Bir necha kun avval ayol kishi ham pul ishlashi, o'zini karyera bo'yicha planlari bo'lishi kerakligi haqida yozgandim. Ko'pchilik ayol kishi avval uyini, erini eplasin, eri boqsin degan ma'noda fikr bildirishdi.
Bunaqa fikrni to'g'ri tushunaman. Menam universitet birinchi yilimda o'qib, ishlab charchagan holatimda "Erga tegsam umuman ishlamayman" deb xotirjamlikka berilganman. Ishlash =pul topish deb tushunardim o'sha paytlarda.
Lekin ishlash faqatgina pul uchun emas ekan. Sen ishlasang, odamlarni ko'rasan, o'rganasan. Hayotga qarashing, kutuving o'zgaradi. Nimagadir erishib o'zingga ishonching ortadi. Xullas, hech bo'masa kuniga 2 soatgina uydan online ishlab ham zo'r pul topa oladigan bo'lishi kerak ekan ayol kishi.
Bolang qachondir maktabga chiqadi, uylanadi, uniyam o'z hayoti bo'ladi, erku doim o'zini rejasi, tashvishlari bilan hayoli asosan band yuradi. Seni qo'ling ishda bo'lsa ham miyang bo'sh va keraksiz narsalarni o'ylab topasan. Xunikman, boshqasini topib oladi, qaynonam yomon, hayot beshavqat...
Ilm olaman uyda desang, shuncha bilim yig'ib, kimgadir o'rgatmasang, hayotda tadbiq qilmasang, nima kerak? Bolamga o'rgataman desang, bolang hamma narsani ko'chada eng zo'r o'qituvchidan o'rgansin. Men bolani o'qitmaylik demayman, lekin bolam Ingliz tilini masalan o'rtoqlari bilan birga o'zini 100% ochib beroladigan, begona muhitda o'rgansin derdim men.
Menga kuniga yozishadi qizlar, online ishga oling, erimni o'zi ishlaydi, bolamga kiyimgayam qiynalamiz deb. Men kursimni faqat bir dona odamga bepul beraman desam menga 40-50 kishi yozadi. Shu kursga to'lashga ham pulim yo'q, dekretdaman, erim bermaydi yoki so'ragani uyalaman, lekin rivojlanmoqchiman deb. Men hammani tushunaman. His qilaman.
Lekin hozirgi butun dunyoda iqtisodiy krizis bo'layotgan paytda hayotga real qarab, faqatgina er davlat Ishida ishlab, qanaqadir siz kutgan gullaaar, mana seni kursingga, mana sani kiyimingga deb berolmasligini tushuning. Hozir qizlar qanaqadir real vaziyatni ko'rmasdan, shaxsiy o'zini firmasi bor, oyiga bemalol 20-30 ming dollor topib, chet ellarga op ketadigan yigit xohlashadi.
Albatta xohlang, duo qiling. Lekin o'zingiz shunga yarasha bo'ling. Siz o'zingizni sohangizda erga tekkunchayam zo'r professional bo'ling. Tanish bilish ko'p bo'sin. Siz ish qidirmang, sizni ish beruvchilar yalinib chaqirsin. Siz ishni tanlab tanlab kiring. Siz ishlagan joyizda haydamasin deb tilingiz qisiq emas, xohlagan joydan bemalol ish topa oladigan bilimingiz borligi uchun xotirjam bo'ling. Qo'rqmang.
Sizga imkoniyat eshiklari ochiq bo'lsin. Bu uchun nima qilish kerak? Harakat qilish kerak. Birovni hayotiga burnini tiqmasdan, hamma o'ynab, yigiti bilan yuuurib, uxlayotganda o'qish kerak, networking qilish kerak, zo'r g'oyalar o'ylash kerak, man nima qila olaman deyish kerak, kuchli tomonini topib, rivojlantirish kerak.
Bu juddayam qiyin. Buni qiyinchiligiga hammayam chidolmaydi. Bu o'zing bilan o'zing kurash. O'zini ustida doimo ishlaydigan insonlarni judayam xurmat qilaman. Hech qachon birovdan yordam kutmang. Sog'lommisiz, miyangiz ishlaydimi, o'zingiz uchun harakat qiling.
Natijasi darrov bilinmaydi. Lekin natijasi bilinganda o'zingiz ham shoshib qolasiz😍
Xurmatli qizlar, atrofda hech kimga e'tibor bermay, fokusni to'liq o'zingizga qaratib, turmush qurguncha bilim, tanishlar, tajriba, dunyoqarash beton qilib keyin turmush o'rtoq tanlang.
Universitet faqat va faqat o'zingiz uchun sarflaydigan yagona payt. Keyin bola, er, uy, ovqatdan vaqtingiz qolsa keyin o'qiysiz.
Sevgi muhabbat ham qiziq narsa. Bu narsaga qiziqish ham normal, lekin bu sizni o'sishingizga xalaqit bermasin. Kuningiz 100% o'sha inson bilan, rejangiz, fikringiz, hayolingiz, hayotingiz 100% u insondan iborat bo'lmasin. U bilan gaplashib yanayam hayotga umidingiz uyg'onadigan bo'lsin, urishib, mayda chuyda siqilishdan emas.
Siz nima deb o'ylaysiz?
@Sojida_Karimova
