Olamga Nur Sochgan Oy 🌙

#farzandtarbiyasida_700saboq

Аллоҳ кўриб турибди

Кўп болалар дангаса бўлишади. Айниқса уй вазифаларини тайёрлашга келганда ўзларини уёқ-буёққа ташлаб кунни кеч қилишади. Шу сабаб отам бизни қаттиқ назорат қилардилар. Ишдан қайтишларида қўллари биз ёқтирадиган ширинликлар билан тўла бўларди. Лекин уларни ичимиздан фақатгина вазифаларини тайёрлаб бўлганларимизга берардилар. Агар ким уй вазифаларини охиригача бажармаган бўлса ёки Қуръондан белгиланган оятни ёд олмаган бўлса, ширинликдан қуруқ қоларди. Агар уйқу вақтигача тайёрлаб улгурса, дадам ширинликлардан олишга рухсат берардилар. Лекин эътиборли жиҳати шундаки, дадам бизнинг дафтар, китоб ёки кундаликларимизни қўлларига олиб текширмасдилар. “Тайёрлаб бўлдик” деган гапимизга ишониб ширинликлардан истаганимизча бераверардилар. Аммо ҳар сафар ширинликлардан қўлимизга ҳовучлаб тутқаза туриб “Биламан сизлар мени алдамайсизлар, чунки мени алдасанглар ҳам Аллоҳ кўриб турибди, ростдан ҳам дарсларингиз тайёрми ёки йўқми, Аллоҳ билади” деб қўярдилар. Бизга бу гаплари жиддий таъсир қиларди. Бир-икки марта вазифаларимни чала тайёрлаб ширинликлардан олганман. Кейин кўнглим роса хижил бўлиб юрган. Шунинг учун дарсимизни тўлиқ бажарганимизга ишончимиз комил бўлмагунча дадамнинг олдиларига бормасдик. Чунки биз Аллоҳ бизни кузатиб турганини, рост гапирсак ҳам, ёлғон гапирсак ҳам Аллоҳдан ҳеч нарсани яшира олмаслигимизни билардик. Оддий уй вазифаларида одатланган ишимиз кейинчалик бошқа ишларимизда ҳам риоя қилинадиган хислатга айланди. Бирор ишни ҳали айтилганидек қилиб улгурмаган бўлсак, қилмадик дердик, тамом. Ҳар хил важлар кўрсатиб вазиятдан чиқишга уриниш одати йўқ эди бизда. Инсонда болаликдан “Аллоҳ кўриб турибди, Аллоҳ билиб турибди” деган эътиқод шаклланса, бу нарса уни кўплаб ёмонликлардан, нафсига қул бўлишдан сақлаб қолар экан.

“Фарзанд тарбиясида 700 та сабоқ” китобидан.
©Jaloliddinrumiyy🍃

#mutolaa

Tarix guvoh bo'lgan buyuk hukm

Mahkama. Kotib yigit qo‘mondonni chaqirdi. Qo‘mondon bosh kohin bilan birga qozining oldiga kirdi.

Qozi: "Ha, samarqandlik, da’voying nima?"

Bosh kohin: "Qo‘mondoningiz bizni bosib oldi, Islomga chaqirib, biz o‘z ishimizni o‘ylab olishimiz uchun muhlat bermadi".

Qozi qo‘mondonga qarab dedi: "Bunga nima deysan, ey qo‘mondon?"

Qo‘mondon: "Urush hiyladir. Bu ulkan shahar. Atrofdagi shaharlarda jang qildik, ular na Islomga kirishdi, na jizyani qabul qilishdi".

Qozi: "Ey qo‘mondon, ularni Islom, jizya yoki urushga chaqirdingmi?"

Qo‘mondon: "Yo‘q, aytgan sabablarimga ko‘ra ustlariga bosib kirdik, xolos".

Qozi: "O‘ylaymanki, iqror bo‘lding. Javobgar iqror bo‘lsa, hukm bitadi. Ey qo‘mondon, Alloh bu ummatga din bilan, aldovdan saqlanib, adolatni barpo qilish bilangina nusrat bergan".

Keyin qozi shunday dedi: "Hukm shunday: barcha musulmonlar — hokimu askarlari, erkagu ayol, bola-chaqalari hammasi Samarqand yeridan chiqib ketishsin! Do‘konu hovlilar tark qilinsin! Samarqandda biror kishi qolmasin. Musulmonlar bundan keyin ularga boshidan ogohlantiruv beradilar!"

Kohinlar ko‘rgan-eshitganlariga ishonmay qolishdi. Guvoh ham, dalil ham so‘ralmadi. Muhokama ham bir necha daqiqada tugadi. Ular oldilaridan qozi, yigit va qo‘mondonning qaytib o‘tib ketishganini ham bilmay qolishdi.

Bir payt Samarqand ahli shovqin-suron ko‘tarilganini, to‘s-to‘polonni eshitishdi. Hamma yoq chang-to‘zon, havodagi g‘uborlar ostida bayroqlar hilpirar edi. Ular nima bo‘layotganini so‘rashgan edi, "Hukm ijro qilindi", degan javob bo‘ldi.

O‘sha kun kun botishi bilan Samarqandning bo‘shab qolgan ko‘chalarida itlar sayr qila boshladi. Har uydan yig‘i eshitilardi. Ular o‘z yurtdoshlaridan ham shafqatli, adolatli bu xalqning shaharni tashlab chiqib ketganiga yig‘lashardi.

Samarqndliklar, hatto kohinlar ham o‘zlarini tutib tura olmay, bir necha soat ichida to‘planib, ko‘p guruh bo‘lib qo‘shin tomon chiqishdi. Bosh kohin eng oldida. Hammalari barobariga "Allohdan o‘zga iloh yo‘q, Muhammad Allohning Rasulidir", deb guvohlik berishardi.

O‘sha qo‘mondon Qutayba ibn Muslim, qozi esa Umar ibn Abdulaziz edi!

Aliy Tantoviyning "Islom tarixidan hikoyalar"

Болаларни ёшлигидан ўнг тарафга ён бошлаб ухлашни ўргатишни чораси...

Биласизми нима учун Расулуллох соллаллоху ъалайхи ва саллам қорин билан ётишни ман этганлар?
Дархақиқат, Пайғамбар Соллолоҳу Алайҳи Васалламдан, у киши айрим сахобаларини қорни билан (ётган ҳолда) ухлаётганини кўриб, унинг оёғини қимирлатиб шундай деганликлари ворид бўлган: "Бу Аллоҳ таоло ғазабланадиган ётишдир". (Бошқа) бир ривоятда эса: "Батахқиқ, у дўзах аҳлининг ётишидир" Абу Довуд ривоятлари. 
Ушбу хадисни Аллоҳнинг изни билан табобат тасдиқлади.
Ўнг тарафга ёнбошлаб ётиш инсон танаси учун ҳамда соғлиғи учун энг афзал эканлигини аниқлади.

ЎНГ ТОМОНГА ЁНБОШЛАБ ЁТИШ ФОЙДАЛАРИ:

👉 Чап томондаги ўпка ўнг томондагига нисбатан хажми кичикроқ бўлганлиги туфайли юрак кўтаришига осонроқ булади...

👉 Жигар осилиб қолмасдан бир текисда туради...

👉 Ошқозон ҳам жигарнинг тепасида қулай жойлашади,
ошқозон озиқ-овқатни хазм қилиб бўлгач, осон ва енгил тозаланади...

👉 Ўнг томонга қараб ухлаш тиббиётда энг яхши даволаниш усуллардан бири бўлиб, чап ўпканинг нафас олиш йўлларидаги шиллиқсимон суюқликларни чиқариб юборишидаги вазифасини енгиллаштирар экан. 

👉 Баъзи тадқиқотлар тасдиқлаганидек, инсон ўнг томонга ёнбошлаб, ўнг қўлини юзнинг ўнг томонига қўйиб ётиши, миядаги ортиқча ва зарарли чиқиндилардан фориғ бўлиб, идеал уйқуга кетиши учун муносиб дам ола бошлар экан.

©Jaloliddinrumiyy🕊

#farzandtarbiyasida_700saboq

3-SABOQ (Mukofot kartochkalari)

Men farzandlarim tarbiyasida ajoyib usuldan foydalanaman. Rangli qog'ozlardan bir nechta kartochkalar tayyorlab,ularning bir tarafiga farzandlarimga yoqadigan mukofot turlarini yozib chiqaman. Masalan: "15-daqiqa kompyuter o'ynash","hayvonot bog'iga olib borish","dam olish kunlari muz saroyga olib borish" va boshqalar. Keyin bularga qo'shimcha tarzda farzandlarim o'zlari yoqtirgan mukofotlarni aytib turishadi. Ularni ham yozib,mukofot kartochkalari salmog'ini ko'paytiraman va vazifalarini vaqtida bajargan farzandlarimga ushbu kartochkalardan birini tanlashlarini aytaman. Kartochkalarni tanlashlaridan avval mukofotlari yozilgan tomonini ko'rinmaydigan qilib qo'yaman. Shunda ular '"Menga bugun qanday mukofot chiqar ekan-a!" degan qiziqish bilan o'z vazifalarini sustkashlikka yo'l qo'ymay bajarishadi.

Bundan tashqari maktabdagi har kunlik vazifalarni bajarishga dangasalik qilgan paytlarida ham bu kartochkalarni qo'llash ayni muddaodir.

Ta'til paytida esa bolajonlarni Qur'on yodlashga,badiiy kitoblar o'qishga qiziqtirish kerak. Bunda har kuni ma'lum miqdordagi betni yod olish yoki mutolaa qilish vazifa qilib qo'yiladi.
Kunlik vazifa bajarilishi evaziga esa kartochkalardan birini tanlash imkoniyati taqdim etiladi.

Men bu usuldan anchadan beri foydalanaman. Buning samarasini ko'rdim. Shu tarzda farzandlarimni yaxshi ishlarga odatlantirishga muvaffaq bo'ldim.

📚 "Farzand tarbiyasida 700 saboq " kitobidan

Болаларни ёшлигидан ўнг тарафга ён бошлаб ухлашни ўргатишни чораси...

Биласизми нима учун Расулуллох соллаллоху ъалайхи ва саллам қорин билан ётишни ман этганлар?
Дархақиқат, Пайғамбар Соллолоҳу Алайҳи Васалламдан, у киши айрим сахобаларини қорни билан (ётган ҳолда) ухлаётганини кўриб, унинг оёғини қимирлатиб шундай деганликлари ворид бўлган: "Бу Аллоҳ таоло ғазабланадиган ётишдир". (Бошқа) бир ривоятда эса: "Батахқиқ, у дўзах аҳлининг ётишидир" Абу Довуд ривоятлари. 
Ушбу хадисни Аллоҳнинг изни билан табобат тасдиқлади.
Ўнг тарафга ёнбошлаб ётиш инсон танаси учун ҳамда соғлиғи учун энг афзал эканлигини аниқлади.

ЎНГ ТОМОНГА ЁНБОШЛАБ ЁТИШ ФОЙДАЛАРИ:

👉 Чап томондаги ўпка ўнг томондагига нисбатан хажми кичикроқ бўлганлиги туфайли юрак кўтаришига осонроқ булади...

👉 Жигар осилиб қолмасдан бир текисда туради...

👉 Ошқозон ҳам жигарнинг тепасида қулай жойлашади,
ошқозон озиқ-овқатни хазм қилиб бўлгач, осон ва енгил тозаланади...

👉 Ўнг томонга қараб ухлаш тиббиётда энг яхши даволаниш усуллардан бири бўлиб, чап ўпканинг нафас олиш йўлларидаги шиллиқсимон суюқликларни чиқариб юборишидаги вазифасини енгиллаштирар экан. 

👉 Баъзи тадқиқотлар тасдиқлаганидек, инсон ўнг томонга ёнбошлаб, ўнг қўлини юзнинг ўнг томонига қўйиб ётиши, миядаги ортиқча ва зарарли чиқиндилардан фориғ бўлиб, идеал уйқуга кетиши учун муносиб дам ола бошлар экан.

©Jaloliddinrumiyy🕊

🌘 Tuningiz osuda o’tsin!