MEXRIBONIM_OTAM_ONAM

#ибрат

Доктор Муҳаммад Хоний айтади

Кунларнинг бирида машинамда ўтиргандим. Ўн олти ёшли бола келиб, "Олд ойнани артиб тозалаб берайми?" деб сўради.

"Хўп" дедим.

Ажойиб қилиб тозалади. Унга 20 доллар бердим. Бола ҳайрон бўлиб, "Америкадан келдингизми?" деб сўради.

"Ҳа" дедим.

"Тозалаш ҳақини олмай, ўшанинг эвазига сиздан Америка университетлари ҳақида сўрасам майлими?" деди бола.

У шу даражада одобли эдики, гаплашиш учун ёнимга чақиришга мажбур бўлдим.

"Ёшинг неччида?" деб сўрасам, "Ўн олтида" деди.

"Ўрта мактабнинг иккинчи синфида ўқийсанми?" десам, "Йўқ, эъдодиянинг олтинчи синфини тамомладим" деб жавоб берди бола.

"Қандай қилиб?" деб сўрадим.

(Араб мамлакатларида мактаблар ўқувчилар ёшига, ўқитиладиган фанларнинг мураккаблигига қараб турлича бўлади. Мутавассита деб номланган ўрта мактабларда кичик ёшдаги болаларга енгил фанлар ўқитилса, эъдодия мактабида ёши каттароқ болалар ўқитилади. Ҳикоядаги бола мутавассита мактабида ўқиш ёшида экан. Аммо эъдодияда ўқияпти)

"Дарсларни ўзлаштиришда бошқа ўқувчилардан устунлигим ва барча фанлардан баҳоларим беш бўлгани учун улар мени бир неча йил олдинга ўтказишди" деди.

"Нега бу ерда ишлаяпсан?"

"Отам икки ёшлигимда вафот этганлар. Онам бир уйда пазандалик қиладилар, мен ва синглим кўчада ишлаймиз. Эшитишимча, Америка университетларида дарсларни пухта ўзлаштирган, аълочи талабаларга стипендия берилар экан" деди.

"Бу ерда сенга ёрдам берадиган киши борми?" деб сўрадим.

"Ўзимдан бошқа ҳеч ким" деди.

"Кел, овқатлангани борамиз" дедим.

"Орқа ойнани артиб бериш шарти билан" деди. Рози бўлдим.

Ошхонада таомни ўзи емади, балки онаси ва синглисига олиб бориш учун халтага солиб келишларини сўради.

Инглиз тилида равон гаплашишини сездим. Бола кўп ишларни маҳорат билан бажарарди.

Ўзининг ҳужжатларини уйидан менга юборишга, мен уларни Америкага жўнатишга уриниб кўришга келишдик. Олти ой ўтгач, уни ўқишга қабул қилишларига эришдик. Ўқишга қабул қилинганидан икки кун ўтиб менга қўнғироқ қилди ва "Аллоҳга қасамки, биз уйда қувончдан йиғлаяпмиз" деди.

Икки йилдан сўнг унинг исми "Нью Йорк таймс" газетасида замонавий технологиялар соҳасидаги энг ёш олим сифатида нашр этилди. Мен ва оилам бундан хурсанд бўлдик. Аёлим менга билдирмай, боланинг онаси ва синглиси учун виза олибди.

Бола онаси ва синглисини Америкада кўриб, на гапира оларди, на йиғлай оларди.

Бир куни уйда мен ва аёлим ўтиргандик. Қарасак, у ташқарида машинамни ювяпти. Кутилмаган ҳолдан ҳайратда қолиб, уни қучоқлаб олдим ва "Нима қиляпсан?" дедим. Шунда у "Мени қўйиб юборинг. Ўзимнинг олдин қандай аҳволда бўлганимни ва сиз мен учун нималар қилганингизни унутмаслик учун" деди.

Фаластинлик бу йигитнинг исми Фарид Абдул Олий бўлиб, бугун у АҚШдаги Гарвард университетининг энг машҳур профессор ўқитувчиларидан бири.

Инсондаги юксак хулқлардан бири қилган яхшилигини миннат қилмаслик ва бировдан кўрган яхшилигини унутмасликдир.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

⭕️⭕️⭕️ ⭕️⭕️⭕️ ⭕️⭕️⭕️

Бу жуда қизиқ

СИЗ ҚАЙСИ ОЙДА ТУҒИЛГАНСИЗ?

ЯНВАРЬ❄️ ФЕВРАЛЬ⛄️

МАРТ🌧. АПРЕЛЬ🌷

МАЙ🌼 . ИЮНЬ🌞

ИЮЛЬ🌺. АВГУСТ💐

СЕНТЯБРЬ☔️. ОКТЯБРЬ🍁

НОЯБРЬ🌧 ДЕКАБРЬ❄️


Туғилган ойингизни босинг ва чиққан сюрпризни ўзингизга сақлаб қўйинг

Дийдор ғанимат дўстим...

Умр ўтар шошқалоқ,
Вақт дўст бўлмас ҳеч ўртоқ.
Йўқлаб қилгин қўнғироқ,
Дийдор ғанимат дўстим.

Бугун бормиз эрта йўқ,
Ишим кўп деб қилма дўқ.
Дўст ачитиб отдим ўқ,
Дийдор ғанимат дўстим.

Ўзинг олма ҳеч тортиб,
Рўзғор ташвиш иш бор деб.
Вақтинг ажрат бир ортиб,
Дийдор ғанимат дўстим.

Дўстлар группасига юбориб қўямиз.

✍ Муaллифга рахмат.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ОТА ҲОВЛИ.!

Қанча қилма уйингни қаср,
Отасиз уй мозор бўлади.
Ҳеч кимсага сир эмасдир сир,
Ота ҳовли бошқа бўлади.

Қишин ёзин сўнмайди гуллар,
Кеча кундуз сайрар булбуллар,
Шилдир-шилди оқади сувлар,
Ота ҳовли бошқа бўлади

Қаср эмас бир олам нурли,
Жаннат эрур боғчаси дурли.
Тугамас ҳеч меҳри бор сирли.
Ота ҳовли бошқа бўлади.

Фаришталар кезади гўё.
Орзу умид бўлади рўё.
Хотиржамдек бўласан гўё.
Ота ҳовли бошқа бўлади.

Дунёга келиб мен шу уйда.
Бешикда беландим шу уйда.
Муҳрланиб қолган хаёлда.
Ота ҳовли бошқа бўлади.
Ота ҳовли бошқа бўлади.

ФАРҲОДХОН.✍️

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ДАДАЖОНИМ

Хурсанд қилиб юзимни,
Ёшлатмайди кўзимни,
Икки қилмас сўзимни,
Дадажоним ўзимни.

Шерик бўлар дардимга,
Етадида қадримга,
Озор бермас қалбимга,
Дадажоним ўзимни.

Узун бўлсин умрингиз,
Юзга кирсин ёшингиз,
Омон бўлсин бошингиз,
Дадажоним ўзимни.

Бахтим менинг, қувончим,
Ишонганим, суянчим,
Ҳар ишимда таянчим,
Дадажоним ўзимни.

Дуо қилар, кўнглим чоғ,
Беминнатли, қалби оқ,
Болам, дедингиз кўпроқ,
Дадажоним ўзимни.

Ҳар бир сўзингиз ҳикмат,
Доим юрингингиз хурсанд,
Менга тилаган омад,
Дадажоним ўзимни.

✍ Солиҳабегим
Дилафруз Шаҳрихоний

Ota ~ Onasini Qadrlaganlar Kanali

@MEXRIBONIM_OTAM_ONAM 🌸