Oylikka ishlaymi yoki o'z biznesimni boshlaymi?
Har bir kadrning xayolidan qachondir o'tadigan savol

Kel bir narsaga kelishib olaylik. Tayyor ishlab turgan joyni hali ochilmagan biznes uchun tashlab ketish axmoqlik. Bunday qilish uchun senda 2ta narsadan biri bo'lishi kerak:
1. 6 oy bemalol yashashing uchun mablag'
2. Oz moz daromad keltirib turgan biznes

-Maoshim bir oyga ham yetib bormaydi-ku? 6 oylikni umuman yig'a olmayman.

Unda hali tadbirkor bo'lishni o’ylamay tur. Uzr. Ishxonangda o'zingni ko'rsatib daromading (lavoziming)ni oshir va pul tejashni o'rgan(bu tadbirkorlikda ham kerak bo'ladi).

Endi savolga javob beramiz. Agar ishxonanda har kun(hafta, oy) biror yangilik olayotgan bo'lsang, unda oylikka ishlasang ham bo’ladi. Ya'ni seni boshlig'ing senga puldan tashqari yana biron nima bera olishi kerak (motivatsiya, bilim, tajriba, hikmat, tanish-bilish, fikrlash), chunki umr(yoshlik) faqat pulga almashinishga arzimaydi.

Bundan yana bir princip kelib chiqadi, ishga joylashayotganingda oyligi eng yaxshisini emas, eng ko'p narsa o'rganish kerak bo'ladigan pozitsiyani tanla.

Xulosa: Bir sohani tanlaysan. Shu sohada seni o'stiradigan kompaniyada ishlab, o'zingni(kompaniyani ham) rivojlantirasan. Vijdonan ishlasang va Alloh nasib qilsa direktor (yoki xo'jayin) darajasiga chiqasan. Chiqsang shu yerda to'xtaymiz. Chiqmasang toki seni o'stiradigan tashkilot qolmaguncha oylikka ishlab chiqasan hammasida.

Sen o'rganadigan narsa qolmadimi? Tabriklayman! O'z ishingni boshlayver!

🔥@RobertKiosaki