🎚️‼️‼️‼️❗️❗️❗️❗️‼️
Kimlar davlat maktabgacha ta’lim tashkilotlarida bepul foydalanishlari mumkin?
O‘zbekiston Respublikasi Xalq ta’limi vazirligi hamda O‘zbekiston Respublikasi Moliya vazirligining qarori bilan
“Maktabgacha ta’lim tashkilotlari va maktab-internatlardagi bolalar ta’minotiga haq to‘lash tartibi to‘g‘risidagi NIZOM” tasdiqlangan. (O‘zbekiston Respublikasi Adliya vazirligi tomonidan 2016-yil 23-avgustda ro‘yxatdan o‘tkazildi,
ro‘yxat raqami 2821)
☝️
Mazkur Nizomning 5-bobida: ✅19-band Maktabgacha ta’lim tashkilotlaridagi (maktab-internatlardagi) bolalar umumiy sonining
15 foizi doirasida “Ijtimoiy himoya yagona reyestri” axborot tizimi orqali kam ta’minlangan deb e’tirof etilgan oilalar farzandlari to‘lovdan ozod qilinadi.
Bunda, birinchi navbatda ota-onalaridan biri yoki ikkalasi I yoxud II guruh nogironligi bo‘lgan kam ta’minlangan oila farzandlariga, shuningdek, o‘rtacha oylik jami daromadi eng past darajada bo‘lgan kam ta’minlangan oila farzandlariga imtiyoz beriladi.
Boquvchisini yo‘qotgan ayollarning farzandlari, shuningdek vatan himoyasi va el-yurtimiz tinchligi yo‘lida yaralanganligi, kontuziya yoki mayib bo‘lganligi oqibatida halok bo‘lgan harbiy xizmatchilar va xodimlarning farzandlari mazkur bandning birinchi xatboshisida ko‘rsatilgan kvotadan qat’i nazar ota-onalar to‘lovidan ozod qilinadi.
✅
To‘lovdan ozod qilinadigan bolalar ro‘yxati quyidagi tasdiqlovchi hujjatlar asosida shakllantiriladi:a)
kam ta’minlangan oilalarning farzandlari uchun “Ijtimoiy himoya yagona reyestri” axborot tizimi orqali berilgan oila kam ta’minlangan deb e’tirof etilganligi to‘g‘risidagi ma’lumotnoma;
b)
boquvchisini yo‘qotgan ayollarning farzandlari uchun (quyidagi tasdiqlovchi hujjatlardan biri taqdim etilishi mumkin):
boquvchisini yo‘qotgan ayol boquvchisining o‘lim haqidagi guvohnomasi;
boquvchisining bedarak yo‘qolgan deb topish to‘g‘risidagi sudning hal qiluv qarori;
o‘lim holati fuqarolik holati dalolatnomalarini yozish organlarida qayd qilinganligi haqida tibbiyot muassasalari tomonidan berilgan QR-kod (matrik shtrixli kod) qo‘yilgan ma’lumotnoma;
davlat xizmatlari markazi orqali berilgan fuqarolik holati dalolatnomalarini yozish organlarida o‘lim qayd etilganligi haqida ma’lumotnoma.
v)
vatan himoyasi va el-yurtimiz tinchligi yo‘lida yaralanganligi, kontuziya yoki mayib bo‘lganligi oqibatida halok bo‘lgan harbiy xizmatchi yoki xodimning o‘lim haqidagi guvohnomasi.
Bunda, mazkur bandning “a” kichik bandida nazarda tutilgan ma’lumotnoma maktabgacha ta’lim tashkiloti tomonidan mas’ul davlat organlari va tashkilotlaridan “Elektron hukumat” tizimi idoralararo integratsiyalashuv platformasi orqali so‘rab olinadi.
✅To‘lovdan ozod qilinadigan bolalar ro‘yxati har
o‘quv yilining 25-sentabr kuniga qadar tegishli maktabgacha ta’lim tashkiloti (maktab-internati) rahbarining buyrug‘i bilan tasdiqlanadi.
✅
Ro‘yxatiga kirmay qolgan, shuningdek yil davomida aniqlangan kam ta’minlangan oilalar farzandlari hisobidan zaxira shakllantiriladi.
✅ To‘lovdan ozod qilingan bolalarning maktabgacha ta’lim tashkilotiga (maktab-internatga) qatnashi (bo‘lishi) to‘xtatilishi natijasida
bo‘shab qolgan o‘rinlar zaxiradan to‘ldirib boriladi. Bunda bo‘shab qolgan o‘rinlar mazkur Nizomning 19-bandining birinchi xatboshisiga asosan imtiyozga ega bo‘lgan bolalarni birinchi navbatda tanlab olish tamoyiliga rioya qilgan holda to‘ldirib boriladi.
✅To‘lovdan ozod qilinadigan bolalar ro‘yxati u tasdiqlangandan keyin o‘quv yil davomida
qayta ko‘rib chiqilishi mumkin.✔️
Shuningdek, O‘zbekiston Respublikasi Prezidentining 07.03.2022 yildagi
PF-87-sonli farmonida
boquvchisini yo‘qotgan xotin-qizlarning farzandlari davlat maktabgacha ta’lim tashkilotlariga to‘lanadigan ota-onalar badalidan ozod qilinishi, 3 yoshgacha bo‘lgan farzandlari uchun
nodavlat maktabgacha ta’lim tashkilotlariga Davlat budjetidan
subsidiyalar belgilangan tartibda ajratilishi belgilab qo‘yilgan.
😎
@T_Nuremtov
