Ishga kirishdan avval ishdan bo‘shash haqida arizangni yozib qo‘y!Biroz g‘alati eshitilishi mumkin, biroq qachonki, sen ishdan bo‘shashni o‘zing uchun fojea deb tasavvur qilar ekansan, bora-bora o‘sha ishning quliga aylanib boraverasan.
Ayniqsa shu ishda uzoq yo‘lni bosib qo‘ygan xodimlar uchun bundan dahshati yo‘q. Yo‘lning boshida tashlab ketish alamli bo‘lmaydi, lekin yarmidan o‘tganingdan keyin bu qo‘rquv butun vujudingni egallab boraveradi.
Shuning uchun ko‘p idoralarda yoshi katta xodimlar har qancha bosim bo‘lsa ham — ishlayveradi.
Biroq, bunaqa hayotni hech kimga tilamas edim. O‘z sharoitingni har lahza ishdan bo‘shab ketishga qodir qilib qo‘ymas ekansan, seni rahbarlar istalgancha ekspluatatsiya qilishi mumkin.
Kallayi saxardan yarim kechgacha ish, hatto, dam olish kuni ham yo‘q, kasal bo‘lish mumkin emas, ta’tilga chiqish jinoyat...Xo‘sh, sen qullikka rozimisan!?...
Unaqada arizangni yozib qo‘y! ©️ Adolat kuychisi
🔝 @foydali_moliya birgalikda o'samiz!
