Samarqand sadosi

#Ibrat

TARBIYADA NIMA MUHIM?

  Bu haqda qancha ko‘p yozmaylik, qancha ko‘p gapirmaylik, ma’qul natijaga erisha olmayapmiz. Nazarimda, bolaga uyda tarbiya berishdan sal uzoqlashayotganga o‘xshaymiz.              
  E’tiroz  bildirishga shoshilmang.
  Bolamizni yetkalab borib, unga noma’qul harakati yoki fanni o‘zlashtirishdagi sustligi uchun dakki bergan muallim bilan janjal qilamiz. Go‘daklarni jamoaga o‘rganishi, muomalani o‘zlashtirishi uchun emas, ko‘pincha ishga borishimizda xalaqit bermasligi uchun bolalar bog‘chasiga beramiz. O‘g‘il-qizimizni yetaklab, yo‘lning taqiqlangan qismidan ham o‘tib ketaveramiz. Er-xotin farzandlar ko‘z o‘ngida nizolashadi, boshqalarni g‘iybat qiladi. Uyga kirgach, kiyimlarni yechib, pala-partish tashlaymiz, ovqat yegandan so‘ng idish-tovoq ancha vaqt yuvilmaydi. Bolalarni iloji boricha bog‘cha yoki maktabga mashinada olib boramiz, ularni oddiylik xislatidan mahrum qilamiz. Ular yutuqqa erishganda esa, kitob o‘rniga qimmatbaho telefon yoki libos sovg‘a qilamiz va shu orqali ularni xudbinlikka o‘rgatamiz.
   Bu fikrni inkor etuvchilar bor,albatta. Chunki ayrim oilalarda tarbiya yaxshi yo‘lga qo‘yilgan, lekin ular safimizning qancha foizini tashkil etadi?
   Qayta-qayta aytishimizga, ilmiy, badiiy adabiyotlarda yozishimizga qaramasdan odob, muomala madaniyati, umuman axloq oilada shakllanishini ota-onalar gardaniga qo‘ya olmayapmiz. Maktab tarbiyali bolaga ta’lim berishi kerakligini tushuntira olmayapmiz. "Bola aziz, odobi undan ham aziz" degan xalq maqoli saboq bo‘lmayapti. Buning ustiga, ayrim ota-onalar farzand oldidagi burchini yaxshi bajara olmayotganini tan olgisi kelmayapti. Ular bu ishni bog‘cha, maktab, oliy o‘quv yurti va jamoatchilik gardaniga tashlab qutilishayapti.
   Insonning komilligi faqat ilm bilan. Allomalar ham aynan shu gapni aytishgan. Biroq  bolada bilim olishga ishtiyoq faqat oilada shakllanishini unutib qo‘ydik. Bu ishni ham maktab, tag‘in nufuzli maktab gardaniga tashlayapmiz.
   Ochig‘i, kamina maktabda o‘qitish sifatining o‘rnini tan olgan holda ko‘proq bolani ana shu maskanga tayyorlash to‘g‘risida ko‘nglimdagi gapni aytdim.
   Demoqchimanki, tarbiyada pandu nasihat emas, balki shaxsiy ibrat muhim. Ming afsuski, biz bunga erisha olmayapmiz. Siz nima deysiz?

©Farmon Toshev
  
🔰Bizni ijtimoiy tarmoqlarda kuzating:
Telegram | Facebook | Instagram | You Tube

Mart oyi dayjesti

“Yurtim tarixi” loyihasining ilk soni Samarqand viloyatinining janubiy tumanlarini suv bilan taʼminlovchi Dargʻom kanali haqida tasvirga olindi;

Pastdargʻom tumanidagi 52-umumtaʼlim maktabida Respublika Maʼnaviyat va maʼrifat markazi tuman boʻlinmasi, tuman Axborot-kutubxona markazi hamda taʼlim muassasasi hamkorligida "Kitob yarmarkasi" tashkil etildi;

Kattaqo‘rg‘on tuman Maktabgacha va maktab ta’limi bo‘limiga qarashli 17-, 18-, 19-, 20-umumta’lim maktablarida kitob yarmarkalari tashkil etildi;

Viloyatdagi Qoʻshrabot, Ishtixon, Paxtachi va qolgan tuman-shaharlarda "Obod xonadon", "Obod koʻcha" va "Obod mahalla" koʻrik tanlovi boʻlib oʻtdi;

A.S.Pushkin nomidagi Samarqand viloyati Axborot-kutubxona markazida "Yoshlar! Yurtning umidi yolg‘iz sizgadir!" nomli, shoir, publitsist va ma’rifatparvar Hoji Muin Shukrullo oʻgʻli tavalludiga bagʻishlangan ma’naviy-ma’rifiy tadbir o‘tkazildi;

Maʼnaviy-maʼrifiy ishlar samaradorligini oshirish yuzasidan korxona, tashkilot va muassasalarda amalga oshirilayotgan tashkiliy-amaliy ishlar holatini oʻrganish boʻyicha viloyat Ishchi guruhi “Ipak yo‘li” turizm va madaniy meros xalqaro universiteti hamda viloyat Sog‘liqni saqlash boshqarmasi, viloyat Davlat Soliq boshqarmasi, Sanitariya-epidemiologik osoyishtalik va jamoat salomatligi qo‘mitasining Samarqand viloyati boshqarmasida boʻlishdi;

Markaziy harbiy okrug Samarqand garnizoni Maʼnaviyat va maʼrifat markazi orkest jamoasi va Kichik mutaxassislarni tayyorlash markazi harbiy xizmatchilari hamda Respublika Maʼnaviyat va maʼrifat markazi Samarqand viloyati boʻlimi bilan hamkorlikda "Qadriyatlaring boqiy boʻlsin, Navroʻz!" shiori asosida temiryoʻl vokzalida madaniy-maʼrifiy tadbir oʻtkazildi;

Urgut tumani chegara oldi hududida joylashgan Murodqishloq mahallasidagi 71-umumta’lim maktabida "Buyuk kelajakni birga quramiz", "Doʻstlik bilan obod uyimiz" shiorlari ostida "Doʻstlik festivali" bayram tantanalari boʻlib oʻtdi.

🔰Bizni ijtimoiy tarmoqlarda kuzating:
Telegram | Facebook | Instagram | You Tube