Rossiyalik hakerlar WhatsApp akkauntlariga hujum qildi.
The Moscow Times xabariga ko‘ra, Rossiyaga aloqador Star Blizzard guruhi butun dunyo bo‘ylab vazirlar, amaldorlar va Ukrainaga yordam ko‘rsatish bilan shug‘ullanuvchi tashkilotlar xodimlarining WhatsApp akkauntlariga kirishga uringan.
Microsoft kompaniyasining kiberxavfsizlik bo‘linmasi 2024 yil noyabrida ushbu hujumlarni aniqlagan. Hakerlar fishingning yangi usuli – "kvishing"dan foydalangan. Foydalanuvchilarga AQSh hukumatining vakili nomidan elektron xabarlar yuborilgan va messenjerdagi guruhlarga qo‘shilish uchun QR-kodni skaner qilish so‘ralgan. QR-kod orqali hakerlar WhatsApp akkauntlariga kirish imkoniyatini qo‘lga kiritgan.
Hujumlarning asosiy nishoni diplomatiya va mudofaa sohasidagi amaldorlar, Rossiyaga aloqador xalqaro munosabatlar tadqiqotchilari, Ukrainaga yordam ko‘rsatish bilan shug‘ullanuvchi tashkilotlar xodimlari.
Microsoft vakillari ogohlantirishicha, hakerlar akkauntlardagi shaxsiy xabarlarni qo‘lga kiritishi va ularni maqsadli ravishda ishlatishi mumkin.
2023 yilda Buyuk Britaniya Kiberxavfsizlik milliy markazi Star Blizzard guruhini parlament a’zolari, universitet xodimlari va jurnalistlarga hujum qilishda ayblagan edi. Mazkur guruh Rossiya FXX Axborot xavfsizligi markaziga bo‘ysunadi deb taxmin qilinmoqda.
The Moscow Times xabariga ko‘ra, Rossiyaga aloqador Star Blizzard guruhi butun dunyo bo‘ylab vazirlar, amaldorlar va Ukrainaga yordam ko‘rsatish bilan shug‘ullanuvchi tashkilotlar xodimlarining WhatsApp akkauntlariga kirishga uringan.
Microsoft kompaniyasining kiberxavfsizlik bo‘linmasi 2024 yil noyabrida ushbu hujumlarni aniqlagan. Hakerlar fishingning yangi usuli – "kvishing"dan foydalangan. Foydalanuvchilarga AQSh hukumatining vakili nomidan elektron xabarlar yuborilgan va messenjerdagi guruhlarga qo‘shilish uchun QR-kodni skaner qilish so‘ralgan. QR-kod orqali hakerlar WhatsApp akkauntlariga kirish imkoniyatini qo‘lga kiritgan.
Hujumlarning asosiy nishoni diplomatiya va mudofaa sohasidagi amaldorlar, Rossiyaga aloqador xalqaro munosabatlar tadqiqotchilari, Ukrainaga yordam ko‘rsatish bilan shug‘ullanuvchi tashkilotlar xodimlari.
Microsoft vakillari ogohlantirishicha, hakerlar akkauntlardagi shaxsiy xabarlarni qo‘lga kiritishi va ularni maqsadli ravishda ishlatishi mumkin.
2023 yilda Buyuk Britaniya Kiberxavfsizlik milliy markazi Star Blizzard guruhini parlament a’zolari, universitet xodimlari va jurnalistlarga hujum qilishda ayblagan edi. Mazkur guruh Rossiya FXX Axborot xavfsizligi markaziga bo‘ysunadi deb taxmin qilinmoqda.