Mening eng katta maqsadlarimdan biri – rassomlik sohasidagi iqtidorli yoshlar uchun o‘rnak bo‘lish, ularni orzulari sari ilhomlantirish va orqamdan ergashtirish!

San’at – bu iste’dod va mehnat bilan yaratiladigan mo‘jiza. Ko‘plab yoshlar bor, ularning qo‘lida sehr bor, qalbida cheksiz ijodiy parvoz bor. Lekin ba’zan o‘z kuchiga ishonmaydi, ba’zan esa atrofdagilarning qo‘llab-quvvatlashi yetishmaydi. Aynan shu to‘siqlarni yengishga yordam berish – mening maqsadim!

Men istayman: rassomlikka ishtiyoqi baland bolalar o‘zini yo‘qotib qo‘ymasin, iste’dodini yashirmasin, aksincha, undan faxrlansin, rivojlantirsin! Ularning iqtidorini ko‘rgan ota-onalar ham farzandlarini san’at yo‘lida qo‘llab-quvvatlashsin, ularga ishonch bildirishsin. Chunki iste’dodga ishonch berilsa, u mo‘jizalar yaratadi!

Agar mening yo‘lim, mening intilishlarim, erishgan natijalarim birgina yosh iste’dodga ilhom bera olsa, “men ham bunga erisha olaman!” degan ishonchni uyg‘ota olsa – demak, bu yo‘lda yurishim bejiz emas!

Telegram| Instagram