SINGILLARIMNI

Kibr-u, havolarga berilib ketdim.
Muzliklar egallab koʻngillarimni.
Bugun yomgʻirdayin, titilib ketdim,
Koʻp xafa qilganman singillarimni!

Ularga ilinib, roʻzgʻor yumishni,
Ba'zan qizgʻanganman tillo, kumushni.
Qanday oʻtkazardik, har bahor, qishni.
Koʻp xafa qilganman singillarimni...

Onamga hammamiz birdek yaxshiydik,
Otamning koʻnglini dur-u, naqshiydik.
Qaniydi oʻtmishdek bir yashasaydik,
Koʻp xafa qilganman singillarimni.

Ulardan oʻzgasi koʻtarmas soʻzim,
Oʻxshash emas edi ularga koʻzim.
Singil boʻlganiga joniga toʻzim,
Koʻp xafa qilganman singillarimni...


✍Maftuna Amirzoda
13.11.2024-yil