Nurmuhammad Abduzoir

@Nurmuhammad_Abduzoir

Kanal geosi va tili: O‘zbekiston, O‘zbekcha

Toifa: Kitoblar

@Nurmuhammad_Abduzoirov

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Kitoblar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Nurmuhammad Abduzoir

11 Feb, 00:15

Oʻzbek tilining izohli lugʻati

Esingizda boʻlsa, kitob sotdim yaqinda.
Keyin xaridorning iltimosi bilan bunga bogʻliq barcha xabarlarni kanalimdan oʻchirdim...

Oʻzi nima boʻlgan edi?

6 ta kitob narxi auksionda 800 ming soʻmga koʻtarilib ketdi.

Keyin shu joyda auksionni toʻxtatdim.
Chunki, bilgichlar aytishdiki, bu kitobni qaysidir kitob doʻkondan 500 ming soʻmga olsa boʻladi ekan.

Shundan soʻng

Kitobga eng baland narx taklif qilib turgan va bu kitoblarga ega chiqishni juda-juda istagan qizga sovgʻa qilib yubormoqchi boʻldim, albatta, obunachilar bilan kelishgan holda.

Yaʼni, men kitobni sovgʻa qilaman, xohlasalaringiz menga donat qilishingiz mumkin deb karta raqam qoldirdim.

Tashakkur aytaman:
Sizlar tomoningizdan aytilgan pul yigʻildi.

881000 soʻm

Keyin bilsam, bu pulning katta qismini kitoblarni, aslida, biz sovgʻa qilmoqchi boʻlgan inson tashlagan ekan...
Qaytarib tashlay desam, unamadi.

Xullas, ham xoʻrdani, ham burdani uribman.
Tepadagi oʻzimning sheʼrimni oʻqib, yozib oʻtiribman shu narsalarni.

Bor gap shu.

Bizni qoʻllab-quvvatlagan barchaga rahmat. Endi bu kanalda faqat sheʼrlarim va oʻta shaxsiy fikrlarim boʻladi.

P/s: Izohlarda "tashlagan pulimni qaytarib ber", — deb yozmanglar 😁

@Nurmuhammad_Abduzoir

172 0 0 7 9

Nurmuhammad Abduzoir

30 Jan, 17:19

Vijdon ogʻrigʻi

Ogʻir jazo emas vijdon ogʻrigʻi —
Balki, Xudo bergan eng ulugʻ tuhfa:
Yarim tun ichingda boshlansa yigʻi,
Qiynalsang — oʻzing-la etganda suhbat —
Qanday yaxshi, axir, qanday matonat —
Azob cheka bilsang, jizillab tursa
Yurakning bir cheti yanglish xatodan.

Bariga koʻz yumib ketsang,
hech qursa
Ortiq vijdon haqda yirtmasang ogʻiz,
Tilni tushovlasang,
tishlar — panjara.
Xatoga qoʻl urgan Rembo misoli
Sheʼr yozib yurishni butkul tashlasang.

30.01.2025

Nurmuhammad ABDUZOIR

@Nurmuhammad_Abduzoir

1.2k 3 6 20 31

Nurmuhammad Abduzoir

29 Jan, 21:23

Esingizda boʻlsa, kanalda jonli efir, (audio chat) qilgandik yaqinda.

Bu hafta ham yakshanba kun 1 soat vaqt ajratib, jonli efir qilish, ovozli chatda kimningdir sheʼrlari haqida gaplashish, tahlil qilish istagi bor menda.

Faqat kimgadir kerakmi oʻzi bu degan xavotir ham yoʻq emas,

Yana kim istaydi bunday ovozli chatni.
Motivatsiya boʻlishi uchun qani
💯 ta reaksiya bosamiz.

Izohlar qismida sheʼrlaringizni qoldiring, oʻshalarni oʻqiymiz chatda.

Yakshanba kungacha 500 ta boʻlsak, undan ham yaxshi motivatsiya boʻladi.

@Nurmuhammad_Abduzoir

Нур Муҳаммад Абдузоир

@Nurmuhammad_Abduzoirov

631 0 0 7 29

Nurmuhammad Abduzoir

29 Jan, 20:38

Urishmasdan yashanglar, iltimos!
😢
@Nurmuhammad_Abduzoir

623 0 0 16 10

Nurmuhammad Abduzoir

28 Jan, 13:06

Rangli tushlar dan repost

#Dilsirot

Nurmuhammad Abduzoir akani yaqindan uncha tanigan emasman, biroq yaqinda hadya etgan "Dilsirot" lari orqali nafaqat ularni tanidim, balki sheʼr nimaligini ham his qildim. Hayrat ummoniga shoʻngʻib, maʼnolar toʻlqinini tutdim. Toʻgʻrisi bu oʻqiganlarim umuman boshqa olam, biz yashayotgan hayotdan oʻzga, ajib bir olam. Har bir satr va baytlarni oʻqiganimda oʻzgacha rohat hissini tuydim, taassurotlarim ham bir dunyo🪽

Tilardimki, ilohim Alloh qalamingizni Amir Temur qilichidan ham oʻtkir qilsin!!!

Siz ham oʻqib koʻring:

"Umrimni yasharman men shu yoʻsinda,
Muhabbatim - quyosh, koʻzlarim - osmon"

"Yusuf boʻlmasam ham mening dogʻimda
sen yosh toʻkding Ya'qubdan koʻproq "

"Yaproqlar bu - qanotsiz qushlar,
Yerga oʻgay,
Koʻkka oʻgaydir"

"Qilichdek qayrilgan yoʻlim - dilsirot,
Sen tomon borurman, ketma, gʻizolim,
Har qadam bosganim, qonli iztirob,
Yiqilsam tamugʻdir,
Oʻtsam - visoling..."

"Hayotim - suv, rangsiz va ta'msiz,
Lekin... ichmoqlikka majburman"

@rangli_tush

678 0 2 16

Nurmuhammad Abduzoir

27 Jan, 23:04

***
Ёвқур жангчи бўлмоқчи эдим,
Ёғийлар кўксига тиғ урган аскар.
"Телба"ликка, мардликка мойил
Юрагим қақшар...

О, Нажмиддин Кубролар ёниб,
Жонин фидо айлаган пайтда —
Туғилган бўлсайдим, ёв кўксин ёриб
Ҳайдаб чиқарардим Ватандан.

Топилмайди дурустроқ ғаним,
Йиғлайман ишлабон қўл учи билан
Алам қилар — пиёз тўрғаётганим
Амир Темур қиличи билан.

Нурмуҳаммад АБДУЗОИР

#dilsirotdan
#photobynurizi

@Nurmuhammad_Abduzoir

562 0 2 18 24

Nurmuhammad Abduzoir

26 Jan, 18:21

00:54

Video oldindan ko‘rish uchun mavjud emas

Telegram'da ko‘rish

Sheʼrlaringni shunday katta shoirlar oʻqib tursa, bu haqiqiy turtki, sheʼr yozishga undash.
Men ham katta boʻlsam, yoshlarning sheʼrlarini mana shunday oʻqib turaman.

Rahmat,
@Ravshan_Haqmurod

562 0 2 3 10

Nurmuhammad Abduzoir

25 Jan, 21:09

01:30

Video oldindan ko‘rish uchun mavjud emas

Telegram'da ko‘rish

Beisyon qoʻshiq

Muallif: Nurmuhammad Abduzoir

Oʻqidi:
Bonujon
https://t.me/nanash_qiz

Shu qizni ham kuzatib borish kerak, shunday yaxshi she'rlarni, zoʻr qilib oʻqiydi.
Oʻzining sheʼrlari ham ajoyib.

614 0 2 2 12

Nurmuhammad Abduzoir

22 Jan, 11:59

МУВОЗАНАТИ БУЗИЛГАН БОҒ

"Сурхондарё бодоми
декабрда гуллайди."
Шавкат ДЎСТМУҲАММАД

Яна декабрда гуллади бодом,
Яланғоч баданин ҳеч ким кўрмасин.
Қартайиб қолганми, негадир осмон
Бу йил ҳам кечикиб қоқар кўрпасин.
Бу йил ҳам шу сабаб учар ҳавога,
Содда дарахтларнинг бор меҳнатлари.
Қуруқ шох – қўлларин очар самога,
Худога ёзади япроқхатларин.
Ортар майхонага қатновлар сони,
Нега (саволга мос куй чалар чолғу?)
Қўли очиқ бодом – тирноққа зор-у,
Боши очиқ токлар – боши қоронғу?

Нурмуҳаммад АБДУЗОИР

#dilsirotdan
#photobynurizi

@Nurmuhammad_Abduzoir

788 0 4 18 27

Nurmuhammad Abduzoir

21 Jan, 12:21

01:04

Video oldindan ko‘rish uchun mavjud emas

Telegram'da ko‘rish

Bugun egizak akam — Ravshan Haqmurodning ham tugʻilgan kuni.
Shu mubosabat bilan bir sheʼrini oʻqigan edim, shoirning boshqa sheʼrlarini oʻqish uchun
@Ravshan_Haqmurod kanaliga kirishingiz mumkin.

799 0 1 4 14

Nurmuhammad Abduzoir

20 Jan, 22:38

ДАЙДИ ҚЎШИҒИ

1.
Пул топса— байрам,
унга
Гарчи йўқ борар гўша.
Бош қўйган жойи ёстиқ,
Ағнаган жойи тўшак.

Ҳаётининг мазмуни
Шу бир сатрга тенгдир:
Пулинг қанча кўп бўлса
Ватанинг шунча кенгдир.

2.
Дарбадар йўқ бу оламда ундан ўтган,
Беватан йўқ, (бахт юртида) бадбахт йўқдир.
Ўзин атай сувга ташлаб, уриб ўтга,
Ажал излар қилич каби дами ўткир.

Кўкрагида қашшоқликнинг ҳамма ўқи,
Дард-у алам найзасига нишон дайди.
У туғилган кун(лар)ига лаънат ўқиб,
Туғилмаган кунларини нишонлайди.

Нурмуҳаммад АБДУЗОИР

#dilsirotdan
#photobynurizi

@Nurmuhammad_Abduzoir

1.4k 1 9 39 29

Nurmuhammad Abduzoir

20 Jan, 22:00

652 0 0 21 8

Nurmuhammad Abduzoir

20 Jan, 19:58

Амирқул Пўлкан dan repost

00:24

Video oldindan ko‘rish uchun mavjud emas

Telegram'da ko‘rish

📝 Она шодон бешик тебратар

✍️🏻 Амирқул Пўлкан

🎤 Нурмуҳаммад Абдузоир

🎬 Бегзод Ҳазратов

https://t.me/amirqulpulkan

614 0 1 1 5

Nurmuhammad Abduzoir

20 Jan, 05:25

СИНГИЛ

Синглим дуо қилар азонда:
“Акам шоир бўлсин, Худоё,
Шеърларини минг бир созанда
Қўшиқ қилсин, топмасин поён.

Йўламасин унга ҳеч бир дард,
То яшасин Эл ғами билан.
Бўлмаса-да чўнтагида зар,
Бўлсин доим суйгани билан.

Кескир сўзи ҳаргиз синмасин,
Синса ҳамки бошида калтак.
Қадам босса замин титрасин,
Тоғлар чўксин у тик боққанда…”

Кўзёш тўла кафтларида минг
Қуёш акси этадир жилва.
Ё Худойим, ўзинг синглимнинг
Сўроқларин бежавоб қилма.

Нурмуҳаммад АБДУЗОИР

#dilsirotdan
#photobynurizi

@Nurmuhammad_Abduzoir

563 0 2 5 31

Nurmuhammad Abduzoir

18 Jan, 11:58

ШЕЪРИЯТга

Қанча умрим ўтди бесамар
Бахтдан кулмай, аламдан куймай!
Сатрларим қанча безамай –
Бўлолмади сен чалган куйдай.

Томошабин бўлдим ҳаётга,
Гоҳи хунук, гоҳи жозибдир.
Мен бепарво, тушганман отдан,
Дедим: Тангрим шуни ёзибдир.

О, юрагим қолиб қувватдан
Кўп тутадим, ўт олмадим мен.
Бу бир йўлда ғов бўлиб ётган
Синов эди, ўтолмадим мен.

Кутолмадим дарров ҳажрни,
Бўлгандан сўнг бахтим учирма.
Мен сенсиз ҳам ҳаёт кечирдим,
Ҳаётим, сен мени кечирма…

Нурмуҳаммад АБДУЗОИР

#dilsirotdan
#photobynurizi

@Nurmuhammad_Abduzoir

528 0 7 28

Nurmuhammad Abduzoir

17 Jan, 20:06

"Жазба", Жонтемирнинг иккинчи китоби Хуррам Собирўғлига 575 минг сўмга сотилди.

Аукционга қатнашган барчага ташаккур!

Сиз эса шоирнинг биринчи китоби "Дарвеш қўшиғи"ни 80 минг сўмга сотиб олишингиз мумкин.

@Nurmuhammad_Abduzoir

528 0 3 11 12

Nurmuhammad Abduzoir

17 Jan, 11:50

Shamsi-i-Qamar teatri rejissori Jamshid Valiyev kitobga 500 ming soʻm narx qoʻydi.

Qani, koʻramiz, sheʼrni Jamshid akadan koʻproq qadrlaydiganlar topilarmikin?

@Nurmuhammad_Abduzoir

1k 0 3 7 14

Nurmuhammad Abduzoir

16 Jan, 17:44

@usmonosphere kanali admini Shohrux Usmonov (Alisher Usmonov emas)
Naq 275 ming soʻmga koʻtardi...
Yana kimdir bormi?

Tahrir:

Elyor Haydar tomonidan 280 ming taklif qilindi.

Qani kim oshira oladi narxni?

ЭЛЁР

Кичик дунё...