Тепа калга тегаман 🤗

(Хазил)

Секин бошим эгаман
Сирим айтсам,нега ман
Нима бўлса,бўлди деб
Тепа калга тегаман 🙈

Боши тўлла ақли бор
Чўнтагида нақди бор
Мени олса бахти бор
Тепа калга тегаман 😉

Сартарошга кирмайди
Тароқ нима, билмайди
Бошқачаси бўлмайди
Тепа калга тегаман 😄

Ялтиллайди бошлари
Шайдо қилар қошлари
Фарқида йўқ ёшлари
Тепа калга тегаман 🫣

Сочга шампон кетмайди
Мақтов гаплар етмайди
Сочи борлар ўтмайди
Тепа калга тегаман 😅

Қанча ошиқ бўлса хам
Йўлимда зор турса ҳам
Уларга қилсин алам
Тепа калга тегаман 😇

Соч ўрнида,нур ёғар
Кўрган ақилдан оғар
Кўнглим шу томон боқар
Тепа калга тегаман 😍

Сочим йўқ деб ўкинмас
Ортиқча соч тўкилмас
Ха деганда бош ювмас
Тепа калга тегаман 😜

Хар ерда иззати бор
Бошқача хислати бор
Қор, ёмғирлар қилмас кор
Тепа калга тегаман 🤫

Айтаверсам гаплар кўп
Сочи борлар,турманг тўп
Таниш бўлса айтинг хоп..
Тепа калга тегаман 🤗

БАРЧИНОЙ ЙЎЛДОШЕВА.