Sport vazirligi

Bugun Nukus shahar 1-sonli sport maktabida sportning Mini futbol turi boʻyicha "Qoraqalpog‘iston Respublikasi Sport vaziri kubogi"ning final bosqishi bolib otdi.

Unda Qoraqalpog‘iston Respublikasi Sport vaziri A.Allanazarov so‘zga chiqib, g‘olib jamoalarimizga kelgusi musobaqalarda omad tilab, bundan-da yuqori musobaqalarda sovrinli o‘rinlar egasi bo‘lishiga tilak bildirdi.

Qizg‘in bahslarga boy bo‘lgan musobaqa yakuniga ko‘ra:
1-o‘rinni Xo‘jayli tumanining "Jayxun",
2-o‘rinni Chimboy tumanining "Chimboy" va 3-o‘rinni Nukus shahrining "Nukus Stars" jamoasi egalladi.

G‘oliblar tashkilotchilar tomonidan diplom, medal va qimmatbaho sovg‘alar bilan taqdirlandi.

Web-Sayt | Telegram | Facebook | Instagram | Youtube

Bugun, poytaxtimizdagi “Jar” sport-sog‘lomlashtirish majmuasida voleybol bo‘yicha erkaklar jamoalari o‘rtasida O‘zbekiston chempionatining tantanali ochilish marosimi bo‘lib o‘tdi.

Mamlakat miqyosidagi yilning ilk nufuzli voleybol musobaqasining tantanali ochilish marosimida Ichki ishlar vaziri, O‘zbekiston voleybol federatsiyasi raisi Po‘lat Bobojonov, Sport vaziri o‘rinbosari Shaxrullo Maxmudov, Milliy olimpiya qo‘mitasi bosh kotibi Oybek Kasimov, Toshkent shahar hokimi o‘rinbosari Durdona Rahimova, Rossiya Federatsiyasi voleybol federatsiyasi vakillari, mamlakatimizdagi daxldor tashkilot mutasaddilari ishtirok etib, yurtimizda ommaviy sportni rivojlantirish, iqtidorli sportchilarni saralash tizimini yangi bosqichga olib chiqish ustuvor vazifa ekanligini ta’kidlashdi.

O‘tkazilayotgan O‘zbekiston chempionati ayni maqsadlarga xizmat qilishi e’tirof etilib, mamlakat chempionatida qatnashayotgan barcha jamoalarga omad tilashdi.

Aytish lozim, mamlakat chempionati uchta turdan iborat bo‘lib, uning bu yilgi 1-tur o‘yinlarida har yilgidan ko‘p jamoa ishtirok etmoqda.

Toshkentdagi “Jar” sport majmuasida hamda Toshkent transport universiteti sport majmualarida o‘tkazilayotgan chempionat bahslarida mamlakatimizning turli hududlaridan 20 ta jamoa g‘oliblik uchun kurash olib bormoqda.

Musobaqalarni kuzatib borish, mahoratli sportchilarni aniqlash maqsadida O‘zbekiston voleybol federatsiyasi tomonidan tajribali murabbiylar, xorijlik mutaxassislardan iborat trenerlar shtabi tashkil etilgan bo‘lib, ular iqtidorli voleybolchilarni aniqlash, yo‘naltirish, xalqaro musobaqalarda vatanimiz sharafini himoya qiladigan terma jamoalarga zaxira sportchilarni tanlash kabi masalalarda monitoring ishlarini olib borishi belgilangan.

O‘zbekiston chempionati bahslari 26-fevralga qadar davom etadi.

Web-Sayt | Telegram | Facebook | Instagram | Youtube

🗣Joriy yilning 20-23-fevral kunlari Sharja shahrida (BAA) sportning ot sporti boʻyicha xalqaro musobaqa boʻlib oʻtmoqda.

💬2028-yilda Los Anjelesda boʻlib oʻtadigan XXXIV yozgi Olimpiada oʻyinlarida litsenziya qoʻlgan kiritish uchun imkoniyatni oshiradigan musobaqada CSI5*-W balandligi 140 sm boʻlgan musobaqada sportchimiz Bekzod Kurbanov ishtirok etib, musobaqaning birinchi kunida 3-oʻrinni egallagan boʻlsa, ikkinchi kun dasturidagi 140 sm balandlikdagi toʻsiqdan oshib oʻtish boʻyicha musobaqada Abdurahmon Abdullayev Gor for it laqabli oti bilan 2-oʻrinni egalladi.

Web-Sayt | Telegram | Facebook | Instagram | Youtube