Мадина Норчаева

Таскин

Зерикдим
Кунларни сузиб пиёлага
Яна чой қошиқда солавериб қанд.
Қанча югурмайин йўлим айлана
Мудом ўз-ўзимга беравердим панд.
Биламан,
Қайдадир, андозаси йўқ
Бир мавсум туғилар эрта ё индин.
О, шу он апрелга қилмасдан қуллуқ
Кўкламнинг баҳридан кечишим мумкин.
Унда орзуларин кўтарганча даст
Бинафша рўмолин илар тиғларга.
Мангу озодликдан бўлганча сармаст
Қўшилиб кетаман қадим руҳларга.