Саноатни ахборотлаштириш факультети жамоаси Ҳиндистон сафари бўйича тақдимот ўтказди

Ушбу тақдимот давомида факультетнинг бир гуруҳ профессор-ўқитувчилари томонидан жорий йил ноябрь ойида Ҳиндистонга амалга оширилган хизмат сафари ҳақида батафсил ҳикоя қилинди.

Хусусан, факультет декани Озода Абдуллаева, Чет тиллари кафедраси доценти Полина Ботирова делегациянинг Ҳиндистондаги халқаро анжуманда иштироки, Жавоҳарлаъл Неру номидаги ва «Jamia Millia Islamia» университетлари билан танишув, ҳамкасблар билан мулоқот, Ўзбекистоннинг Ҳиндистондаги элчихонаси вакиллари билан учрашув, тарихий обидалар зиёрати ҳақида сўзлаб берди.

Тақдимотда бу каби хорижий сафарлар факультет жамоаси илмий салоҳиятини юксалтиришда муҳим ўрин эгаллаши таъкидланди.