Taaibah

Med institutda o'qib tushunarli yozadigan odamlar ham bor bu dunyoda degan xulosaga keldim

Yillardan yoshni hisoblab chiqqani erinaman, demak men onaman😁

Hozir 2ta yozuvni jo'nataman, qaysi biri chiroyli ovoz berasila, tamammi?

Yaqin oʻrtogʻim arab tilidan kurs ochvottila, umuman oʻqish va yozishni bilmidiganla uchun ajoyib fursat va yaxshi narx dib oʻyliman.
Arab tilidan B2 sertifikatlari bor.

Kurs davomida oʻrganasiz:
• Arab harflari
• Qisqa va cho'ziq unlilar (madd harflari)
• Harflarning maxrajlari va sifatlari
• Qomariya Shamsiya harflari
• Qo'shib o'qish va yozish
• To'g'ri o'qish uchun kerakli barcha belgilar

Start: 17-yanvar, juma
Dars vaqti: 20:00 Haftada 5 kun (chorshanba va shanba dam)
Kurs narxi: 270 ming so'm (umumiy kurs narxi)

Afzalliklari:
Ramazon oyigacha arabchada qo'shib o'qishni o'rganasiz.
30ta dars uchun 1 marta to'lov qilasiz.
Kursni yaxshi tamomlaganlar uchun sertifikat beriladi.

Talab qilinadi:
• O'rganishga kuchli xohish
• Darslarga to'liq ishtirok etish
• Kuniga kamida 1 soat dars qilish uchun vaqt ajratish

❗️Diqqat: Tajvid qoidalari o'rgatilmaydi

Murojaat uchun: @manager_arabiytalim

Hozirgi kunlarda eng ko'p ishlatayotgan so'zim:

- "BYAXKEEE" (BUYOQQA KEL)

Qizimga yarim soat qarab o'tirgandan keyin Oyim:

Kichkinagina mitti Xolxo'jani yiqitdi. Usha "Xolxo'ja" manman.

#yozgim_keldi

Qizimni birinchi marta qo'limga olganimda yig'idan to'xtab, yashil ko'zchalarini pirpiratib shiriiin qaragandi manga, atrofga. Shuni eslab boshqacha bo'lib ketdim. Judayam kichkina bo'lgani uchun eng kichkina o'lchamli kiyim ham katta bo'lgan unga. Yozaturib o'sha kunlardagi rasmlarini topib, tomosha qilib ham oldim hozir.

Salkam 9 oy o'tibdi, endi ko'zlarining rangi yashil emas, endi kiyimlari kichkina kelib qolayapti kun sayin, endi atrofni kuzatib yotmaydi, har tomonga emaklab, o'ynab yuradi, ehtiyojlarini turli shaklda tushuntirishga harakat qiladi.

Alloh Latiyf Zot! Avval tanasini boshqarolmay qo'llari bilan yuzlarini tilib yuborgan odamchani ohista ulg'aytirib, ko'p narsalarni navbatma-navbat o'rgatib qo'yyapti, alhamdulillah!

Onalik boshqacha. Juda yoqimli. To'g'ri, ba'zida charchoq holdan toydiradi, lekin bu uzoqqa cho'zilmaydi. Alloh subhaanahu va ta'ala onalikning ilk ikki yilini zaiflik ustiga zaiflik qilinganini aytadiku, shu yillarni yashab o'tyapmizda biz ham.

Ko'p narsaga ulgurmasligimiz fojea emas, farzandimizning bu bolalik yillarini, beg'ubor va yoqimli davrlarini his qilmay o'tkazib yuborishimiz fojea.

Har doimgidek o'ylarim oxiriga yetmasidan charchab qoldim. Opa* uxlaganlarida nimadirlarni o'ylab olmasam boshqa payt ulgurmiyman bunga :D

Rahmat! Xayr.

#yozgim_keldi

Hamma narsa haqida 📻

Ba'zida to'lib ketaman. Aytadiganlarim juda ko'pdek tuyuladi, lekin qaysi biridan boshlashni bilmay yana joyiga ko'mib qo'yaqolaman hammasini. Hozir ham shu holat ichidaman...🪤

Ko'zlarimni yumsam-u, ochganimda daraxtlari ko'p o'rmonsifat joyda gulxan yoqib, yog'och oromkursida o'tirgan bo'lsam xotirjam nimadir yeb, ichib (yosh bolali onalar tushunadi). Yomg'ir tomchilab tursa. Qizim esa qorni to'q, hammasi joyida bo'lgan holda otasi bilan 2-3 soatga sayrga ketgan bo'lsa. Ha, shundayam qizimni o'ylayman. Hayolni ham reallikka yaqin qilib suradigan bo'lib qolibman. Anchadan beri o'zim uchun hatto shunga ham vaqt ajratmayotgandim 🪫

Qizim mening eng yaqin dugonam, eng katta omonatim va ne'matim. Deyarli butun resurslarim unga qaratilgan ayni oylarda. Pishillab uxlab yotgan joyida quchoqlab, o'pib olgilarim kelyapti hozir, masalan...🫀

Birodarlarimni sog'indim. Soatlab birga vaqt o'tkazgan, hamma narsa haqida suhbat qurgan paytlarni, kitob do'konlarini aylanishimizni, hafa paytlarimizda hech nima demasdan uzoq vaqt bir-birimizni bag'rimizga bosgancha turishimizni, oylik olganimda oldin hech yeb ko'rmagan ovqatlarni yeb ko'rishchun biror kafe yo restoranga borishimizni, sababsiz hadiyalashishimizni, xullas hammasini sog'indim. Hozir hamma o'qishi, ishi, sog'lig'i yoki oilasi va farzandlari bilan ovora. Birodarlarimni yaxshi ko'raman...🫂

Uxlagim keldi endi. Xayrli tun. Qizim kechasi yaxshi, uyqusi bo'linmasdan, yo'talmasdan, yig'lamasdan, miriqiib uxlasin! Aamiiyn debqo'ying!🥱