"Рамазон — Аллоҳни таниш ойи"

🪄Бақара суърасининг рўза оятлари асносида Аллоҳ Азза ва Жалла айтади:

"Агар бандаларим сиздан мен ҳақимда сўрасалар бас, мен "Қориб" (Яқин)дирман.."
(Бақара.186)

— Рамазон ойида ҳеч Роббинг ҳақида сўрадингми?

— Рамазон ойида Унинг нечта исмини ўргандинг?

— Ёки ҳали У ҳақида сўраш хаёлингга ҳам келмадими?

— У ким? Унинг қанақа исмлари бор ?

— Унинг сифатлари нима? Ва У ҳақида кимдан сўрайман?


🪄У ҳақида Унинг Ўзи айтган "Бандаларим" деган номга сазовор зотларгина сўрайдилар..

🪄У бандаларига "Қориб" (Яқин) экан.

🪄 У "Яқинингда" экани- гуноҳ қилмоқчи бўлсанг сени уялтиради, қўрқитади..

🪄 У "Яқинингда" экани- ёлғизлигингда сени зериктирмайди..

🪄У "Яқинингда" экани- қўрқув пайтида сени шижоатлантиради..

🪄 У "Яқинингда" экани- бўшашиш пайтида сенга ғайрат беради..

🪄Қандай "Яқининг" ни танимаслигин мумкин?
Қандай "Яқининг" билан танишмасдан Унга ибодат қилиш мумкин?

Ҳадиси қудсийда айтади:

• "Агар бандам менга бир қарич "яқинлашса" мен унга бир зиро яқинлашаман! Агар менга бир зиро яқинлашса, мен унга бир қулоч яқинлашаман. Агар юриб келса мен унга югуриб бораман" (Бухорий)

"Бас! У ҳақида хабардордан сўра!" (Фурқон.59)

Muallemah | معلمة