Samarqand_LIVE – Юзинг қийшиқ бўлса ойнадан ўпкалама!

Ит кийикдан"Нега мендан доим ўзиб кетасан?"дея сўради. Кийик жавоб қилди: "Чунки мен ўзим учун чопаман, сен хўжанг учун".

Ҳақиқат учун кийик бўла олмасангиз, лоақал ноҳақлик учун ит бўлиб олманг!

✅ @Samarqand_live

Мастлиги учун жавобгарликка тортилган ҳайдовчи суд ишида ютиб чиқди

Спиртли ичимлик истеъмол қилиб автомашина бошқаргани учун жавобгарликка тортилган фуқарога оид иш Олий судда тугатилди.

Аниқроғи, унинг ҳаракатларида ҳуқуқбузарлик аломатли мавжуд эмас, деб топилди.

Нега?...

Шу йил 15 январда "М" исмли фуқаро жиноят ишлари бўйича Булунғур туман судининг қарори билан Маъмурий жавобгарлик тўғрисидаги кодекс 131-моддасининг 1-қисми билан жавобгарликка тортилган. Аниқроғи, фуқаро алкоголли ичимликдан маст ҳолда транспорт воситасини бошқарганлиги учун унга нисбатан 1 йилу 6 ой муддатга транспорт воситасини бошқариш ҳуқуқидан маҳрум қилиниб, базавий ҳисоблаш миқдорининг 25 баравари, яъни 8,5 миллион сўм жарима белгиланган.

Қарор Самарқанд вилоят суди жиноят ишлари бўйича судлов ҳайъати апелляция инстанциясида ўзгаришсиз қолдирилган.

Маъмурий жавобгарлик тўғрисидаги кодекснинг 307-моддасига кўра, маъмурий ҳуқуқбузарлик тўғрисидаги ишни кўриб чиқиш вақтида тегишли орган (мансабдор шахс) маъмурий ҳуқуқбузарлик содир этилган ё этилмаганлигини, ҳуқуқбузарлик содир этилган вақт ва жойни, мазкур шахс уни содир этишда айбдор-айбдор эмаслигини, шунингдек, ишни тўғри ҳал этишда аҳамиятга молик бошқа ҳолатларни аниқлаши шарт.

Бироқ, судлар ишни кўриб чиқишда юқорида қайд этилган Қонун талабини бажармаган. Жумладан, ИИБ ЙҲХБ ЙПХ инспектори расмийлаштирган баённомасида, транспорт воситаси тўхтатиб текширилганида, ҳайдовчи спиртли ичимлик истеъмол қилгани аниқлангани кўрсатилган бўлса-да, иш ҳолатига кўра транспорт воситаси йўлда тўхтатиб текширилмаган, балки транспорт воситаси "М" нинг уйини олдида бўлган ва ЙҲХБ ходимлари уни уйидан олиб чиқиб текширишган.

Иш ҳужжатларига илова қилинган видеоёзувларда ҳам транспорт воситаси "М" нинг уйини олдида тургани ва ЙҲХБ ходимлари "М" ни уйидан олиб чиққани акс эттирилган.

Шунингдек, ИИБ ЙҲХБнинг ёзма маълумотида, ЙҲХБ ЙПХ инспекторига бириктирилган “body camera” хотирасида 2023 йил 8 декабрга тааллуқли видеотасвирлар мавжуд эмаслиги маълум бўлган.

Маъмурий жавобгарлик тўғрисидаги кодекс 131-моддасида транспорт воситаларини маст ҳолда бошқарганлик учун жавобгарлик белгиланган бўлиб, иш материалларида "М" нинг транспорт воситасини маст ҳолда бошқарганини тасдиқловчи бирор-бир далил мавжуд эмас.

Юқоридагиларга кўра, Олий суд Жиноят ишлари бўйича судлов ҳайъати тафтиш инстанциясининг 2024 йил 19 апрелдаги қарори билан суд қарорлари бекор қилиниб, "М" нинг ҳаракатларида ҳуқуқбузарлик аломати мавжуд эмаслиги сабабли, унга оид маъмурий иш тугатилган.

Zarnews

✅ @Samarqand_live

#савол_жавоб
❗️МАЪМУРИЙ ЖАРИМАГА ТУШГАН ҲАЙДОВЧИГА ҚАНДАЙ ҲОЛЛАРДА 30 ЁКИ 50 ФОИЗЛИК ИМТИЁЗ БЕРИЛМАЙДИ ?

⚡️САВОЛ;
Мен яқинда автомашинамда жаримага тушган эдим. Мен менга қўлланган жаримани 15 кун ўтмасдан ярмини тўладим, лекин менга 50 фоизлик чегирма берилмади. Энди яна қолган ярмини тўлашим керакми. Ўзи қандай ҳолларда бундай бўлиши мумкин ?

⚡️ЖАВОБ;
МЖтКнинг 332-прим 1-моддасига асосан, жарима солиш тўғрисидаги қарорни ижро этишнинг соддалаштирилган (Яъни, жаримани 15 кунда тўласа 50, ўттиз кунда тўланса 30 фоизлик чегирма билан тўлаш)тартиби қуйидаги ҳолларда қўлланилмайди:

➖ 1) транспорт воситасини алкоголли ичимлик, гиёванд модда ёки ўзгача тарзда маст ҳолда бошқарганда;

➖ 2) Кема ҳайдовчилари кичик ҳажмдаги кемаларни алкоголли ичимлик ёки гиёванд модда таъсиридан маст ҳолдаги шахсларга топширганда ёки унинг ўзи шундай ҳолатда бошқарганда;

➖ 3) Транспорт воситалари ҳайдовчилари алкоголли ичимлик ёки гиёванд модда таъсиридан маст ёки маст эмаслигини белгиланган тартибда аниқлаш учун текширувдан ўтишдан бўйин товлаганда;

➖ 4) Алкоголли ичимлик ёки гиёванд модда таъсиридан маст бўлган ҳайдовчиларнинг ёки транспорт воситаларини бошқариш ҳуқуқи бўлмаган шахсларнинг транспорт воситаларини бошқаришига йўл қўйилганда;

➖ 5) жарима солиш тўғрисидаги қарор устидан шикоят қилинганда ёки протест билдирилганда;

➖ 6) худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда.

✏️ Кўрсатиб ўтилган манашу ҳолатлардан бири Сизда кузатилган бўлса, демак шу сабаб билан Сизга 50 фоизлик чегирма қўлланмаган бўлиши мумкин.

✅ @Samarqand_live