M-Mehr!

❤️U ovqat suzayotganida qattiq charchagandi his qildi. "Qornim ochdi, shekili"- deb oʻyladi.

Taomni suzib keldi.
Qaynotasi "Tuzi past boʻlibdi" desa, qaynonasi "Yaxshi qaynamabdi" - dedi.
Dili ogʻridi. 🥹

Bir koʻngli "Dasturxonga qoʻyilgan ovqatni maqtab yeyish sunnat" , deb aytay dediyu, tiliga chiqarmadi.
-Uzr oyijon, uzr dadajon,- dedi.

😕Indamay, bolalarini ovqatlantirdi. Idish tovoqlarni yuvdi. Bolalari yoyib tashlagan oʻtinchoqlarni yodi. Qoni kamayganmi holsizlandi. Ertaga 6 soat darsi bor. Bir talay daftar tekshirishi kerak hali. Bolalarini ertak aytib uhlatdi.

🫥Daftarlarni tekshirayotib , koʻzi yumilay dedi. Kimdir yelkasiga koʻrpa tashlaganini his qildi. Koʻzini ochdi . Eri kelibdi.

Assalomu alaykum, qachon keldingiz?
Ovqat tayyorlaymi- soʻradi u.
-Charchabsan- a? Oʻzim suzib yeyman. Sen biroz dam ol.
- Yoʻgʻe-ye, oʻzim,
- oshxonaga yurdi u.
-Qoʻling shirin,ovqatlaring biram mazali. Hech qaysi restoranda bu mazani topolmayman.

Ayolning koʻngli yorishdi. Ishtaxa bilan ovqatlanayotgan turmush oʻrtogʻiga tikilib, charchoqlari ham tarqab ketganini his qildi. Kun boyi tinmagan, horigan vujudiga bir chimdim mehr orqali bir dunyo quvvat kirib kelgandi... 🥰