#Ҳадис_1306📘

Ибн Аббос розияллоҳу анҳудан ривоят қилинади:
«Набий соллаллоҳу алайҳи васаллам: «Ким икки мусулмондан бўлган етимни тутиб таом ва шароб берса, албатта, Аллоҳ уни жаннатга киритади. Кечирилмайдиган гуноҳ қилган бўлсагина, бундан мустасно», дедилар».

✍(Имом Термизий ривоят қилган)

Шарҳ

🔶Мусулмон ота-онадан қолган етимни риоясини қилиш қанчалик улуғ ишлигини ушбу ҳадиси шарифдан билиб оламиз.
🔷Етимга озиқ-овқат беришнинг ўзи қанчалар савобли иш эканини кўринг.
🔶Ундай одамни Аллоҳ албатта, жаннатга киритар экан. Аммо бу ерда жуда нозик бир иш бор.
🔷 Ҳадиси шарифда етимга таом ва шароб берган одамни Аллоҳ албатта жаннатга киритиши ҳақидаги гапдан сўнг «Кечирилмайдиган гуноҳ қилган бўлса,ина бундан мустасно», дейилмоқда.
🔶Демак, кечирилмайдиган гуноҳ қилган одам жаннат ваъдаси берилган ишни қилган чоғида ҳам унга кирмай қолиши бор экан.
🔷 Баъзи кишилар шунга ўхшаш жаннат ваъда қилинган бирор ишни қилиб қўйиб, жаннатнинг калити ўзининг чўнтагида деган ҳисобга берилади.
🔶Гуноҳ ишларни қилишга баҳона топади.
🔷Аслида эса, кишининг жаннатга кириши умрида қилган барча амалларининг сарҳисобидан сўнг аѐн бўлади.
🔶Одам боласи балоғат ѐшига етганидан бошлаб, турли ишларни қилган бўлади.
🔷Кўплаб жаннат ваъда қилинган ишларни амалга оширади.
🔶Шунингдек, дўзах ваъда қилинган ишлари ҳам йўқ эмас.
🔷Қиѐматда ҳаммаси ҳисоб-китоб қилинади ва шундан сўнггина натижа эълон қилинади.

@HADISLAR_TOPLAMIII📚