Халықаралық хирургиялық топары Аралбойы регионында 300 жәрдемге мүтәж наўқасқа бийпул операциялар өткереди
Усы күнлерде Денсаўлықты сақлаў министрлиги тәрепинен елимиз бойлап «Саўалландырыў айлығы» өткерилмекте.
Оның шеңберинде социаллық қорғаўға мүтәж, кәмбағаллық реестрине киргизилген халық арасында кеселликлерди ерте анықлаў ҳәм наўқасларды жасаў аймағының өзинде мәмлекет есабынан саўалландырыў илажлары көрилмекте.
Бул акцияда Кувейт мәмлекетиниң «Ал-амал» халықаралық хирургиялық топары да өзиниң гуманитарлық миссиясы менен қатнаспақта. Бул - еки мәмлекет басшылары тәрепинен жолға қойылған ҳәм барған сайын беккемленип атырған өз-ара дослық бирге ислесиў байланысларының әмелий нәтийжеси болып есапланады.
Елимизге келген 40 тан аслам ең тәжирийбели сырт ел қәнигелери Нөкис қаласына жетип келди.«Ал-амал» халықаралық хирургиялық топары
бир ҳәпте даўамында Қарақалпақстан Республикасында болады.
Усы тийкарда Аралбойы регионында жайласқан район ҳәм қалаларда социаллық қорғаў реестрине киргизилген, соның ишинде, жоқары технологиялық хирургиялық әмелият өткериўге мүтәж 300 ге шамалас балалар, ҳаял-қызлар ҳәм ер адамлар саламатлығы беккемленеди.
Атап айтқанда, бул жерде медицинаның онлаған бағдары бойынша қайырқомлық түринде орынланатуғын операциялар Республикалық қыстаўлы жәрдем илимий орайы, Республикалық қәнигелестирилген Кардиология, Онкология ҳәм радиология және Көз микрохирургиясы орайларының регионаллық филиаллары, сондай-ақ, Республикалық көп тармақлы ересеклер ҳәм балалар медицина орайларында өткерилиўи белгиленген.
Буның ушын белгиленген мәнзиллердеги медицина мәкемелеринде зәрүр шараятлар жаратылған.
—
Халқаро жарроҳлик гуруҳи Оролбўйи минтақасида 300 нафар эҳтиёжманд беморда бепул операциялар ўтказади
Шу кунларда Соғлиқни сақлаш вазирлиги томонидан юртимиз бўйлаб “Соғломлаштириш ойлиги” ўтказилмоқда.
Унинг доирасида ижтимоий ҳимояга муҳтож, камбағаллик реестрига киритилган аҳоли орасида касалликларни эрта аниқлаш ва беморларни яшаш ҳудудининг ўзида давлат ҳисобидан соғломлаштириш чорлари кўриляпти.
Ушбу акцияда Қувайт давлатининг “Ал-амал” халқаро жарроҳлик гуруҳи ҳам ўз инсонпарварлик миссияси билан иштирок этмоқда. Бу — икки давлат раҳбарлари томонидан йўлга қўйилган ва тобора мустаҳкамланиб бораётган ўзаро дўстона ҳамкорлик алоқаларининг амалий натижасидир.
Юртимизга ташриф буюрган 40 нафардан зиёд энг малакали хорижлик мутахассислар Нукус шаҳрига етиб келди. “Ал-амал” халқаро жарроҳлик гуруҳи
бир ҳафта мобайнида Қорақалпоғистон Республикасида бўлади.
Шу аснода Оролбўйи минтақасида жойлашган туман ва шаҳарларда ижтимоий ҳимоя реестрига киритилган, шу жумладан, юқори технологик жарроҳлик амалиётини ўтказишга муҳтож 300 нафарга яқин болалар, аёллар ва эркаклар соғломлаштирилади.
Хусусан, бу ерда тиббиётнинг ўнлаб йўналиши бўйича хайрия тарзида бажариладиган операциялар Республика шошилинч ёрдам илмий маркази, Республика ихтисослаштирилган Кардиология, Онкология ва радиология ҳамда Кўз микрохирургияси марказларининг минтақавий филиаллари, шунингдек, Республика кўп тармоқли катталар ва болалар тиббиёт марказларида ўтказилиши белгиланган.
Бунинг учун белгиланган манзиллардаги тиббиёт муассасаларида зарур шарт-шароитлар яратилган.
Каналға ағза болыў: @joqargikenesWebsite|Telegram|Instagram|Facebook|YouTube