина олтин мева беради. Акс ҳолда уни экганни заҳарлаб, мисли қурилмаган дард билан ўлдиради. Султоним, бу уруғни фақат сиз эка оласиз
Император қовоғини чимирди, бир муддат ўйлади, сўнг қўпол овоз билан: Мен боғбон эмас, императорман, ўша уруғни бош вазирга беринг деди
Ўғри уруғни бош вазирга узатганда, бош вазир ваҳима ичида императорга юзланиб, эътироз билдирди: Экиш ва парваришлашда мен жуда нўноқман ҳазратим, сеҳрли уруғни исроф қиламан. Менимча, бу уруғни хазиначи экиши керак
Бош ғазначи дарҳол баҳона топиб: Бу вазифани бошқа бировга топширди.
У ерда бўлганларнинг барчаси бирин-кетин баҳона топиб уруғ экиш вазифасидан қочишди.
Кейин император вужудга келаётган сукунатда бироз уйланиб қолди. У рўпарасидаги бош вазир, ғазначи ва барча амалдорларга тикилиб
Келинг, бу ўғрига уруғнинг олтин мева беришини ва уни хурсанд қилишини биргаликда кўрсатамиз деди.
Чўнтагидан бир тилла танга олиб, ўғри ушлаб оладиган қилиб ирғитди.
Сўнгра ҳамма секин чўнтагидан олтин чиқариб ўғрига бергунича кутиб турди
Кейин кулиб: йўқол бу ердан эй Ўғри, бу сабоқ бугун ҳаммамизга етарли деди.

Хулоса сиздан...

Тафаккур қилинг!

@Tafakkur3

📖 УМР КИТОБИ

Одамзод ҳаёти нима? Нега дунёга келамиз ва нега уни тарк этамиз? Бу савол ҳар бир инсонни ўйлантиради.

Ҳақиқатда, ҳар бир банданинг умри бир китобга ўхшайди. Унинг дебочаси – тақдир. Инсон ҳаёти давомида эса ҳар куни, ҳар лаҳзада ўз умр китобини ўзи ёзиб боради. Яхши ёки ёмон амаллар – барчаси шу китобда муҳрланади.

Умр поёни етган куни китоб ёпилади ва охир-оқибат, ҳисоб-китоб қилинади...

📌 Эзгулик билан умр саҳифаларини ёзиш ҳар биримизга насиб қилсин!

✍️ Ўткир Ҳошимов

@Tafakkur3

Ўтган сарнинг 70 йиллари охирларига келиб Сурхондарё вилоятидаги Сариосиё, Узун, Денов, Олтинсой ва Жарқўрғон туманларида ғайриоддий ҳолат кўзга ташлана бошлади. Одамлар, ёш болалар ҳатто ҳайвонларнинг тиши тўкилиши, соч тўқилиши, ҳосилсизлик, айниқса машҳур анорлар меваси пўстлоғи ичида кулга айлана бошлади. Энг аянчлиси ногирон чақалоқлар, ва гўдаклар ўлими ғайритабиий равишда кўпайди. Авом даво излаб, дўхтиру фолбину жинкашлар эшигида бефойда сарғайди. Бу ҳолат ХХ асрнинг 80 йиллари охирига келибгина, ошкоралик сиёсати туфайли Тожикистондаги Турсунзода алюминий заводининг таъсири экани оммага ошкор бўлди.

Совет тузуми томонидан берилган яна бир асоратли зарба бу маҳаллий халқ руҳиятга етказган зарар бўлиб у ҳар қандай моддий ва жисмоний зарардан миллион баробар ҳалокатлидир. Болшевиклар ҳукмронлигининг дастлабки босқичидаёқ, худосизлик клублари, "Худосиз" деб номланган газета ва журналлар ва бошқа тарғибот усуллари орқали авомни Худодан узоқлаштириш учун ғайрат кўрсатилди.

Нимагадир сиғиниш, эътиқод инсоннинг табиатига хос. Кимдир Аллоҳга, бошқаси тоққа ё дарахтга ва ёки инсонга ҳатто ҳайвонга сиғиниши мумкин, яъни бу туйғу унинг онги остида бўлиб, буни бутунлай йўқ қилишнинг иложи йўқ. Энг аянчлиси даҳрийлик муҳитида улғайган инсон, “Худо”излаб ҳақиқат излаб аро йўлда сарсон бўлишига сабаб бўлаётган, тафаккурини хиралаштираётган зарар манбаи, иблисни борлигига ҳам ишонишмайди. Ва табиийки касаллик манбаини билмагач, унга қандай қарши курашишни ҳам англай олмайдилар. Инсон ишонмагани ҳолатида қандай қилиб қарши курашиши мумкин? Охират замон фитналари, дажжол ҳақида гапирганда энсаси қотиб, сафсата, эскилардан қолган эртак деб фикрлайдиган инсонларни бу фитналаридан омон қолишининг иложи борми?...

“Эй Расулуллоҳ! У ер юзида қандай тезликда ҳаракат қилади?”

“Ортидан шамол эсган ёмғирли булут каби. У бир қавмга келиб, даъват қилади. Улар унга иймон келтириб, даъватини қабул қиладилар...”

*(Имом Муслим 2937. Имом Термизий 2240).

tanatoz1920

@Tafakkur3

1. Қийналиб турган вақтингда гапирма, чунки ўзинг хоҳламаган сирларни очиб қўйишинг мумкин.
2. Ғазабланган пайтингда гапирма, чунки айтган гапларинг ўз хоҳишингга зид бўлиши мумкин.
3. Хафалик чоғингда гапирма, чунки одамлар сенга ачиниб қарашлари мумкин.
4. Хурсанд бўлган пайтингда гапирма, чунки ёлғон ваъдалар бериб қўйиб, келажакда бажаролмай бошқаларнинг кўнглини оғритиб қўйишинг мумкин.
5. Фақатгина ўзингга нима гапириш ва нима гапирмаслик кераклигини назорат қилган пайтингдагина гапир.
6. Ғазаб пайтида гапирма, акс ҳолда бутун умр пушаймон бўлиб юрадиган гапларни айтиб қўйишинг мумкин.
7. Агар ушбу қоидаларга амал қила олмасанг, ўзингни гапирмасликка ва сукут қилишга одатлантир.

- Мулойим сўзлар қаттиқ сўзларни енгади.
- Йўқотадиган ҳеч нарсаси йўқ одамни синама.
- Мағлуб одам табассум қилса, ғолиб ғалаба завқини йўқотади.

- Ҳақиқий ҳуррият жаҳолат тугаган жойдан бошланади. Жоҳилга ҳуррият бериш, жиннига тиғ бериш билан баробар.

Тафаккур қилинг!

@Tafakkur3

Ўқитувчи темирданмас-ку ёҳуд педагогнинг касбий куйиши ҳақида

Педагогик фаолият ҳиссий бўёқдор меҳнат турлари тоифасига киради.

Жисмоний қувватнинг ҳам маълум чегараси бўлганидек, ҳиссиётлар базаси ҳам чексиз уммон эмас.

Доимий ҳиссий ифодалар билан тўлиб тошган меҳнат педагогни эмоционал толиқтириши табиий.

Толиқиш сурункали тусга кириши оқибатида эса фанда “касбий куйиш” деб аталадиган ҳодиса рўй беради.

Педагог касбий куйиш даражасида толиққанини уйқу ва иштаҳа бузулиши, тез-тез бош оғриши ва касалликларга чалинаверишдан ташқари қуйидаги психологик аломатлар кўрсатади:

1.Болалар ва ҳамкасбларни “кўргани кўз йўқлиги”, ҳуда-беҳуда бақироқ бўлиб қолиш, ҳатто, уйдагиларга ҳам бақиришга одатланиш.

2.Машғулот ўтказиш, уй вазифа текширишга нисбатан қаттиқ оғриниб, ғашлик билан қараш, муҳим ишлар қолиб, эътиборсиз майда ишлар билан ўралашиб юришга мойил бўлиш.

3.Ишга фақат кун кўриш учун иложсизликдан бориладиган жой сифатида қарашга ўрганиб, фан, методика бўйича янгиликлар ўрганишга тоқатсиз, эътиборсиз бўлиб қолиш.

4.Касбий фаолият доирасида учрайдиган одамларга нисбатан мутлақ бефарқ муносабатга, ишга фақат расмиятчилик кўзи билан қарашга ўтиб олиш.

Бунинг олдини олса бўладими?

- дам олиш вақтини қизиқарли машғулот, хобби билан ўтказиш, ақлий ва жисмоний меҳнатни алмаштириб туришга ўрганиш;

- ишдаги нохушликларни вақтинчалик ҳолат сифатида идрок этиш, касбий муваффақиятлар учун ўзини мақташ, рағбатлантириш;

- ҳар доим ҳамма ишни “ипидан игнасигача” билиш, мукаммал қилишга интилмаслик, бошқалар билан доим мусабақалашишга ружу қўймаслик;

- энг яқин мулоқот доирасида касбий фаолиятга умуман алоқасиз одамлар ҳам бўлишига, ишга тегишли бўлмаган адабиётларни ҳам ўқишга интилиш;

- ишда шахсий ҳаётдаги муаммоларни муҳокама этмайдиган, очиқ, позитив инсонлар билан мулоқот қилишга интилиб, ёқимсиз шахслар билан салом-алик даражасида муомалани енгилгина чеклаш;

- психологик ўзини-ўзи бошқариш методикалари, мушакларни бўшаштирувчи, юз соҳасини массаж қилиш техникаларини қўллаш;

- бажараётган ишнинг кундалик деталлари, ёқимсиз томонларидан кўра ижтимоий аҳамияти, инсонпарварлик мазмунига эътибор қаратиш.

Шундай формула ишлайди:

Ўзимиз қилаётган ишдан маъно топа олсак, унинг паст-баланди ҳам кўзимизга унчалик кўринмайди.

P.S. Мавзу ўта жиддий ва оғриқли бўлгани учун касбий куйиш рўй бериб бўлган тақдирда қандай йўл тутиш мумкинлиги масаласини алоҳида кейинги постларга қолдира қолдик...

Устоз кундалиги жамоаси (психол. ф. д. П.С. Эргашев илмий таҳрири остида)

Манба: Ustoz_kundaligi

@Tafakkur3