Anrining fikrlariga qo'shilmay iloj yo'q, u faktlar bilan isbotlab beryapti. Bellingem bu mavsum qayerda yetishmovchilik, muammo bo'lsa, o'sha yerni yamab yuribdi. Ya'ni, o'zining asl vazifalaridan ham ko'prog'ini qilyapti. O'tgan mavsum yodingizda bo'lsa, shu paytda u tengsiz futbolchi deya maqtalayotgandi. Uning har bir goli jamoaga 3 ochko keltirayotgan vaqtlar. Bu mavsum esa hali gol urmadi. Lekin o'tgan mavsum bilan solishtirganda, joriy mavsum karrasiga ko'proq mehnat qilyapti. U ham jamoaning asosiy yulduzi, ammo anavi ikkisidan farqli o'laroq, borini maydonga tashlab ketyapti. O'z fikrimda qolaman, Mbappening kelishidan eng katta jabr chekayotgan futbolchi Bellingem.

Ha, ertaga hujumda Vini va Mbappe ketma-ket gollar urishni yo'lga qo'yib olsa, biz yana ularni maqtaymiz, bu kunlarni biroz esdan chiqaramiz hatto. Ammo hozir ularning bu harakatlaridan himoya vakillari, Chuameni, Valverde, Bellingem, Modrichlar qiynalyapti.

Lekin baribir butun jamoaning ham o'yini sustlashgani fakt. Bir-ikki futbolchi emas, umumiy jamoada pasayish. Bu esa Anchelotti tomon savollarni ko'paytiradi.