SURXONDARYO FVB

Yurtimizda yoshlar bandligini ta'minlash va ularni vatanparvarlik ruhida tarbiyalashga alohida e'tibor qaratilib kelinyapti. Eng avvalo, bu sohadagi harbiylarni yoshlarga biriktirilganligi qolaversa, mahallabay tamoyili asosida ishlarni tashkillashtirilganligi muhim ahamiyatga ega.

Shu maqsadda, boshqarma boʻlim boshligʻi mayor Sh.Jumayev Oltinsoy tumanida bo'lib, tumanning "Boʻston" mahallasidan biriktirilgan yoshlarning muammolari yuzasidan o'rganish ishlari olib bordi.

Oʻrganish ishlari davomida mas'ullar mahalla yettiligi bilan birga uyma-uy yurib, alohida toifadagi yoshlarni jamiyatda o‘z o‘rnini topishi, ularni kasb-hunarga o‘rgatish va bandligini ta’minlash borasida yuzaga kelayotgan muammo va kamchiliklarni ijobiy yechimi xususida aniq vazifalar belgilandi.


Denov tumani Mirzo Ulugʻbek nomidagi xususiy maktabda Denov tumani Favqulodda vaziyatlar bo‘limi xodimlari tomonidan “Fuqaro muhofazasi oyligi” doirasida profilaktik tadbirlar oʻtkazilmoqda.

Tadbirlar davomida o‘quvchilar bilan yong‘in xavfsizligi, tabiiy va texnogen xususiyatli favqulodda vaziyatlarning oldini olish, shuningdek, favqulodda vaziyatlar yuzaga kelganda to‘g‘ri harakat qilish bo‘yicha profilaktik suhbatlar tashkil etildi.

Mazkur tadbir yosh avlodda xavfsizlik madaniyatini oshirish, ularni vatanparvarlik ruhida tarbiyalash hamda FVB tizimi faoliyati bilan yaqindan tanishtirishga xizmat qilmoqda.