Sabab va tavakkul
Jamiyatimizda ko’p adashtiriladigan, noto’g’ri amal qilinadigan tushunchalar. “Sunniy aqidalar”dan olgan eng muhim saboqlarimdan biri shu mavzu bo’ldi. Lekin hali bu masalada ancha ishlashimiz kerak ekan.
Kimlardadir sababga, yana kimlardadir tavakkulga suyanish me’yoridan ortgan. Natija 100% bo’lsa, uning teng yarmini sabab – harakatimiz, qolgan yarmini tavakkulimiz tashkil qiladi.
O’qishga kirish duolar bilan, tavakkul bilan kutilishidan oldin sabablarini to’liq qilgan holda kutiladi.
Kasallikdan saqlanish yoki davolanish uyda o’tirib duo qilib, “shunchasi doktorsiz tuzalyaptiyu” deb tavakkul qilinmaydi. Qo’ldan kelgan harakatlarni qilib, Allohga havola qilish bilan bo’ladi.
Bolaligimda dadam shu hikoyani ko’p aytib berardilar: bir qishloqni suv bosadi. Bir kishidan boshqa hamma qishloqni tark etadi. Undan “nega hali ham ketmayapsan, halok bo’lasan-ku” deyishsa, “Alloh menga qayiq yuborishini kutyapman” deydi. Yana boshqa guruh kelib unga birga ketishni taklif qiladi. U kishi 3 marta ham yuqoridagi javobni beradi. Natijada cho’kib o’ladi. Vafot etganda “Allohim Senga tavakkul qilib yordamingni kutdim, lekin yubormading” deydi. Allohning yordami esa u kishiga birga ketishni taklif qilgan uch guruh edi. Banda tavakkulni sabablarisiz – harakatsiz qildi.
Yana Umar roziyallohu anhuning vabo tarqalgan qishloqqa kirishdan qaytganlarida sahobalarga bergan javobi doim ta’sirlantiradi: “Allohning qadaridan yana O’zining qadariga qochyapman”.
To’liq yozmadim, izlanib ko’ring shu mavzuda.
https://t.me/Mujassam_Ahmedova
