ASSALOM...


Yaxshimi yomonmi yashadik mana,
Sinovlarda sira bo'lmadik tamom.
Bizni tinch qo'ymagan hatto yozda ham,
Boshimizga yog'gan qorlar Assalom...

Qiynaldik, o'zgardik, o'rgandik oxir,
Dedilar:kurashsang seniki zamon.
O'lmadik,dardimiz bo'lsa-da og'ir,
Bo'ynimizda turgan dorlar Assalom...

Jonimiz fidolar qildik kimgadir,
Ortdan pichog'ini urarlar hamon.
Aytinglar,bizlarning aybimiz nadir?
Vafoni bilmagan yorlar Assalom...

Bor edik,sezmadi buni kimdirlar,
Hatto uvol sizga mendan bir kalom.
Salomimdan oldin alik olarlar,
Vaqtida bilmagan zorlar Assalom...


Malika Yoqubzoda