Bugun TDIU To‘rtko‘l fakultetida «Qaynonam — mening onam» mavzusida davra suhbati o‘tkazildi.

Davra suhbatida fakultetda tahsil olayotgan talaba qizlarning qaynonalari tashrif buyurib, o‘z tajribalari bilan o‘rtoqlashdilar. Kelinlarga o‘qishda yordamchi qaynonalar munosabatini yuqori baholash mumkin. Qaynonalar o‘z kelinlariga bilim olish, kasbga ega bo‘lish va rivojlanishlari uchun qo‘llab-quvvatlashi zarur. Bu, o‘z navbatida, oiladagi muhitni yaxshilash, hamkorlikni kuchaytirish va kelinlarning o‘z mustaqilliklarini oshirishga yordam beradi.

Talaba kelin qizlarimizga o‘qishlari uchun imkoniyat yaratib berayotgan qaynonalar bor ekan, jamiyatimizda ilmli, olima ayollar safi yanada kengayadi.
Kelinlar va qaynonalar o‘rtasidagi moslik hamda ularning hamkorligi oiladagi muhitni yaxshilash va umumiy rivojlanishda muhim ahamiyatga ega.