Nilufar bintu Ulug'bek (Rasmiy)

15-yanvar 21:00 da
Ushbu kitob tahlilini qilamiz. Kitobni tugatmaganlar tugatib oling. Kitobni tugatganlar xulosa va fikrlaringizni yozib qoldiring ⬇️

MUHIM, OXIRIGACHA O’QING📌

Meni bir savol o’ylantirib qo’ydi. Nima uchun ilm olish hamma uchun birdek ehtiyoj darajasida ahamiyatli emas, ilm olishni ko’pchilik faqat o’qishga kirish uchun kerakdek, faqatgina ma’lum bir davrda kerak bo’ladigan jarayondek qabul qilishadi. Maktab, institutni bitirganlar ilm olib bo’lishgan, yoshi katta bo’lganlar ham hayotdan o’rganib bo’lishgan, ularga ilm olish shart emas, ilm olish faqat yoshlar uchundek go’yo?!

Savol:
- Ilm deganda nimani tushunasiz?
- Nima uchun ba’zilar uchun ilm ehtiyoj darajasida zarur, ba’zilar uchun esa ahamiyatsiz.
- barcha uchun birdek ilmni ehtiyoj darajasiga chiqarish uchun nima qilish kerak?

Iltimos e’tiborsiz qoldirmang. Qisqa bo’lsa ham fikringizni yozib keting. Fikr bo’lmaslik yashamayotganlik bilan teng.

Sizga yangiligim bor!

6-7-yanvar kunlari juda katta va muhim mavzularda BEPUL INTENSIV o‘tkazyapmiz. Faqat bu yerda emas, yopiq kanalda.

Juda katta va muhim mavzu esa: Dangasalik va tartibsizlik davosi. Maqsad va rejalarni shakllantirish.


Suxbat mutlaqo BEPUL bo‘ladi. Hayotingizni o’zgartirishingiz uchun birinchi qadamni bosishingizga turtki bo’ladigan mavzular ochiladi.

Faqat boshqa hech qaysi kanallarda berilmaydi, yozib olinmaydi, takrorlanmaydi.

Sizga o‘sha sirli yopiq kanalimning havolasi kerakmi?

Kecha yakshanba kunini o’zim uchun dam olish kuni deb belgiladim. Har qanday aqliy faoliyat va o’qishdan voz kechib, barcha vaqtimni oilam va o’zim uchun sarflayman, deb qaror qildim. Kundalik odatiy ishlar: bolalarga qarash, uy ishlari bilan shug’ullanish, taom tayyorlash va serial ko’rish bilan bir kunni o’tkazdim. Go’yoki barcha ayollardek vaqt o’tkazdim.

Qiynalyotgan vijdonimni bugun dam olish kuni ertadan boshlaysan deb tinchlantirishga harakat qildim. Kunni oxirida men dam olmaganimni sezdim. Men ruhan charchadim. Ishtiyoqlarim so’ndi. Aqliy faoliyat bilan shug’ullanishni xohlamay qoldim. Bir kun uchun shuncha ruhiy zo’riqish…

Endi tasavvur qiling: yillar davomida shunday hayot kechirayotgan ayollar bor! Ularning butun hayoti faqat uy ishlari bilan band bo’ladi. Biror marta kitob ochib o’qish, ilm o’rganish haqida o’ylashga vaqt ham, imkon ham topilmaydi. Ko’plab ayollarning ruhiy tushkunligi ham aslida shundan kelib chiqadi — ruhga ozuqa berilmagani uchun. Biz faqat tanamizni oziqlantirish bilan kifoyalanamiz, biroq aql va ruhning ham haqqi ado qilinishi kerakligini unutamiz.

Ibn Sino shunday degan edi: “Insonning quvvati, asosan aql va ruhning pokligidan kelib chiqadi.” Bu haqiqat. Chunki bizning fitratimiz maqsadsiz, samarasiz yashashga moslashmagan. Maqsadsiz ish qilganimizda, ruhimiz va vijdonimiz qiynaladi, quvvatimiz pasayadi. Uzoq davom etgan bu holat insonni tushkunlikka olib boradi.

Yechim — ilm. Biroq har qanday ma’lumot emas, balki maqsadli ilm.

@NilufarbintuUlugbek

Mas’uliyat

P/s: bu yozganlarim avvalo o’zimga chaqiriq.

Dangasalik tutib, bir ishni boshlay olmaysiz, ishtiyoq yetishmaydi. Ishtiyoq topib ishni boshlab olsangiz ham uni oxiriga yetkaza olmaysiz. Kerakli ishlarni qilmaganingiz, ishlarni oxiriga yetkaza olmaganingiz uchun vijdoningiz qiynaladi. Doimiy vijdon qiynalishi quvvatingizni oladi. Quvvatingiz bo’lmasa yana ishtiyoq bo’lmaydi. Bu xuddiki uzilmas zanjirga o’xshaydi. Bu halqadan chiqib keta olmaydigandeksiz go’yoki. Bu zanjirdan chiqib ketmaslik, doimiy uning ichida yashash tushkunlikka olib boradi.

Buning bir yechimi, bir chiqish yo’li bor. MAS’ULIYATni his qilish.
Siz insonsiz! Insonlik mas’uliyatingiz bor. Yerdagi xalifa o’laroq o’zingizga nisbatan, yaqinlaringiz va jamiyatga nisbatan mas’uliyatingiz bor.

1. Alloh oldidagi mas’uliyatingiz

Siz har bir qaroringiz va har bir qilayotgan ishlaringiz uchun o’zingiz javobgarsiz. Yomon muhit, atrofdagilar, imkoniyatingiz yo’qligi, oilaviy munosabatlaringiz yaxshimasligi va hokazo sabablar bahona bo’la olmaydi. Qilishingiz kerak bo’lgan ishni qiling, qilmasligingiz kerak bo’lgan ishni qilmang.

2. O’zingizning oldingizdagi mas’uliyatingiz.

Imtihonga yaxshi tayyorlanmadim, chunki uyda sharoit yo’q. Menga hech kim yordam bermadi, shuning uchun topshiriqni bajara olmadim. Juda charchagan edim, shunga kech qoldim. Rejalarimni bajarolmayman, chunki atrofimdagilar yaxshi emas, muhit ta’sir qiladi.

Siz o’zingizni dangasaligingizda, ishlarni ortga surishingizda, befarqligingizda o’zingiz aybdorsiz, o’zingiz javobgarsiz. Hayotingizni hech qachon kimdir kelib o’zgartirib qo’ymaydi. Kinolardagidek mo’jiza sodir bo’lmaydi. Sababiyatlarni qilish sizni mas’uliyatingiz.

3. Oilangiz oldidagi mas’uliyatingiz.

Bolam noto’g’ri tarbiya olayotgan bo’lsa bu uni maktabidan, qo’shnilar ta’siridan, o’rtoqlari yomon va hkz. Qaynona va kelin chiqisha olmayotgan bo’lsa, o’g’il o’zlaringiz hal qilib olinglar, meni aralashtirmanglar deyishi ochiq mas’uliyatsizlik. Farzandingizga, juftingizga, oilangizga siz mas’ulsiz.

4. Jamiyat oldidagi mas’uliyatingiz.

Axlatni ko’chaga tashlash, yoshlar axloqi, bugungi kun muammolariga nisbatan men nimani ham o’zgartira olaman degan fikrda bo’lishingiz mas’uliyatsizlikdir.

Siz mas’uliyatni his qilish ko’nikmasini o’zingizda shakllantirsangiz:

- Ishlarni vaqtida bajarish;
- Maqsadga erishish;
- Rejaga amal qilish;
- Muammolarni tan olish va yechim topish;
- Sog’lom hayotda yashash;
- O’zgalar haqida qayg’urish;
- Burchlaringizni anglashni o’rganasiz.

Mas’uliyatli inson bo’lsangiz:

- Muvafaqqiyatga erishasiz;
- Ishonchli bo’lasiz;
- Qadriyatli, qadrli bo’lasiz;
- Halovat topasiz;
- Axloqli shaxslar qatorida bo’lasiz;
- Hurmatli bo’lasiz.

Birgina mas’uliyatni his qilishning kuchi. Nimalarga mas’ulligingizni bilish esa ilm bilan bo’ladi.

@NilufarbintuUlugbek

17 yoshli o’zimga xabar:

1. O’z qadringni bil!

O’z qadrini bilish - kishi o’ziga eng yaxshi narsalarni ravo ko’rishi, eng zo’r hayotda yashashi, eng yaxshi muomalaga o’zini loyiq ko’rishi bilan o’lchanmaydi.

Kishining qadri - uning vaqti, qadriyatlari, tashvishlari, xohish istak va ehtiyojlari, xulqi bilan o’lchanadi.

Ey o’zim! O’zingga boq vaqtingni nimalarga sarf etyapsan, nimalar sen uchun qadrli, nimalarni yo’qotishdan qo’rqmoqdasan, nimalarga erishishni istaysan, xulqing qanchalik go’zal?

2. Vaqt va imkoniyatlardan foydalanib qol!

Turmushga chiqishdan oldingi hayotning qadriga nafaqat qizlar balki yigitlar ham yetib qolishi kerak. Bu vaqt shunday bir vaqtki, hayotimizning eng oltin davri. Ilm olishdan, ota-onani rozi qilishdan boshqa g’am, ortiqcha mas’uliyat bo’lmagan davr. Faqat o’zigagina javobgar bo’lgan davr.

3. O’zligingni angla, maqsadingni aniqlab ol.

Kimsan? Nima uchun yashayapsan? Maqsading nima? Maqsadingga qaysi yo’l bilan bormoqchisan? Maqsadingga borish uchun nimalar qilyapsan? O’zing uchun nimalar qilding? Oilang uchunchi? Jamiyat uchunchi? Shu savollarni javobini top.

4. Ilm lazzatini his qilib qol.

Huzur, qoniqish, vaqtni chog’ o’tkazish faqat o’yin kulgu, shahvoniy istaklar ortidan kelmaydi. Ilm olishdan, natijalardan ham lazzatlanish mumkin. Va ilmning lazzati ming chandon kuchliroq bo’ladi.

5. Yaxshi do’stlar orttir.

Do’stlar sening yo’lchi chirog’ing. Noto’g’ri muhitda sen ularga qo’shilmayapman deb o’ylasang ham, kamida ularning ishlarini noto’g’ri deb hisoblashni to’xtatasan.

6. Mas’uliyatni his qil

Hayot o’yin emas. Sinov uchun kelganingni unutma. Rozi bo’lib qabul qilingan qiyinchiliklar - og’riq emas, huzur beradi. Ular orqali Robbingga yaqin bo’layotganingni his qilasan.

7. Ota-onang va yaqinlaring bilan yaqin bo’l.

Bu yoshda balki - meni tushunishmaydi, eshitishmaydi, e’tibor qilishmaydi, mehr berishmaydi, meni yomon ko’rishadi deb o’ylarsan. Bu faqat sening fikrlaring. Ulardanda seni o’z holingcha yaxshi ko’radigan va tushunadigan insonlar yo’q.

Yoshlik beboshlik emas, yoshlik ajrlarga to’la davr. Yig’ib olish kerak holos.

@NilufarbintuUlugbek

Savollar tug’ilsa shu izohga yozing