TKTI Shahrisabz filiali | Yoshlari ittifoqi

“Uzbekistan GTL” korxonasi tomonidan o‘tkazilayotgan «ENG FIDOYI USTOZ III» tanlovining g‘oliblari aniqlandi.
Uzbekistan GTL • 27 декабря в 10:16
“Uzbekistan GTL” MCHJ tomonidan qatorasiga uchinchi bor o‘tkazilgan, mamlakatimiz iqtisodiyotining muhim tarmoqlari uchun bo‘lajak mutaxassislarni yetishtirib kelayotgan, xususan, ko‘plab iqtidorli talabalarga ustozlik qilib kelayotgan oliy ta’lim tashkilotlarining o‘qituvchilarini aniqlash va ularni munosib ravishda rag‘batlantirish maqsadida joriy etilgan “Eng fidoyi ustoz” tanlovi bu yil ham ko‘plab jonkuyar ustoz-murabbiylarni kashf etish imkoniyatini taqdim etdi.

Tanlov g‘oliblarini aniqlashda ko‘p bosqichli so‘rovnomalarga tayanildi. So‘rovnomada ishtirok etgan 7206 nafar oliy ta’lim muassasalarining talabalari hamda 350 ga yaqin korxona xodimlarining tanlovda g‘olib bo‘lish uchun munosib deb bilgan professor-o‘qituvchilar to‘g‘risida bergan ko‘plab turli fikr-mulohazalari tahlil qilindi.

So‘rovnomada asosiy e’tibor pedagog xodimlarning kasbiy faoliyati hamda shaxsiy sifat va fazilatlarini aniqlashga qaratildi. So‘rovnoma respondentlaridan o‘z ustozlarining ta’lim berish uslubi, dars jarayonini samarali tashkil etish, talaba-o‘qituvchi munosabatlari, halollik prinsiplariga rioya qilinishi kabi jihatlar bo‘yicha fikr bildirishlari so‘raldi.

Bu yilgi tanlov doirasida, respondentlar tomonidan 388 nafar professor-o‘qituvchilarning nomzodlari taklif etildi. Tanlov komissiyasi tomonidan mazkur nomzodlar to‘g‘risida to‘plangan ma’lumotlar atroflicha tahlil qilindi hamda 2024-yilgi “Uzbekistan GTL” MCHJ tomonidan o‘tkazilayotgan “Eng fidoyi ustoz III” tanlovining g‘oliblari sifatida quyidagilar e’lon qilinadi:



“ENG FIDOYI USTOZ III” TANLOVINING 1-O‘RIN SOHIBI:

Norqobilov Adham Tilovovich – Toshkent kimyo-texnologiya instituti Shahrisabz filiali Muhandislik texnologiyalari kafedrasi mudiri

“ENG FIDOYI USTOZ III” TANLOVINING 2-O‘RIN SOHIBI:

Raximov G‘anisher Baxtiyorovich – Qarshi muxandislik-iqtisodiyot instituti “Neft va gaz ishi” kafedrasi dotsenti

“ENG FIDOYI USTOZ III” TANLOVINING 3-O‘RIN SOHIBI:

Sattorov Mirvohid Olimovich – Buxoro muhandislik-texnologiya instituti neft-gaz ishi kafedrasi dotsenti

G‘oliblarni “Uzbekistan GTL” MCHJ rahbariyati va ahil jamoasi nomidan samimiy qutlaymiz! Mashaqqatli va sharafli mehnatingizni yuqori baholab, barchangizga sihat-salomatlik, baxtu saodat, faoliyatingizga ulkan muvaffaqiyatlar, xonadoningizga fayzu baraka tilaymiz!

"Uzbekistan GTL" PR xizmati