Ey inson! Har kuni sen oynaga qarab, koʻzguga qarab qosh-qovogʻingni, ust-boshingni tuzatganda hech oʻylaganmisan? Insonlar nazargohini tuzatayotganingda hech tafakkur qilganmisan? Allohning nazargohi qanday? Allohning nazargohini ham pardoz-andoz qilish kerak emasmi? Peshonangdan dogʻni yuvganing kabi, yuzingdagi loyni, kirni yuvganing kabi qalbingdagi kirlarni ham yuvishing kerak emasmidi? Bandalarning nazargohini goʻzal qilasan-u, maxluqlarning nazargohiga parvo qilasan-u, Xoliqning nazargohiga nega hech yoʻq bir kunda bir marta nazar solmaysan? Hech yoʻq bir kunda unga bir marotaba bir ehtimom berib, uning kirini ketkazay demaysan? Unga goʻzallik, oliyjanoblik baxsh etay demaysan?!