Humoyun aka, tavalludingiz oilamizga muborak bo‘lsin! Siz eng yaxshi aka, eng yaxshi farzandsiz.

ҲУМОЮН АКАМГА

Тоғларнинг
Қоялари ўсмай қолган қанотдир.
Ҳарсанглари - турмуш сачратган яра,
Ғорларида мудраб ётган фарёддир.

Тоғларнинг
Вазмин кўзларида ётибди вулқон.
Болалиги учган қушдек бедарак,
Гоҳи фаслларга қилади исён.

Тоғларнинг
Қачонлардир бўлган муҳаббатлари
Кўксида очилган, бевақт сўлгандир.
Этагига замин осилмагунча
Тоғларнинг ҳам руҳи енгил бўлгандир.

Тоғларнинг...
Тоғ бўлмоқ қисматларини
Борлиқ жим эшитар бир сўз демасдир.
Уларга суянмоқ саодат, гарчи
Пойида унмоқ ҳам осон эмасдир.

@Madina_Norchayeva