#farzand_tarbiyasi
#men_anglagan_dunyo
Har bir ota-ona farzandini yetuk shaxs sifatida kamol topishini istaydi va shu yo'lda qo'lidan kelganicha harakat qiladi. Kuchini, pulini, g'ayratini shu maqsadda sarflaydi. Ammo ayrim masalalar borki, bu ularning yo‘liga to‘g‘anoq bo‘lishi mumkin:
▫️
Bolaning o‘qishga qiziqishi va xohishi yo‘qligi Balki u sport yoki san'at vakili bo‘lishni xohlar? Diplom bugun hamma narsani hal qilavermayapti, asosiysi soft skillar, oʻz sohasida tajribaga ega boʻlishi. Bitta misol You tubeda foodblogger
shef povar Nishonovni kim taniydi? Ha unda diplom yoʻq lekin oʻz sohasining experti sal kam 2 mln auditoriyaga ega. Kasbi orqasidan yetarlicha mashxur va daromadga ham ega.
▫️
Ota-ona tarafdan bolaning baholari va o'qishiga nisbatan talablar yuqoriligi uchun bolada bosimning ortishi va hech narsaga qiziqmay qo‘yishi Qattiqqoʻllik va halimlik orasida me'yorni unutmaslik kerak.
Kichik yutuqlarini ham olqishlab turish kerak. Katta narsa kutmang.
▫️
Bola xato qilib ko'rishiga yo'l qo'ymasdan hamma narsani mukammal bajarishini kutish (perfeksionizm va "a'lochi qiz" sindromi shakllanishi natijasida bolaning asl shaxsiyati yo'qolishiga olib keladi) insonni xatokor sifati bilan Alloh Qurʼonda taʼkidlaganini, xato qilish ham normal holat ekanligini, mukammal inson yoʻqligini hamma ham xato qilib oʻrganishini tushuntirish muhim.
Qolaversa, xatolardan toʻgʻri xulosa chiqarishni bir xatoni qayta-qayta takrorlamasligini nazorat qilib turish kerak.
Yana eng muhim jihati bir psixolog dugonam Shahzoda aytganlaridek
bolaga joʻrtaga sunʼiy magʻlubiyatlar yaratib turish kerak, kichik musobaqalar(shaxmat-shashka, yugurish)da yutqazishi kerak, bu katta haqiqiy hayotda yutqazganida, yiqilganida qayta oyoqqa tura olish tajribasini beradi.
Yaʼni magʻlubiyat hissini ham yashab oʻtishiga imkon berishimiz kerak.
Baʼzan menda ham perfeksionistligim tutib: "vay Muhsinahon chiroyli yozmabsanda, oʻchirib boshqatdan yozasanmi?" desam,
"macht nichts" deb ketadi.
Perfeksionistligimga bir tarsaki tushirgandek boʻladi bu gap:
"hech narsa qilmaydi!"
▫️Yana farzand tarbiyasida eng muhim narsa bu
avlodlar toʻqnashuvi! Bizni bolalik davrimiz bilan hozirgi davr butunlay boshqacha. Ikkisini hadeb solishtirish, men sendayligimda unday edim, bunday edim deb iddaolar qilish yoki aksincha bolani ayovsiz tanqid qilib, sen kimga oʻxshading-a, men hech bunaqa qilmasdim," deyish bolaga juda katta bosim beradi...
Xulosa sifatida aytish mumkinki, bola tarbiyalashning muayyan qolipi yoʻq, chunki har bir bola oʻziga xos. Shunday ekan farzand tarbiyalash ilmini oʻrganaveraveramiz, ulugʻlar hayotidan ibratlar olamizda, har bir bolaga individual tarzda yondoshamiz.
Eng asosiysi Allohga bu borada yordam va madad soʻrab duolar qilamiz. Chunki Oʻzi yaratgan bandasini Oʻzidan boshqa hech kim mukammal tabiyakunandasi boʻlolmaydi.
Assalomu alaykum va rahmatullohi va barokatuh.
13.01.2025 Myunxen, Germaniya
©
Gulnigor Neʼmatjon qizi 🪻
@Binafsha_ifori
