🌺🌺🌺
Осудани кундалиги.
-Қаёққа?,- деди Амир кийинаётганимни кўриб.
-Қишлоққа қайтишим керак.
-Бу гап қаердан чиқди?-Амирни қовоғи уйилди.
- Бугун шу ерда қолмасак керак. Холам сўмкамни уйга олиб борган бўлса керак.  Онам хавотир олади.
-Қўнғироқ қиламиз.
- Нима деб,- Амир ушлаб олган қўлимни бўшатиб олдим,- нима ўзгарди?
-Семирибсан- деди Амир тиржайиб.
- Амир жиддий айтяпман. Энди нима қиламиз?
-Сени бу ердан олиб кетаман.
-Кейинчи? Кимни ҳисобидан яшаймиз?
- Бу сени ташвишинг эмас.
- Нега? Ахир яқинда 3 та бўламиз. Хотинингиз сифатида қандай яшашни билишга ҳаққим бор.
- Хўш аввалгидек бой бўлмасам нима қиласан?
   Амир мени унга бўлган ҳисларимдан иккиланяпти.
- Менга пулингизни аҳамияти йўқ. Шунчаки келажакдаги режаларингизни билмоқчиман.
-Режаларим катта,- Амир ҳам устига палтосини илди. Кўзгу олдида ўзини тартибга келтириб гапида давом этди,- дадамни бизнесига қизиқмайман. ИТ центер очмоқчиман. Бир иккита шу соҳани одамларидан танишларим бор. Ўзимни ҳам билимим кам эмасу, яна ўрганадиган нарсаларим бор. Кейин улар билан иш бошлайман.
-Ҳиммм,- дедим уни ўзига оро бериши ёқмай,- балки кетармиз. Бўлмаса кўзгу ҳасаддан ёрилиб кетади.
- Бу нима деганинг, заҳар,- Амир кулиб мени қўлтиқлаб олди.
-Тезроқ юринг.
  Йўлда Амир режаларини яна ҳам мукаммал тушинтириб кетар экан, ҳозир ҳаммаси туш бўлиб уйғониб кетишдан қўрқар эдим.
-Уйга кирмайсизми?
-Билмадим. Сен аввал уйдагиларинг билан гаплашиб олсанг, эрта олиб кетгани келганимда кирарман.
-Эрта олиб кетасизми?- дедим бирдан чўчиб.
-Ҳа. Байрамни ўз уйимизда кутиб оламиз.
    Амирга қараб  кетгим келса, уйимдан кўнгил ҳам узгим келмасди. Аммо ярашиб кетишимдан ҳамма хурсанд бўлиши аниқ. Охирги гаплардан кейин уйдагиларим гап-сўздан кўчага чиқолмай қолганди.
-Майли,- дедим ўйчан.
-Бўпти эрта  келаман.
-Бугун қаерда қоласиз?
-Аммамникида.
-Майли эҳтиёт бўлинг.
   Амирни кетгиси йўқ менга қараб қолди.
-Балки ҳозир кетармиз.
-Эрта,- дедим кулиб машинасига ўтиришга мажбур қилиб. Шу пайт кўчамизни "ГАИ" холаларидан бири Муқаддас хола ўтиб қолди.
-Ҳа, Осуда яхшимисан,- Муқаддас хола энди аниқлик киритмаси кетмайди.
-Яхши раҳмат. Ўзингиз яхшими?
-Ассалом-у алайкўм хола,- Амир машинасига миниш ўрнига хола билан сўрашиб қолди. Мени эрим эканини кўрсатиб қўймоқчи.
-Ваалайкўм ассалом. Сен бола Осудани эримисан?
-Эслаб қолган экансизда хола.
-Ҳа, мен ўзим қари кўринсам ҳам ҳамма нарсани эслаб қоламан.
-Эй қаримассиз хола.
-Ҳа-ҳа-ҳа. Ҳа байрам олди бир йўқлаб кетай дедингизми?
-Бўлди йўқлаш тугади олиб кетгани келдим. 
-Ҳаааа.
-Катта бўлиб уйингга бор эринг соғингандир  деб уришиб қўймабсизда,- Амирни жағи очилди. Бир ҳазил бошласа тугамайди.
-Амир кетмоқчи эдингиз?- дедим қошимни чимириб.
-Кўрдингизми келмасимдан кет дейди.
   Ана энди холани чакаги очилади деб кутгандим ҳар қалай бизни овозимизни эшитиб онам ва холам чиқди.
-Ассалом-у алайкўм,- Амир менга бир қараб улар томон юрди. Қўлга тушган ошиқ болага ўхшаб кетди ҳозир у.
  Онам бечора қуюқ сўрашди. Қайтиб келган қизини эри сўраб келган онадан яна нима кутиш мумкин. Юз кўзида ҳадик.
-Уйга киринг.
-Бугун зарур ишларим бор эди. Эрта бафуржа ўтирармиз.
-Ҳааа.
-Сиз бораверинг,- деди Амирни бу вазиятдан қутқариш учун.
- Майли эртагача,- Амир уйимдагилар билан ҳам хайрлашиб машинасига минди. Кетар олди "гаи" холасига ҳам қўл силкиб кетди.
   У кетгач холам ва онам мени қўлтиғимдан олиб уйга олиб кириб саволга тутишди.
-Олиб кетгани келибдими?
-Ҳа.
- Нега келгандинг ўзи?
- Эй сўраманглар шуни.
-Қачон олиб кетар экан?
-Эртага келаман деди-ку.
-Унда эрта мактабдан келиб олиб кецин айт.
-Эрта бормаймиз деётгандингиз-ку?
-Директор рухсат бермади. Борар эканмиз. Кетганингдан кейин ҳам роса гап-сўзни тагида қолдинг. Анави Ширин ҳалиям тилини тийгани йўқ.